اتصل بادارة الموقع البحث   التسجيل الرئيسية

 

إعلانات خيرية مساحة مجانية للاستفسار مراسلة الإدارة

======================================================================================================================


العودة   منتديات حفر الباطن عاصمة الربيع > القسم الادبي > القصــه والقصيــده

القصــه والقصيــده قصص الماضي وحكايات الحاضر

إضافة رد
 
أدوات الموضوع انواع عرض الموضوع
قديم 19-09-03, 04:12 AM   رقم المشاركة : 1
الفجر البعيد
مشرف سابق
الملف الشخصي






 
الحالة
الفجر البعيد غير متواجد حالياً

 


 

تحب في السعودية ؟؟؟؟؟؟ مش خشتك

مراحب

قصة أعجبتني وحبيت تشاركوني













في يوم من ايام الاجازه .. و انا فاخه في سابع نومه .. كنت احلم باني امشي بغابه توحش اشجارها متشابكه .. والدنيا ظلام وماهنا صوت غير صوت تكسر الاغصان تحتي وصوت ذيب يعووي من بعيد كنت ارتجف من الخوف والبرد امشي من غير هدى ما اعرف شمالي من جنوبي .. فجأه سمعت صوت حركه ورااي والتفت .. ولا قدامي اسد كبر قريح .... وانا الي تجيني ام الركب ولا عاد ادري وين اروح ...
قلتله :تكف طالبتك طلبه تهدني مهوب عشاني الا عشانك .. بيجيك تسمم على سبتي.. والاخو زمجر بوجهي وقال لا ياشيخه العبي غيرها على مين ؟؟ .. يا ابن الناس انت الخسران ترى ماوراااي الا الببسي والبيره وكع هالباور هورس وخياس المطاعم .... والاخو رادن فيني ..

قلت مايبيلهاا ....عضيت عباتي بضروسي وهجيت ((ياذا العبات الي حتى بالحلوم لاحقتنا )) .. وهو وراااي يركض .. ويطمر ذيك الطمره الي بطحني فيها وهبد فوقي وفك خشته بياكلني .. وعينك ماتشوف النور .. طلع من بين الشجر حصان راكبه..وااحد اطخم طووويل مكس بين(جورج كلوني وهيرتك الهندي وسعود الدوسري ) ..نزل من حصانه بسرعه ومسك الاسد مع ذيله ولاته بالسما كم لوته ثم عطاه بوقس وجدعه مغشي عليه

وجا لمي وقالي عسى ماجاس شي ولا اش قلت مشكور مافيني الاالعافيه ومد يده لي قومني وقالي انا حبيتك من اول نظره وابي اتزوجك واخذك تحكمين معي ببمملكتي <==تشوف افلام كرتون واجد
انا قلبي هج من مكاااانه .. وطمرت لم حصانه بسرعه قبل لا يهون .. قرب لمي وعينه بعيني ومسك ايدي بيدينه ورفعها لمه وهو يبتسم لي ابتسامه توجع القلب وبعدين

كبت امي في خشتي جيك مويه .. وهي تزاااعق مقروده وعله قوومي ..

وافز مرتاعه وارد عليها بكل صوت انثوي(امحق انثوي تقول عرابجه في حراج) : وشووووو نعم ياا انتي عليك توقيت يعني ماحلالك الا ذا المقطع وينك يووومن الاسد بياكلني .. هاااه ..<----جايزلها الوضع تبي تكمل
امي : ياجعلس الزقنبوط الي ينخلس كثر مانتي خبله ..عن هالخرط المارج وقومي
انا :خير وش تبين ...ما نمت امس الا الساعه 5 الفجر مابعد شبعت ..ابي انام
امي :مالت عليتس وعلى امن جابتتس (اشهدوا اني انا ما قلت شي )هذا اللي فالحتن فيه نوم و نت قومي قامت عصبتس انشالله بيجونا حريم بعد العصر فزي جهزي معي الاكل وتجهزي عشان تعاونيني
انا :يووووووووه ماهناغيري وش قالولك شغاله عند حريمك انا ... وبععدين وش ذا النزاغه الي كل يوم والثاني طابينن علينا
وما دريت الا بكف صاكتني به مع علباي
انا : افففففففففففففففففففففففففففففففففف ميب عيشه ذي طيب طيب بقووم

واقوم واغسل واعين من الله خير .. وانزل المطبخ واخذت لي امريكان كفي (ميب معده ذي ) وادق امي اشكل واطلع من المطبخ.. وما امداني اطلع الا ملاس ماشي ثلاثميه تقل موستنق جاين لمي واجي انا ابحط على الخامس بنحاش بس الكلتش طلع خربان سفطت على جنب وانحشت كعابي <---تسمع بالمصاله

انبطحت عند التلفزيون .. وانا منيب لمه افكر بذاك الاطخم الي شفته بالحلم ... لعنبو بليسه يهبل .. بس امي الله يهديهاا .. حتى حلومي مشفرتها قسم مهيب عيشه ذي
رحت وانا انافخ لغرفتي .. شبكت النت .. بس طلعت امي عارفتلي وشايله السلك .. ياخي هالام ما قدروها ولا يخسى شارلك هولمز عندها
قلت ارتب غرفتي اضيع وقت ابرك من مقابل المطبخ<----بيحطونها في حدث في مثل هذا اليوم
الا وتهتز الغرفه تسنه زلزااال صابها.. وامي داخلتن علي تقل رامبو وعيونها تقطر شرر .. تقول لي فزي يا مال الماحي البسي الناس على وصول
قمت البس هدومي واتمكيج .. على مضض<---ساعه لين شكيت السبيلنق

ويوم بغيت انزل .. جرس الباب رن .. وبحكم اللقافه السديراويه الي بعروقي .. طليت من الدريشه اشوف مين .. طلعو ثنتين من الحريم توهم واصلين .. يوم جيت انزل ثانيه برضو رن الجرس ..وقلت دامي مابعد نزلت خن اقز هالي دخلت (قصدك الي جايب الي دخلت )لما طليت .. شهقتتت ذيك الشهقه الي الشعب الموزنبيقي كله سمعها .. الاطخم الي شفته بحلمي .. واقف يساعد عجوز على النزله من سيارتها .. وبسرعه اقز وش العجوز لابسه .... تسالوني ليه
لاني عقدت العزم ماتعدي الصيفيه ذي الا وانا معرسه <---- البنت تخوف

وبسرعه اطل على خشتي بالمرايه .. وفريره للمجلس .. ابروح اسااعدها وهي تفصخ عباتها ولما دخلت المجلس شفت الطامه الكبرى ... عجوزتين لابسين نفس اللبس الي لابسته ام الاطخم وقاعدات يضحكون على سالفه اللبس
المشكله ماعرفت ايهم هي.. قلت يابنت صعبت عليك المهمه بس معليش انتي لهاا وقدها وقدود
وبسرعه اشخط لمهم واساعدهم بفصخ عباتهم وهلا بكم ونورتو تفضلو هنا براس المجلس .. نور البيت .. امرو تبون شي اشرو بس ..

وانقز لم المطبخ باقهويهم .. طبعا امي طاايرتن عيونها فيني ولسانها طالع بره من هول الصدمه

المهم .. لما دخلت المجلس وبيدي دله القهوه .. بغت تجيني جلطه .. وحده من العجز راحت وقعدت بالجهه المقابله من المجلس .. انا قعدتهم جنب بعض ابيه اسهلي .. هاللحين عشان اضيفهم يبيلي امر على المجلس كله لين اوصل لكل وحده ... بس قلت معيله قدها يابنت .. وابتدى الشغل ادور بالقهوه على المجلس واتميلح عند ذي شوي وارجع ادور على الباقين واتميلح عند الثانيه .. وارجع ادور بالقدوع واتميلح لين طلعت مصراني من حلقي من كثر اللهاث .. وانا اصبر نفسي .. اللي يبي الاطخم يصبر على الشقى >>مثل مقرودي<

واخيرا وودعت العجز الثنتين .. وانا فاقتن كشرتي من الاذن للاذن .. وهن يمدحن فيني عند اميمتي

بعدها معد صرت ادري مع وين الدرب جدعت بعمري على كنبه .. وخمدت ..
من بكره جاتني امي كما العاده تقومني
امي:ياابعد عمري يابنيتي قومي <---- برضو حدث في مثل هذا اليوم
انا قمت على حيلي مرتاعه : نعم هااااه ووووش الي صااير من انتي ووين امي وش سويتي فيها ؟؟
امي بنعومه : هههههه ياحبيلك بس قومي تراي مجهزتلك الفطور وابيك بسالفه !!
قمت وانا مرتاعه .. وبسرعه دعست سندويشه بخشتي وطيران لم امي عشان ادري وش السالفه ..
امي : هلا ببنيتي تعالي جنبي ... انا :اخلصي قولي وش عندك .. مالي خلق تميلح (محد عربجي هنا)
امي : اليوم دقو علينا ناس يبون يخطبونك وانا ابي رايك .. انا : منهههههههههم ؟؟
امي : سمله علي اثقلي يابنت انا بسالك انتي منتيب موافقه على العرس من اصله ولا تبينا نسال عنهم
انا : انا عني ابي اكمل دراستي (تسمع بالثقل)
امي: خلاص يعني نردهم؟؟
انا: لالالالالالاه وش تردينهم ياما ناس درسو كليه وهم معيلين وجابو اعلى المراكز بالمثابره <----اقول الفقيها
قامت امي من عندي وهي تطالعني بنص عين .. للصاله ورفعت سماعه التليفون وصكت الباب بخشتي ..بعد اسبوع جت وحده من العجوزتين اياهم مع بنتها واختها وشافوني وتكلمو مع امي وحددو موعد يجي فيه الولد وابوه .. لبوي عشان الشوفه .. وانا ميتن قلق .. خايفه ان هالعجوز ماتصير هي ام الاطخم واصير انبليت بولد ذي ..

في يوم الشوفه .. قعدت متسنتره عند الدريشه احتريهم .. بتطمن .. بعد ساعه وقفت سياره نزل منها 3 رجال واحد منهم بعد طوايفي طخوومتي!!
من الفرحه قعدت اتناققز بالغرفه تقل يويو وارقص كاتشب

بعد فتره جا ابوي يناديني مقرووده بسرعه انززلي ,,
قبصت خدودي بحمرها بسوي فيها ايقالك مستحيه عند ابوي ..
ورحت ادابك على الدرج
ابوي : يالله استعدي عشان تدخلين
انا : لالا مايحتاج اشوفه خلاص دامك انت شايفه يسد
ابوي : لالا مافيها لازم تشوفينه عشان تتاكدين بنفسك وتتطمنين هذا الشرع
انا : لا يبه اصلا دامكم سألين عن اخلاقه وصارت تمام خلاص هذا اهم شي الشكل الخارجي اخر شي افكر فيه <------ايه هين حطي عيني بعينك وعيديها
ابوي : بعدي بنتي بس معليش الرجال بعد له حق يشوف يالله استعدي
انا : ياشيخ امه شايفتني يسد
ابوي : اقول اها لامردغك خلالاص قلنا بتدخلين يعني بتدخلين ..

>>المشكله انا خايفه ادخل عليه ومن الفرحه اتشوقل برقبته يالله سترك <

بعد شوي ناداني ابوي عشان ادخل ودخلت مطوطيتن راسي ايقالك مستحيه وانا ميته برفعه عشان اكحل عيوني بالزين ..
ممدى قعدت الا سمعت واحد من باب المجلس يزاعق : بابا هزا شيول في يسهب سياره هق انتا قول هزا مشكل في وقف هنا
التفت عليه ...وطاح قلبي ببطني الاطخم طلع سواقهم صرخت لا ارادي :انت .. اجل الي خاطبني منهو
طالعت الخطيب الي خشته ولاصروال زيدي مشققتن ومرقع مع كل جهه
وطحت مغشين عليها

انشاء الله اعجبتكم

تحياتي ،،،
============

منقووول






التوقيع :


رد مع اقتباس
قديم 28-09-03, 05:53 AM   رقم المشاركة : 2
حيل احبك
عضو برونزي
الملف الشخصي






 
الحالة
حيل احبك غير متواجد حالياً

 


 

والله ما عندها نظر شلون فارس وأطخم وتاليتها (هازا سيول )

الظاهر انها فيها مر ض الجكر المستفحل والمؤثر فى خلايا

الدماغ بالفص الأيمن والذى يعكس ويترجم الشعور الى أحاسيس

ويصور الواقع كخيال .. فى بال الأخت الحبيبه .

حلوه بس احلى شى ((قمت ارقص كاتشب ))







التوقيع :
nams91@hotmail.com

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
السعودية تحتل مراكز متقدمة في نسبة ارتفاع العنوسة ريميه القسم العام 13 12-08-06 11:49 AM
السعودية: لا خيار بعد السلام......... إلا الحرب ابطال الحفر الأخبار والمواضيع المحلية والدولية 5 06-08-06 11:50 AM
الطلبنه من أفغانستان إلى السعودية جروح الذاكرة الأخبار والمواضيع المحلية والدولية 15 13-07-06 05:09 PM
السوق المالية السعودية تتبنى "الجيل الجديد" لأنظمتها التقنية مـهـ MAHA الــمــال والأعمـــال 11 27-05-06 10:21 AM


الساعة الآن 10:53 AM


Powered by vBulletin® Copyright ©2000 - 2017, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم