اتصل بادارة الموقع البحث   التسجيل الرئيسية

 

إعلانات خيرية مساحة مجانية للاستفسار مراسلة الإدارة

======================================================================================================================


العودة   منتديات حفر الباطن عاصمة الربيع > القسم الادبي > القصــه والقصيــده

القصــه والقصيــده قصص الماضي وحكايات الحاضر

إضافة رد
 
أدوات الموضوع انواع عرض الموضوع
قديم 12-08-12, 07:39 AM   رقم المشاركة : 1
عايض المريخي
عضو ذهبي
الملف الشخصي







 
الحالة
عايض المريخي غير متواجد حالياً

 


 

قصه/وقصيدة شاب يريد الزواج من بنت عمه .....

قصيدة شاب ذهب لعمه صاحب الملايين يريد الزواج من
بنت عمه ووضع له عمه بعض شروط التعجزية وقال هذه الابيات


سبحان من يرزق بتوع الملاييـن. &&& الرازق اللي ما يخيب الرجـا بـه

لي عم عنده معـرضٍ للصواليـن &&& أموت واعرف بس من وين جابـه

وإذا سألته قـال بعـت الدكاكيـن &&& ما يدري إني ما هضمت الإجابـة

الشاهد إني رحت له قبـل يوميـن &&& في قصره العامـر ودقيـت بابـه

قال أرحب أرحب عدّد ورد البساتين &&& يا مرحبا باللـي لفـا يـا هلا بـه

قلت البقا عـدّ النفـل والرياحيـن &&& يا شيخ شمل أهل الكرم والذرابـه


قال اسلم الله يحفظك لي من العين &&& وآمر أوامر حضرتـك مستجابـة

قلت الصراحة طالبٍ قرب غاليـن &&& ودي تزوجنـي كريمتـك يـابـه

ثنّى وقال أهليـن والله وسهليـن &&& والكون ترخص لجل عينك رقابـه

لكن ترا عندي شـروط وقوانيـن &&& قلت اشرط اشرط يا حبيب الغلابـة

قال أولاً مهر العروسـة ثمانيـن &&& غير الرسوم وغير حق العصابـة

والثانية عمك يبي منـك سبعيـن &&& رسم الأبـوّة والنسـب والقرابـة

وأم العروسة حقها منـك ستيـن &&& عشانها ست الحسـن والمهابـة

وإخوانها كلن يبي منـك خمسيـن &&& عداً ونقـداً تنـدرج فـي حسابـه

وخواتها الخمس عطهن من ثلاثين &&& عشان تتوثـق عـروق النسابـة

وتجيب طقم عيار واحد وعشرين &&& وخاتم من الماس المصفى ترابـه

وأكياس متروسة كعوب وفساتيـن &&& ألوانهـا وأشكالهـا مـا تشابـه

وموتر بسواقـه وفيـلا بدوريـن &&& أثاثهـا مـن بطرتـه ينحكـى بـه

واحجز لنا قاعة بقصر السلاطيـن &&& واحجز بهـا رقاصتيـن وربابـه

هذي الشروط اللي على بالي الحين &&& وذكرني اللي ما حسبنـا حسابـه

قلت اذكر الله يا عـدو المساكيـن &&& واستغفـره لا يبتلـيـك بعـذابـه

الظاهر إنك منت عارف أنا ميـن &&& أنا لو أرقى فـوق متـن السحابـه

ما جبت حتى نص درزن مواعيـن &&& واضحك بكيفك واعتبرهـا دعابـة

شروطكم هذي شـروط المجانيـن &&& شروطكم شغـل ابتـزاز ونهابـه

شروطكم تقصم ظهـور البعاريـن &&& شروطكـم همّـن وغـم وكآبـه

شروطكم والله سيوف وسكاكيـن &&& تذبح بنات المجتمع مـع شبابـه

وين الرضا والعطف واليسر والليـن &&& اللي ذكرهـا الله بمحكـم كتابـه

وين الصفات اللي أمرنا بها الديـن &&& وين اختفى نهج النبي والصحابـة

يا عم جعل اللي خلقنا من الطيـن &&& يرد عقلك مـن خطـاه لصوابـه

ويجعل نصيبي عند غيرك قل آمين &&& ويحسن عزا الصابر ويجزل ثوابه

قال أنت لو فكرت تفكير صاحيـن &&& ما شفت في مجمل شروطي غرابه

حنا بعصـر العولمـة والمزاييـن &&& ماهوب عصر الفلسفة والخطابـة

الناس تسعى للرتـب والنياشيـن &&& وأنت اهتمامك بالشعـر والكتابـة

والشعر ما ينفعك لو هو دواويـن &&& ما دام جيبك مثـل بيـت الخرابـة

يا بوك لا تسمع كلام المصاخيـن &&& واسأل مجرب عاش في وسط غابه

قلت الله أكبر يا محـرر فلسطيـن &&& من يسمعك يحسبك ذيـب الذيابـه

تراك شايب رأس مالـك رياليـن &&& والبنت ما تسوى جنـاح الذبابـة

قال انقلع مالت على وجهك الشين &&& لا عاد أشوفـك عندنـا يالزلابـه

قلت ابشر أبشر لكن الباب من وين &&& وأقفيت من عنده على صوت بابـه






التوقيع :

كنت أتمنى مآ أفقد إلآ .. " عدوي "
وربي بلآني مآ أفقد إلآ [ حبآيب]





[/align]

رد مع اقتباس
قديم 13-08-12, 06:25 AM   رقم المشاركة : 2
ريم النواااظر
مراقبة الاقسام الادبيه
الملف الشخصي







 
الحالة
ريم النواااظر غير متواجد حالياً

 


 

رد: قصيدة شاب يريد الزواج من بنت عمه .....

؛

قصيده تحكي قصه
اختيار جميل
ويعطيك العافيه
ولاهنت ياعايض علي روعة مانقلت







التوقيع :













رد مع اقتباس
قديم 14-08-12, 03:32 AM   رقم المشاركة : 3
الباهره
عضو نشط
الملف الشخصي






 
الحالة
الباهره غير متواجد حالياً

 


 

رد: قصه/وقصيدة شاب يريد الزواج من بنت عمه .....

يعطيك العافيه
قصه وقصيده رائعه







رد مع اقتباس
قديم 05-12-12, 02:15 AM   رقم المشاركة : 4
فوضى
عضو فعال
الملف الشخصي






 
الحالة
فوضى غير متواجد حالياً

 


 

رد: قصه/وقصيدة شاب يريد الزواج من بنت عمه .....

سلمت يمناك
نقل مميز







التوقيع :

رد مع اقتباس
قديم 08-12-12, 02:58 PM   رقم المشاركة : 5
العوبا
عضو فعال
الملف الشخصي






 
الحالة
العوبا غير متواجد حالياً

 


 

رد: قصه/وقصيدة شاب يريد الزواج من بنت عمه .....

يسلموو ع النقل قصيده رائعه وقوية الكلمات

تقبل مروري







رد مع اقتباس
قديم 29-01-13, 02:13 AM   رقم المشاركة : 6
احمد حلمي
عضو فضي
الملف الشخصي






 
الحالة
احمد حلمي غير متواجد حالياً

 


 

رد: قصه/وقصيدة شاب يريد الزواج من بنت عمه .....

الله على الروعه شكراً







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:52 AM


Powered by vBulletin® Copyright ©2000 - 2017, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم