اتصل بادارة الموقع البحث   التسجيل الرئيسية

 

إعلانات خيرية مساحة مجانية للاستفسار مراسلة الإدارة

======================================================================================================================


العودة   منتديات حفر الباطن عاصمة الربيع > الأقسام الإجتماعية والسياحية > ركـــن المـــرأة

ركـــن المـــرأة كل ما يخص المرأة ويفضل عدم دخول الرجال

إضافة رد
 
أدوات الموضوع انواع عرض الموضوع
قديم 23-07-10, 03:37 PM   رقم المشاركة : 1
وجودعبود
عضو برونزي
الملف الشخصي







 
الحالة
وجودعبود غير متواجد حالياً

 


 

hilp1 ملف لمفرزنات رمضان &&&الجميع مدعو للمشاركة











خواتي العزيزات / حبيت في هالموضوع نتشارك ونفيد بعضنا في طريقة الاستعداد لرمضان سواءً بتفريز بعض المأكولات أو أي شي تسوينه يخلي الشغل سهل وسريع في هالشهر الفضيل ،أو أي شي مفيد ومنقول من منتديات ثانية 0

عني أنا أفرزن بعض المأكولات وهذا يسهل علي الشغل بشكل كبير جداً
قبل رمضان بخمس أيام تقريبا أبدأ أفرزن كبة - منتو كذاب - دوائر التوست - أصابع معمول التمر - سمبوسة طرايق بالجبن واللحم - أما السمبوسة البف أفرزن كمية تكفي أسبوع فقط وكل ماخلصت الكمية أسوي كمية غيرها

يالله يابنات شدوالهمة وخلونا نبدأ كل وحدة إذا فرزنت لرمضان تحطه لنا في هالملف علشان نستفيد ، أو تنقل لنا من منتدى آخر إذا سمحوا لها >>>سرقة ممنوع هههههههه

أنا معكم إلى أول ليلة في رمضان وفي رمضان انقطع عن النت وأرجع بعد العيد إذا الله أحيانا


راح أبدأ بأسهل شي وهو الحمص ( السحور المفضل لأبو الشباب )
أغسل الحمص وأنقعه بالماء من الليل إلى الصباح مع تغيير الماء مرتين أو ثلاث



وفي الصباح أطبخ الحمص بماء جديد لحد ما ينضج وبقدر الضغط أسرع وينضج زين



أصفيه وأوزعه بأكياس كل كيس مغرفتين كبار تقريبا وعلى الفريزر على طول



عند الاستخدام أذوب كيس حمص ( إذا مستعجلة صبي عليه ماء مغلي )
وأخلطيه بخلاط الطماط مع عصير ليمون وملعقتين طحينة سايلة وملح وشوي ماء
طبعا لازم تذوقينه يمكن يحتاج ملح أو عصير ليمون أكثر
وسلامتكم







التوقيع :
[align=center]

رد مع اقتباس
قديم 23-07-10, 09:15 PM   رقم المشاركة : 2
لينو
مشرف سابق
الملف الشخصي







 
الحالة
لينو غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

ما شاء الله .. تبارك الرحمن عنك يا وجود

انت بحد ذاتك موسوعه معلومات للطبخ ...

وانا متاكده ان الكل رح يستفيد من خبراتك ...

وحاولي برمضان بدال الانقطاع التام تدخلي وتعلمينا اكله من اكلاتك اللي بتحضريها

موضوع رائع ويستحق التثبيت







التوقيع :
كل شيء مسموح به الا الغدر ...

رد مع اقتباس
قديم 23-07-10, 09:23 PM   رقم المشاركة : 3
هجير
مصممه متميزهـ
الملف الشخصي







 
الحالة
هجير غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

ماشاء الله عليك ياوجود


بس اتمنى انك ماتنقطعين ياعمري وراح نشارك مع بعض

تمنيااتي لك بتوفيق







رد مع اقتباس
قديم 24-07-10, 12:10 PM   رقم المشاركة : 4
تـولـيـن
عضو برونزي
الملف الشخصي







 
الحالة
تـولـيـن غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

وجود عبوود موووضوووع تووووحفه ان شا الله نستفيد منه
وعني انا مافرزن شي كل يووم بيووومه الا اذا ناويه اسوي حلا اسويه قبل الموعد بيووووم







التوقيع :

رد مع اقتباس
قديم 26-07-10, 02:25 AM   رقم المشاركة : 5
وجودعبود
عضو برونزي
الملف الشخصي







 
الحالة
وجودعبود غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

رجعت لكم مرة ثانية
لكن هالمرة راجعة لكم بمعمول سهل ممتنع ؟؟؟؟؟؟
يعني شوي صعب لكنه سهل ـ؟؟؟؟خخخخخخخخخخ حلوها عاد
المعمول هذا تعلمته من أعز صديقاتي الله يجزاها الجنة

الحلو في هالمعمول انه يتفرزن وقبل لا تسوين القهوة طلعي الكمية اللي تبين من الفريزر وتذوب بسهولة
أنا أسويه بيومين علشان ما يتعبني
اليوم الأول أسوي الحشوة ( التمر ) وأطحن بهار المعمول
واليوم الثاني أعجن وأكمل طبخ المعمول وأفرزن

يالله نبدأ
الحشوة / كاسين تمر بدون نوى + ملعقة زبدة + ملعقة صغيرة هيل + ملعقة صغيرة قرفة مطحونة + ملعقتين سمسم محموس بدون زيت
نعجن المقادير مع بعض ونشكلهم مثل الأصابع الصغيرة ونفرزنهم
يقعدون بالفريزر أسابيع متى ما بغيتي تسوين معمول تكون الحشوة جاهزة


الحين نجي لبهار المعمول / يانسون + حبة حلوة + حبة سوداء
نطحن كل وحدة لحال وبعدين نخلطهم ونحطهم بعلبة بعد ما ننخلهم وعلى الفريزر على طول لوقت الحاجة

العجينة / 3 كاسات طحين + ملعقة صغيرة خميرة فورية + ملعقة صغيرة بكنج بودر + ملعقتين بهار معمول + ثلاث أرباع كاس زيت + كاس ماء >>>>بالنسبة للماء في أغلب الأحيان أزيد لحد ما تصير العجينة مثل عجينة الفطاير
بعد ربع ساعة نكور العجينة كور صغيرة بحجم نصف البيضة تقريبا ونتركهم ربع ساعة بعد
نفرد الكور ونحشيهم التمر اللي مسوينة قبل بيوم


[
img]http://www10.0zz0.com/2010/07/25/12/219207033.jpg[/img]


نرص الأصابع في صينية ملبسة قصدير ونمسح القصدير بزيت
وندهن الأصابع بيض ونرش سمسم


طبعا نخبز المعمول بالفرن من تحت ثم من فوق >>> لاحظوا ثم ترى مو سهلة
أنا أحب ارشها بعد كذا سكر مطحون وفيه ناس ما تحب
بعد ما تبرد رصيها بعلب وبالفريزر إذا جاكم مسايير (يعني زوار ) على طول طلعي المعمول على ماتسوين القهوة يكون ذاب بإذن الله


صراحة روعة للزنقات والزيارات المفاجئة
أنا سويت هالكمية ورصيتها في الصحن ( حق الزيزفون علشان ما يرجعونه ) وأرسلته لجيراني حبايبي >>> وش رايكم بالتصفيف طلع روحي على ماظبط


على فكرة قبل لا أنسى / الكاس المستخدم للمكيال هو كاس الجبن السايل الصغير >> لا تسألوني ليه أنا أخذت الطريقة كذا ومطبقتها كذا
يعني إذا ما عندي كاس جبن صغير ما أقدر أسوي المعمول >>> دلاخة خخخخخخخخخخخخ
أتمنى يعجبكم







رد مع اقتباس
قديم 26-07-10, 03:33 AM   رقم المشاركة : 6
بـيلــسآن
العضوية الماسية
الملف الشخصي







 
الحالة
بـيلــسآن غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

ماشاء الله عليك
الله يعطيك العافيــه ...







التوقيع :


رَضَينآ وكَيفمآ تَمِضي الحيآةٌ مِضَيِنآ !!

رد مع اقتباس
قديم 27-07-10, 02:09 PM   رقم المشاركة : 7
تـولـيـن
عضو برونزي
الملف الشخصي







 
الحالة
تـولـيـن غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

وجووود بجد مبدعه
والله نفسي اذا ماعندي المكيال المطلوووب ماعرف اسوووووي شي







رد مع اقتباس
قديم 31-07-10, 03:45 PM   رقم المشاركة : 8
وجودعبود
عضو برونزي
الملف الشخصي







 
الحالة
وجودعبود غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

كيفكم خواتي
لييييييش ولا وحدة شاركت بطبخة أو حاجة مفيدة لرمضان ؟؟؟
بصبر عليكم إلى قبل رمضان بيوم وبعدها فيه عقااااااااااااب صارم وجلد وتنقيص درجات >>> حشا طالبات مو عضوات خخخخخخخخخ
المهم قبل كم يوم قريت في أحد المنتديات طريقة تخزين الطماط ( الطماطم ) >>>ما أحب كلمة الطماطم مدري ليه ؟؟
والبارح أبو الشباب جاب كمية كبيرة من الطماط
فقلت بدل ما يخرب راح أجرب طريقة ذيك الأخت الله يجزاها الجنة سواءً ظبطت الفكرة أو فشلت وما صبرت صورت الطريقة لأنها روعة لرمضان وتسهل كثير من الشغل علينا

يالله نبدأ /أولا نغسل الطماط ونسلقه بالماء خمس دقايق تقريبا



وبعدين نقشر الطماط ونقطعه بالخلاط الكبير ( يكون مقطع مو عصير )
ونرجع نطبخه على النار ( أنا حطيت عليه معجون طماط _ صلصة _ لأن لون الطماط فاتح وشوي ملح ) هذي الإضافات من عندي




بعد كذا نصب الخليط بعلب زجاجية وغطاء حديد ( استخدمت علب ورق العنب الفارغة )
ونقلب العلب رأسا على عقب ونسلقها مرة ثانية خمس دقايق تقريبا لا تسألوني ليه ؟؟ ما أدري ، لكن أظن علشان يتفرغ من الهواء



نطلع العلب ونتركهم يبردون على الطاولة وهم على حالهم متقلبين >> مساكين



بعد ما يبردون حطيتهم بالثلاجة مع إن كاتبة الموضوع تقول برا الثلاجة لكن أنا خفت وحطيتهم بالثلاجة
بجرب علبة وحدة خارج الثلاجة للتجربة وأشوف وبعد مدة أعلمكم عن النتيجة

إن شاء الله تكون هذي الطريقة عاجبتكم
يالله حبيباتي أي وحدة تستعد لرمضان تحط لنا طريقتها علشان نستفيد
عندي سؤال بسيط : وين ألاقي طماط المزارع الأحمر اللي بالسوق يارب لك الحمد مو طماط كأنه برتقال
زمان كان عندنا مزرعة وإذا طبخنا الطماط يصير كأنه صلصة يجنن لون وطعم وريحة
الحين لا لون ولا طعم يخرب علينا كثير من الطبخات







رد مع اقتباس
قديم 03-08-10, 02:12 AM   رقم المشاركة : 9
وجودعبود
عضو برونزي
الملف الشخصي







 
الحالة
وجودعبود غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

يا حليلكن يابنات الحفر
وش هالحماس والسنع والطبخات الزينة خخخخخ
([align=center176[/align])
أكتب الموضوع وبعد كم يوم أفتحه ألقاه مثل ماكان
أحيانا أظغط على تحديث على بالي معلق من ذاك اليوم
()
المهم ياأوخياتي أمس جاني نشاط بسبب إن أبو الشباب معزوم على الغداء
فقلت لنفسي ياوجود الله يهديك مادام ما عندك شغل ولا مشغلة
وأنتي ما تعودتي على الفراغ
ورا ما تقومين تفرزنين كبة لبنت عمك العزيزة الغالية
ووافقت نفسي على الفكرة وعلى طول للملحمة وأجيب منه كيلو لحم مفروم
وراح أنزل لكم الطريقة
وإن شاء الله تعجبكم


أولا نغسل كيس برغل وننقعه بماء يادوب يغطيه ربع أو ثلث ساعة ونصفيه
نسلق ست حبات بطاطس نصف سلقة


نعجن البرغل والبطاطس والبهارات (ملح ناعم وكركم وكمون وفلفل أسود )




بكذا تكون عجينة الكبة جاهزة

للحشو نحمي الزيت قليل ونحمس فيه البصل ونضيف اللحم المفروم وبعد ما يستوي نحط عليه الملح الناعم والفلفل الأسود والكمون وأي بهار تحبينه ونضيف في الأخير كزبرة حضراء مفرومة
وإذا تحبون جزر مبشور ما فيه مانع
بعد ما تطفين النار نضيف له الصنوبر المحمص
وهاذي الحشوة جاهزة


بعدين نبدا نشتغل على مكينة الكبة
طبعا نشكل العجينة على شكل اسطوانات ونصفهم بصحن مرشوش عليه طحين
كل ماسوينا عشر اسطوانات نوقف المكينة ونحشي ونرجع نشغل المكينة مرة ثانية
هذا علشان ما تنشف العجينة






نرص الكبة بصحن ملبس كيس وعلى الفريزر
وبعد ما تثلج زين نرصهم بعلبة أو أكياس لحم

أنا سويت تقريبا مية حبة لبنت عمي
وبعد كم يوم راح أفرزن لي نفس الكمية أو أكثر على حسب النشااااااط




وش رايكم بكبتي
إذا عاجبتكم ردوا علي
وإذا ما عجبتكم ردوا بعد خخخخخخخخخخ>> ما فيكن حيلة







رد مع اقتباس
قديم 07-08-10, 02:06 AM   رقم المشاركة : 10
وجودعبود
عضو برونزي
الملف الشخصي







 
الحالة
وجودعبود غير متواجد حالياً

 


 

رد: ملف لمفرزنات رمضان &&&الجميع مدعو للمشاركة

التوست وما أدراك ماالتوست
كل الطعامة واللذاذة فيه >>>> فالك البيرق

من أهم الأكلات الخفيفة الشغل دوائر التوست
الكل يعرفها ويسويها خاصة في رمضان
أنا أفرزن هالأكلة المفروض قبل رمضان بيوم أو يومين
لكن هالسنة أستعجلت شوي

يالله نبدأ
1- نسلق دجاجة مع ملح وبهارات حب وبعد ما تستوي ننتفها ( مرق الدجاج فرزنيه لورق العنب طعمه روعة مع المحاشي )
2- نحمس البصل بشوي زيت ونضيف عليه الدجاج والجزر المبشور والكمون والكركم والفلفل الأسود والكزبرة الخضراء ( أعشق الكزبرة )3-نفرد التوست ونقطعها دوائر ( بواقي التوست جففيها ودقيها بالنجر واستعمليه كبقسماط )
4- ندهن التوست بجبن سايل 5- نحشي التوست بالدجاج ونطوي على شكل نصف دائرة ونضغط على الأطراف


بعد كذا طبعا تعرفون نغمس التوست بالبيض (بيض +ملح +فلفل أسود )وبعد البيض بقسماط


ونرص التوست بصينية ملبسة كيس علشان ما تلصق وعلى الفريزر
وبعد ما تجمد نعبيها في علب أو أكياس لحم



وخلاص شفتوا سهلة كيف






رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:35 PM


Powered by vBulletin® Copyright ©2000 - 2017, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم