اتصل بادارة الموقع البحث   التسجيل الرئيسية

 

إعلانات خيرية مساحة مجانية للاستفسار مراسلة الإدارة

======================================================================================================================


العودة   منتديات حفر الباطن عاصمة الربيع > القسم الادبي > مشــــاعر الــــروح

مشــــاعر الــــروح يختص بالشعر النبطي

إضافة رد
 
أدوات الموضوع انواع عرض الموضوع
قديم 08-11-09, 02:50 PM   رقم المشاركة : 1
ريم النواااظر
مراقبة الاقسام الادبيه
الملف الشخصي







 
الحالة
ريم النواااظر غير متواجد حالياً

 


 

Exclamation ][*عبدالله الأحمد في ضيافة الريم *][






أسعدتم مساءً / صباحاً/ يااآل عاصمة الربيع

ضيفي اليوم أستطاع ان يصنع له أسماً في سماء مشاعر الروح
يمتلك قوة في الأسلوب وتميز وجزالة المعنى
قصائده دائما معبره عن أحاسيسه ؛
وتصف لنا مشاعره بكل صدق
أحببنا أسلوبه 00 واحببنا تواجده معناا
تواجد هنا منذو عام 2006 م/
ولازال هنا يمتعنا بكل ماهو جديد وجزل؛؛؛



هل كل الجروح لها دواء؟
كل جرح ٍ له مداوي (الاطعنات القلوب)
مالها غير التصبر (لامداوي) (ولادوا)

ماذا تفعل عندما يمرك طيف من بالقلب؟
لامرنـي طيفـه يصيبنـي رعشـه
آفز لطيوفه مـن خاطـرن غاشـي

كيف يكون الشعر في حبيبتك؟
في حبيبي الشعر وافي وله بيوته محكمه
,,وله اسخر هالقوافي دام شعري اغتذابـه

وان كان شعري ماخدمني والله اني مخدمه
,,ماعاد نبغاها قصايدولاعادنبغاها كتابه

وكل شعرن في عشيري,, ماتمنيت اختمه
,,بس شعري دوم ملكه, لانتهابه,,ابتدابـه

ماذا تتمني لأهل المنتدي؟
يالله عسى هالعام خيرن من العام
؛؛؛ وكل عام وانتم ياهل المنتدى بخير

وماذا تتمني لك؟
يـالله تحـقـقها لـنا كـل الاحـلام
,, ونـشوف مـن بعد العسر دوم تيـسير

هنا حاولت أجمع جميع قصائده 00لكي نستمتع بهاا
وتكون كـ/ ديوان له


الا يـاحـظـي الـعـاثـر
الا يــاحـظـي الـعاثر اعتقني تـرى يكـفي = تبيني آصيح للعـالـم والا اشقـق ثيـابي؟!
الا يامشغل(ن) بالي الا يامتعب(ن) حرفي= صار الحزن ماغيره بـعيـوني وبـكتـابي
على بـاب الأمـل وقفت تحريت الهنايلفي = تأخـرسبتك فرحي واخذني الحزن وقفابي
دوم انته تعاندني وكـنـك حالف(ن) حلفي = تزيد الهم في صدري وتصدمني بأحبابي
مدام انك تعاندني ومادام ان الوفا مقفي= نويت آصك في وجهك وفي وجه الندم بابي
ابتناسى لعـل انسى وارمي كل شي خلفي = بعـيش الـياس متأكد بـدل ماموت مرتابي
ماعاد آبيك تتعدل وعـمـره ماوقف نزفي = خل الجرح يريحني قبـل لا أفـقـد اعصـابي
الا حسبي على منهو حرمك النوم ياطرفي = على منهو أخذ ذنبك من مبطي ولاتـابي

ولأن عبدالله غير
فلقد كتب ؛؛؛
إنــتـــــــ (غـيـــــــــــــر)


انت غير وغيرك من الناس غير=انت عندي ياغرامي شي ثاني
انت الاول في عيوني والأخير=انت حبي,,انت حلمي والاماني
آه ياليتك تشوف القلب مـــير=مايشاف القلب من خلف المحاني
القلب ياقلبي يرفرف شبه طير=يبي المطير وبس عانده الزماني
مايشوفه غير رب(ن) به خبير=يشهد اني وافي(ن) ماني أناني
لا تظن فيني جزاك الله خير=انت بحر الحب شطه والمواني
لا تظن فيني حبيبي ما يصير!!=حرام اعاني قسوتك وانته حناني
انت غير وقسوتك والله غير=قسوتك أقسى من أية شي ثاني

هذا المساء موحش,,,,,ولصاحبي وحشه



مــاطلبتــــ المستحيلــــ ...
آنا طالب بس شوفك ماطلبت المستحيل=لاتكرهني بشوفك ولاتعوفني وصالك
ماحصلي عن شموسك في هوى ظلك مقيل=دوم تكويني شموسك وانت حارمني ظلالك
انقهر لما أحسك في مواصلنا بخيل=يابخيل الوصل تدري (ماتكفي كيف حالك)
لاتهد الحيل تكفى مابقى بالقلب حيل=لاتهد الحيل وآنا وماحوى قلبي حلالك
لاتخليني افكر في المفارق والرحيل=انصحك (هم المفارق) حملن يفوق احتمالك
تدري اني من عرفتك اشتكيك لكل ليل!=يعني هذا هو جزايه يوم لي قلبن وفالك
ياجميل الوصف ودي لوترد بعض الجميل=والا ماودك عيوني يكتمل فيها جمالك!
ياجميل الوصف تكفى رجع انفاس القتيل!=حرك الحب بعروقه وإلحقه,,بانتشالك
آنا طالب بس شوفك وادري ماهومستحيل=(المنى إني أشوفك) (والهنا لحظة وصالك


كل شيٍ قد تغير واعلن الخافق وداعه=مابقى فيني لوصلك ياعديم الذوق رغبه
أجدبت غدران قلبي وانت راضي بالتياعه=دربك اللي كنت خابر يابسٍ قدمات عشبه
انت سبَبت الموادع وانت سبَقت القطاعه=ماني متحسف وراضي بكل مقسومٍ وكتبه
منت أول شخص جافي انجبر خله وباعه=وماني آخر شخص وافي مات معنى الحب عقبه
ماسمعته ذا حقيقه لاحشا ماهواشاعه=كافي تلعب بالمشاعر المشاعر ماهي لعبه
وفر اعذارك مدامك تملك لهجرك شجاعه=لااتعذر لي كفايه ولا تزيد الكذب كذبه
في عيوني ضاق كوني والفضا رغم اتساعه=لين روحي وانت لاهي اكتفت حزنٍ وغربه
كل جرحٍ من جروحك زادني عزم وقناعه=وانت غايب منت حاسب للمحبه أي حسبه
مابقى فيني سماح ولاعلى الصبر استطاعه=مرتوي من مر حبك ماطعمت بيوم عذبه
اعتبرتك فرح عمري وماعرفت الفرح ساعه=انت ظالم من يحبك تأسره وتهين قلبه
انتهينا حتى صوتي لاتفكر في سماعه=من تخلى شهور عنا مايفيد اليوم قربه
ماألوم إلا قليبن إزهمه رمشك وطاعه=طاعه القلب بسهوله والنهايه حيل صعبه

ياليل

نــــــار الـــــشـــــوق -
نــار الشــوق وقاده بقلبن مايبي إلا انت=نـارالشـوق يا شـوقي وربي ذوبت صـبري
قهرني الوقت بعناده تعال وعانده لاهنت=اسرع وانتشل عمري من الهم يابعدعمري
ليلي معلن احداده وينك يــالغلا مـابنت=وينك وين طلاتك!! حزيــن اللـيـل مايـــــدري
جفني عايف رقاده وانا رغم البطا ماخنت=لأن الحب مايفنى مـادام ان الوفـا عــذري
ماهي يالغلا العاده ابطت قسوتك مالنت=ونار الشـوق وقـاده منها محترق صـــدري
ياغربة قلبي وبلاده وكون(ن) فيه اناماكنت=الحقني ترى قلبي وضعه يالـغلا مـزري
صبر والصبر مافاده وانا لكل الملا أعلنت=انك انت قتالي قبل لامـوت ومـن بــدري

ســم قلبي


كل بحر(ن)كان هادي في الخفوق اليوم هاج=كم صحيح(ن)عقب شوفك ياوهم اصبح مريض
تحسب ان العين يمـك وانـت فـليت الحجاج = قـمت تـتـدلع و تمـشي و كل من حـولك تغيض
وانت أصـلا"سـم قـلبي لو بكـفوفك عـلاج = انت تـقتـل مـاتـداوي اكـتبها بـالـخط الـعـريـض
اشهـد انـه مالـحقني غـيـر تعـكير المـزاج =والله ان الـلي يـعـرفك يـاوهــم ماهـوحـضيـض
كـم تـحـرينا نـسيـمـك ومالـقيـنا الا العـجـاج = مستحيل اني اطـيعك لـو عـيـونك لي تـفـيـض
وكـم تـهنا فـي دروبـك ماطـمـعنا بالـخراج = لاتـظـن انـي ابـنـزل مـن عـلــوي للحـضيــض

هـذي الليـلـه غـريـبـه!!

---------------

هذي الليله غريبه!! احس ماهي اي ليله = احس فيها بنبض جرحي اللي وقف من زمان
اثاري ذاك الجرح عايش فيني وكني خليله = ليت راعي الجرح مثله وافي(ن) مايوم خـان
مدري ويش اللي حصلي والخفوق انهدحيله = مدري هي قسوة زماني والا ناقصني حنـان
هذي الليله غريبه!!يـا كثر ماهـي طـويـلـه = تـعبــت اعـد الـدقـايـق من طـولهـا والـثــوان
ذكـرتنـي كـل لـيـلـه ماضـيه كـانت بخـيلـه = وذكـرتـنـي كـل كـلـمـه ما نطـق فيها اللـسان
ذكـرتـنـي بالأمـاني والـحـلـول المـستحيـله = ذكـرتني كـل لـحظه امـس جـابت لـي الـجنـان
ويـلاه من ثـقـل همي كيف انا بـقدر اشيله = وكــيـف انا بلـقى لهـمـي مع غرابـيلي مـكـان
الحزن غطى الملامح واتعب النفس العليله = واعتزلت النـاس مجبر خايف الخـافي يبـان
صـار هـذا الحـزن مني وصرت انا انتمي له = للأسـف.. هـذا نصيـبي والله الـمسـتعـان


يـا... صـبـر!



شميت في هالمساء عـطـرك,,
-----------------
شميت في هالمساء عطرك,,,وحن قلبي على المسرا
الـقـلـب بـاقي علـى خبرك ,,, وانـت (ابـطـيـبـتـه) ادرى
مـن يـوم مـافـاتني قطرك ,,, والـجـرح مـا نـيـتـه يـبـرا
يـانـاسـيـني عـلى جـمرك ,,, تـعـبت اكــتـب ولا تــقــرا
حرام احترت في امرك ,,, حرااام شف دمعتي حــمــرا
تبيني آعيش في أسرك؟ ,,, أبي ترفـق عـلى الأســرى
وانا يازين تحت أمـرك ,,, قـلـبـي روضـة(ن) خــضــرا
إخـذ كلي ولا ت ت ر ك ,,, إخـــذ بــكــره وكــل ذكــرى
إخـذ عمري فدا ع م ر ك ,,, و رد المـااااي لـلـمـجــرا


الشـعــور اللي أحـسـه!!!
------------


يامعاناتي تعالي وياسهر ليلي تعال=واستلم يا(هم) قلبي.. سلمه لكل ضيقه
يحتضر هذا الجنوبي ينتظر نسمة شمال=وكلما هب الجنوبي صادفه ما يعيقه
مابقى فيني صبر ومابقى فيني احتمال=شاعرن والمشاعر ماعادهي حره طليقه
الشعور اللي أحسه صعب يوصف أو يقال=لوأبكتب عن شعوري ماتحسبونه حقيقه
والحقيقه هو حقيقه بس أقرب للخيال=وش يترجم هالمشاعر!مالي حيله او طريقه
لي حبيب(ن) في جماله فايق(ن) كل الجمال=وفي غرامه ذاب قلبي واشتعل وسطه حريقه
الهموم اللي عشانه شلتها مثل الجبال=ولو طريقه زاد شوكه ماأجنب عن طريقه
كم اجابه في خفوقي تنتظر منه سؤال=وكم سؤال(ن) لو يقوله يفتح جروح عميقه
الشعور اللي أحسه مابعد قلته محال=لو أبوصف كل زينه (كان كلن سال ريقه)
وش أبكتب وش أخلي (مت) ياعيال الحلال=وكم حروف اشواق (ماتت) في بحر صمتي غريقه

عــود لي حبـيـبـي


اليوم عود لي حبيبي 00الحمد للي سلمه = وقامت الدنيا تهلي يـاهـلابـه يـاهـلابـه
شوف خلي يـاجماعه يـاعساني معدمه = الحياة اتصير ظلما يـاجماعه في غيـابـه
كيف ابهناها حياتي وهي بدونه مظلمه =ووين ابلقى لكل سؤالن ينطقه شوقي اجابه
ياجماعه لاعدمته كم وحشني مبسمه =وياعذابي مقدراصبرعن حبيبي وعن عذابـه
ياعسى حب(ن) بنيته مايجي من يهدمه = والله يخرب بيت منهو قد تمنى لي خرابـه
لوينقسم هالقلب والله ما ترددت اقسمه = ونحيا على قلب واحد وين ماوجه مشابه
ماغيره انسان بقلبي وماغير قلبي يفهمه = قلبي ماهو بس يحبه الا مـيت في ترابـه
غاب عني كم ليله وحالي الله يعلمه = كيـف لوطـول غيابه كان قلبي وش جـرى بـه
يالله لاتحرمني منه ومني لا لا تحرمه =ماحسبت حساب غيره, مـاحسبت الاحسابـه
في حبيبي الشعر وافي وله بيوته محكمه =وله اسخر هالقوافي دام شعري اغتذابـه
وان كان شعري ماخدمني والله اني مخدمه =ماعاد نبغاها قصايدولاعادنبغاها كتابه
وكل شعرن في عشيري00ماتمنيت اختمه =بس شعري دوم ملكه لانتهابه ابتدابـه

السهر والشوق والحب والحنين



خذ من عمري ماتبقى
خـذ من عـمري ماتـبـقى = وريـح عـيون(ن) ماتنام
عيون(ن) من سبتك غرقى= أشواق وعتاب وملام
محد(ن) من اقداره تنقى= طحت في حظ مايـوم قـام
يامحرق(ن)هالروح حرقى =ماهـومعقـول هالكلام!
طعـمك مـر وانت مـنـقـا = فـي ذمـتـي هـذا حـرام
ابي وصل يكفيني فرقا = حس في شوقي والهيام
صعب زي هالقلب تلقى= في مـحبتـه لـك والغرام
عزي لها القلب المشقى= كــن عـمره ألـف عـام
لا تـعالج ولا تـوقى = لاهـو مفطر ولا هـو صام

(الخـيـــال)


الناس من حولي وكني لحالي=ماكني الا فاقد العقل لاحول
عايف سوالفهم وعايش خيالي=خيال من يومه على الهم مجبول
وخيالي الليله سببه (الخيالي)=خلا المطر سيل من الخاطرسيول
متخيلن خلي و اشوفه قبالي=اشوف عينه تحتري مني القول
وقلت احبك يابعد كل غالي=والشده اللي بيننا لا زم تزول
لاتحسبني داله(ن) عنك سالي=البال دايم ياهوى البال مشغول
انته( وله) قلبي وكل انشغالي=من سبتك كني عن الناس معزول
ياكم لعينك قد سهرت الليالي=وارسلت لك من صادق الود مرسول
يازين ماهو زين شح الوصالي=يامالكن قلبي من العرض للطول
اكرمني بوصلك ومد الحبالي=خل الوفا يبقى لهاالعمر موصول
طول خيالي وصار لي صوت عالي=كلن سألني انت وش قاعد تقول
قلت الخيال اللي (يجيب) السؤالي=هو الذي عن سجتي صدق مسؤول

ماابقي غير؛؛؛
مابقابي غير جرح وهم وآهات ومواجع=ياوجودي وجد منهو مابها حيله يديه
ومابقالي غير ياسٍ يجبر القلب يتراجع=ويتنازل عن طموحٍ وجه آماله إليه
لا حسبت الحزن ولى جاني من أقصاه راجع=صرت احس العمر موحش قمت اخافه مدري ليه
ولا حلمت الحلم لازم ينتهي إبعلم فاجع=ثم اعود إلـ عذابٍ قد نهيته وابتديه
!!ساهرٍليلي وغيري إمتهني بالمضاجع=ولاطرالي ماطرالي بلاشعوراقول إيييه
!!ساهرٍ ليلي أعاني وغيري يمسي الليل هاجع=ماقردني غير حظي يالله انت حسبي عليه
!!ساهرٍ ليلي أشاورهذي النفس وأراجع=أقتل آمال المشاعر؟ والا( به صبح احتريه)؟

صبري نفــد


من كثر ماالقلبـــــــ ,,,حبـكــ,,,
من كثرماالقلب حبك ماتمنى حب غيرك=وانت تدري بكل هذا لاتسوي مادريت
يعني ماشفت المحبه!اللي تنبع من أسيرك=والا ناسي هالليالي اللي لعيونك سريت
إعترف باسرار حبي وارمها في وسط بيرك=مابغيت الا اعترافك,, شي ثاني مابغيت
انت تدري ان مصيري صار مربوط بمصيرك=وتدري اني مقدر ابعد عن دروبك ماحييت
والله اني موت احبك لو يقل اليوم خيرك=صعب أحيا بلا جروحك وآنا منك مابريت
ولو رياح الهجر هبت!! بآتخيلها عبيرك=وإن كتبت حروف فرقا!! إعتبرني ماقريت
من كثرماالقلب حبك غصب خلاني سهيرك=(وأدري) تدري بكل هذا وياخسارة ماوفيت

عمـر البكـا...

عمر البكا ما رجع احباب لاحباب=ياللي عقب قسوتك هليت دمعك
ماهي بلحية لوم وحساب وعتاب=انت الذي بيديك طفيت شمعك
مابينناحساب(ن) ولا بحسب حساب=من يوم ماغيربك الوقت طبعك
كنت احسبنك لي خلف كل من غاب=واثرك قليل الخاتمه زي ربعك
تعبت من صد(ن) حصل ماله اسباب=الين حل من الشرايين نزعك
القلب تاب وتحسب القلب ماتاب=لا مايغير شي طرحك وجمعك
هذي الحقيقه وانت مازلت مرتاب=سمعك صدق لوانت كذبت سمعك
سمعك صدق وانت الذي كنت كذاب=شف ما زرعت واحصد اليوم زرعك
عمر البكا مارجع احباب لاحباب=ليتك عقب فرقاي وفــرت دمعك

شتاقلك هالقلب وانته!
إشتاقلك هالقلب وانته ماعطيت القلب حقه = آآآه قلبي حـيل كانت فيه طعناتك عميقه
في دقيقه التقينا ودق قلبي ألـف دقـه = مادرى هالقلب انه بيموت في نفس الدقيـقـه!
جاء يدور شوق قلبك وكل حب وكل رقه = واثر قلبك مات شوقه والأحاسيس الرقيقه
جاك كله شوق صادق يحسب انك تستحقه = وانصدم قلبي بقلبك وذاق من مر الحقيقه
ياخسارة شوق قلبي مع شقاه والمشقه = ياخسارة يوم حـطك من بد خلق الله عشيقه
ياخسارة كل درب(ن) كنت لعيونك أشقه = والنـهـايـه! صار لازم كل واحد في طريقه!
طقتين بالراس توجع وطقتك عن ألف طقه = ياعذابي كيف حبي ينتهي بهذي الطريقه
انس اسمي وانس رقمي ولايجي يوم وتدقه= انس قصة حب قلبي والتفاصيل الدقيقه


هلابك يالغلا مليون هــلا من قلب عذبـته=هلابك رغم تعليقك وتركك لي على اعصابي
أنا عاتب عليك كثير بس عتابي مووقـته=لأني خايف(ن) اقـتل فــرحة عيــني بعتــــابي
ابترك هالعتب بعدين واكف القلب واسألته=(يـاوجـه الله لو تدري غيابك ويــش سوابـي)
هلابك والصدر ضامي وليلي شمع أشعلته=هلابك والعمر فــالك وقلب(ن) مابعد تابـــي
بخلي الصدريحكي لك عن آلامه وعن كبته=وناظر في عيون الشـوق ثم اتصفح كتـابــي
حتى الليل متغير وكني ماسبق شــفتــــــــه=ليـلـي منور بشوفك عسى هالنـور لاغـابــي
اشوف الليل مع زولك خيال(ن) ماتخيلتـــه=الا يـازيـن هالمـنظر وقـفـتكم على بـــــابـي
هلا والحب مثل ماهو لا بـعتـه ولا خنـــتــه=(على حطة يديك القلب لا تشتك و ترتابـي)
هلا بك يالغلا مليون هلابك انت وبس انتــه=ولو جاب الزمـن غـيرك لاودى ولاجــابـي

*
*
*

وختاما أتمني أن اكون وفقت في جمع قصائد شاعرنا
تقبلوا تحيتي وتقديري!!


[ 0،.. ريم الــنواااظــر .،0 ]


000






التوقيع :













رد مع اقتباس
قديم 08-11-09, 02:54 PM   رقم المشاركة : 2
سليم الشرعان
عضو متألق
الملف الشخصي






 
الحالة
سليم الشرعان غير متواجد حالياً

 


 

رد: ][*عبدالله الأحمد في ضيافة الريم *][

يعطيك العافيه ياريم النواظر







التوقيع :

رد مع اقتباس
قديم 08-11-09, 03:12 PM   رقم المشاركة : 3
الفارس
المشرف العام
الملف الشخصي






 
الحالة
الفارس غير متواجد حالياً

 


 

رد: ][*عبدالله الأحمد في ضيافة الريم *][





الريم ..


بمداد من الشكر والعرفان ... على هذا الجهد الكبير والرائع

حقيقه من يتتبع هذه الجهود يعلم انها جهود جباره ليست بالسهوله

جمع من روائع المبدع الشاعر : عبدالله الأحمد

جمعنى به موقف قبل مدة حيث قام احد اعضاء المنتدى بسرقة قصائده وتمت مجابهة السارق بالتعاون مع إدارة ذاك الموقع .. حتى اعتذر امام الجميع وطرد

شاعريته مطلب للحرامى .. وشريف الكلمه .. !! ... وحامى المعنى ..!

ملف رائع يسعدنا بإدارة منتديات عاصمة الربيع ان يكون الشاعر : عبدالله الاحمد

والريم من يقف خلف هذا البحر الزاخر من التميز


الود .. والرد







التوقيع :

رد مع اقتباس
قديم 08-11-09, 05:09 PM   رقم المشاركة : 4
محمد العويض
كاتب
الملف الشخصي






 
الحالة
محمد العويض غير متواجد حالياً

 


 

رد: ][*عبدالله الأحمد في ضيافة الريم *][

ريـــــــــم النواظر

ليس غريب من ريم النواظر ذكرى المبدعين
فقد جرت العاده على تــذكــرّهم .
تـُحسب لإخــتـنا تلك البادره .
فهي مضيافه ....... وباب ديوانها دوما ً مفتوح .
وفي كل فترة تدعونا لوليمة عشاء ...... حسي وأدبي .



عبدالله الأحمد

إسم وضع نفسه وبقوه في قلوبنا ومن غير أن يستأذنها
لأن القلوب تهوى ما سطره ....... إحساس هذا الشاعر ....

ألأخ احمد ..... المجامله مطلوبه وحميده في بعض المواضع ومع بعض البشر .
ولكن ثق أن الأحاسيس لا يجامل بها
وبعيدا ً عن المجامله
أنت تملك من الحس ما جعلتنا نطرب لسماع أدبك شعرا ً .



إدارتنا (الفارس )

هناك أمر لا بد أن أشكركم عليه
وهو المطالبه بحقوق أعضاء هذا المنتدى المسطي عليها
من قبل لصوص الشعر وأيضا لصوص القلم .
فهي تحسب لكم .
لم أجد هذه الميزه في كثير ٍ من المنتديات .
وصدقني أيها الفارس اذا وجدت الحماية الكامله من قبلكم........
سينثر المبدعين عصارة أدبهم في عاصمة الربيع . وهذا ما جاهدتم وإجتهدتم به .




الجميع لكم مني التقدير والمحبه ,,,,,,,









التوقيع :
إنـــــنــّــي وفــــّــي ٌ
لذكرى مــــات َ صـــاحبـــُـهــا








محمد العويض
( عزيز قوم )

رد مع اقتباس
قديم 08-11-09, 06:37 PM   رقم المشاركة : 5
صقار
قلم متميز
الملف الشخصي






 
الحالة
صقار غير متواجد حالياً

 


 

رد: ][*عبدالله الأحمد في ضيافة الريم *][

كم انت رائعة اختنا ريم وكم هي جميلة تلك المقابلة
وفقك الله







التوقيع :



شكرخاص للمصممه نسيم الشمال

رد مع اقتباس
قديم 08-11-09, 10:21 PM   رقم المشاركة : 6
ريم النواااظر
مراقبة الاقسام الادبيه
الملف الشخصي







 
الحالة
ريم النواااظر غير متواجد حالياً

 


 

رد: ][*عبدالله الأحمد في ضيافة الريم *][

اقتباس:
المشاركة الأصلية كتبت بواسطة سليم الشرعان
   يعطيك العافيه ياريم النواظر



مشكور أخوي / سليم لمرورك

والله يعافيك

دمت بخير






رد مع اقتباس
قديم 08-11-09, 10:24 PM   رقم المشاركة : 7
ناجي الحفراااوي
العضوية الفخرية
الملف الشخصي







 
الحالة
ناجي الحفراااوي غير متواجد حالياً

 


 

رد: ][*عبدالله الأحمد في ضيافة الريم *][

ما شاء الله عليك ياريم النواااظر


متواصله في تقديم الضيافات وتعريفنا بأهم اشعار الشعراء

وحتى تكون مدونه لهم في منتديات عاصمة الربيع

للرجوع لها دائماً

جهد كبير تشكرين عليه..

صح لسان الشاعر على هذه المقتطفات

وسلم بنانك اللي كتبها بهذا الموضوع.

دمتي بخير.







التوقيع :

رد مع اقتباس
قديم 09-11-09, 12:57 AM   رقم المشاركة : 8
MuBaRak
العضوية الفخرية
الملف الشخصي






 
الحالة
MuBaRak غير متواجد حالياً

 


 

رد: ][*عبدالله الأحمد في ضيافة الريم *][



جهد مميز وجبار يا اخت ريم النواظر


وعبدالله الأحمد دائماً ما يمتعنا بقصائده العذبه

لذلك سطع نجمه وبكل إقتدار وتميز




يعطيك الف عافيه .


دمتي بود ,,,







رد مع اقتباس
قديم 09-11-09, 01:28 AM   رقم المشاركة : 9
هنوف نجد
حاصل على وسام التميز
الملف الشخصي







 
الحالة
هنوف نجد غير متواجد حالياً

 


 

رد: ][*عبدالله الأحمد في ضيافة الريم *][

جهد جباااااار ريم النواظر

لكن هذا ماعودتنا عليه ريم

بصراحه استمتعت كثيراً بما نقلت لنا بتميز هنا

ولم تكتفى بالنقل بل جملتى كل ركن من اركان المتصفح

كي نعيش اجواء حااالمه ، كما هى الريم

الله يعطيك العااافيه ، كما لايفوتنا نقل اعجابنا بما صاغ شاعرنا المتألق

عبدالله الاحمد، لكـــــــ ريم ــــالنواظرــــ// ود لاينضب

ولشاعرنا تقديري واحترامي







التوقيع :



رد مع اقتباس
قديم 09-11-09, 01:12 PM   رقم المشاركة : 10
عبدالله الأحمد
شاعر
الملف الشخصي







 
الحالة
عبدالله الأحمد غير متواجد حالياً

 


 

رد: ][*عبدالله الأحمد في ضيافة الريم *][

أختنا المحترمه والمتميزه ريم النواظر


الله يعطيك ألف عافيه.. أتشرف بهذه الإستضافه وأقف عاجزاً عن الشكر والثناء لشخصك الكريم على

مابذلتي وماتبذلين من جهود مستمره ورائعه وبصمات ابداع في منتديات عاصمة الربيع عامةً وقسم

مشاعر الروح خاصه وعلى طيب استضافتي وعلى نبل أخلاقك الذي اعتدنا عليه,,وأنا فخور بتواجدي

هنا بين إخوتي في هذا الصرح الشامخ وكلي أمل بأن أكون عند حسن ظن الجميع دائماً وأبدا وأن تنال

مشاركاتي استحسانكم فهي غايتي,,




بارك الله فيك أختي ريم

لك جزيل الشكر

وفائق الإحترام


,
,
,
,
,
,

تقبلي تعليقي المتواضع الذي لايفيك حقك,,
تمنياتي لك بالتوفيق والمزيد من التميز,,,,,







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:17 PM


Powered by vBulletin® Copyright ©2000 - 2017, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم