اتصل بادارة الموقع البحث   التسجيل الرئيسية

 

إعلانات خيرية مساحة مجانية للاستفسار مراسلة الإدارة

======================================================================================================================


العودة   منتديات حفر الباطن عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 29-03-14, 12:34 AM   رقم المشاركة : 1
ولد تميمي
عضو فعال
الملف الشخصي






 
الحالة
ولد تميمي غير متواجد حالياً

 


 

قصائد في الشريده اهل ابريده التمايمه

بسم الله الرحمن الرحيم
قصائد في الشريده اهل بريده


بسم الله الرحمن الرحيم
قصيده في اهل بريده الشريده
قصيدة في مدح (مدينة بريدة) ,وأهلها وأمرائها أبدع فيها الشاعر ياسرالحميد وأن دلت فأنما تدل على أصالة الشاعر ونفاسة معدنه حيث حاكى الماضي وعايشالحاضر وأبرز ما ميز أهل هذه المدينة ورجالها بخصال وقيم شامخة وخص الشريدة التمايمه فله الشكر والتقديروالتاريخ خير شاهد.فأهل بريدة وصلت أمجادهم حتى بغداد وعمان والقدس ومصر في زمن يندر فيه القاده فرحمالله أبائنا والشكر الوافر للشاعر



ياناشد اللي مغـرم(ن) فـي بريـدة
دار الكرم والعز والجـاه والصيـت



أعطيـك نبـذه والمشاعـر وكيـده
من صادق احساسي اليا قلت وابديت



حبـه سكـن بالقلـب والله يزيـده
واليـا دعتنـي ديرتـي ماتوانيـت



دار(ن) بها ذقت الحيـاة السعيـدة
ولقفيت عنها ذقـت مـر وحلتيـت



اميرها اللـي حبهـا فـي وريـده
ترثة رجال(ن) في ذراهـم تذريـت



فيصل ولد بندر وفيصـل عضيـده
ادعيلهم بالخير لصبحت وامسيـت



له في ظميري ذكريـات(ن) عديـده
ومنها نشأت وفي ربوعـه تربيـت



كل يوم تلبس له ثيـاب(ن) جديـدة
وتصبح بجاكيت(ن) وتمسي بجاكيت



ديرة كـرم والعلـم عنـد الشريـدة
اللي نهار الجـوع ماسكـر البيـت



ولاحط دون البـاب قفـل وحديـده
علم(ن) عليه شهود وايضا تثابيـت



طيب ويزهنـه خصـال(ن) حميـده
وذكره مع الاجواد حي(ن) وهو ميت



وغيره رجال(ن) والمواقف شهيـده
وياكثرهم في ديرتـي كـان عديـت



من غير هضم(ن) للديـار البعيـده
ناس(ن) تقول بمقدم الضيف حييت



الشعب واحـد والحكومـه رشيـده
وفي حب ابومتعب شهرت وتعليـت



الله يديمـه للـوطـن والعقـيـده
ويحفظ بلاده من جميع الطواغيـت



واعداد طير(ن) بالسمـاء وتغريـده
صـلـوا عـلـى الـلـي بـالـمـديــنــه بــنــيت

ومما قال فيه العوني رحمه الله:


ذولا الشريدة يا رفيع المناسيب•
من ذروة الخزرج تسلسل رجاله••


الكاسبين الطيب وقت المواجيب•
والسابقين الناس فعل ومقاله••


منهم محمد ذاك هو منقع الطيب•
ريف الضعيف إلى عنا و اشتكى له••


محمد شهر فوق الخيول السراحيب•
رفيق أبو تركي بجيش مشى له••


بني تمي وناطحين المحاديب•
الياقبلو للموت ياوسع باله ••




ديره مافيها لشريده رجاجيل •
جنب ودورعن بلاده ابلادي••



ماهوب حقر للرجال الحلاحيل•
لاشك من ساوى الرجاجيل غادي••



شهادتي ماهي على قولة القيل•
عندي عليها لدلايل شهادي••



شوفان يشهد والزعب راعي الخيل•
ومحمدابن سليم سمع المنادي••



ابن تميم ومعدنك حر واصيل•
من لابة تكسر خشوم الاعادي••




عتيق ابن مذود الشمري

رحم الله الفذالوجيه ابن شريده العنقري التميمي...



جاء احد رجال الباديه الى جردة بريده وهي السوق الذي كان يرتاده الناس والتجار فسال عن الشريده فقال احد الموجودين لماذا تسال عن الشريده فنحنا موجودين اذا معك بضاعه او تريد تشتري شي فقال متمثل هذه الابيات


الشريده عماني •لاحداني زماني••قلته يوم انه جاني •من عرض الزمن واكف••




بسم الله الرحمن الرحيم
قصيده (بنوتميم) الشريده




ان كان حبي للمراجل طبيعه•
جدي وابوي مدربين ورجاجيل••


حنا الشريده سلمنا من رجيعه •
من جدنا الاول ورثنا المعاميل••



(بنو تميم )وبالفزايع سريعه •
علومنا بالكون جيل ورى جيل ••




تحت حكم ربي بحكم الشريعه•
نزل كتاب الحق بالطور تنزيل••




حنا ورثنا الطيب ولا نبيعه•
لوتكثرالاثمان ونتعب من الشيل••



لضيف الارض ومعها نفس وسيعه•
ونفرح اليامنه خطر ضيفنا ليل ••



والجار جار وروحنا له وضيعه •
يلقاه وجه منتلي بالتهاليال••



وخوينا مانتركه بالنفيعه •
بين الشداديدوالرخاءبالتعاليل••



والياودعنا سرنا مانذيعه•
نكتم سرايرنا عن القول والقيل••




ماننكر المعروف لابطى صنيعه •
دينن علينا لو تطاول به الجيل ••



ونرمي اعدائنا بالضواري المجيعه•
وحسودنا يشرب من السم بالحيل••


مثل الرواسي نرتكي بالمريعه •
ونرهب اعدانا وان غزونا على الخيل••



وبذروة الحكام مامن قطيعه•
اللي لهم وقت الوارم تماثيل••



الخيرللمسلم هواه وربيعه•
يايالله تجعلنا يم وجهك مقابيل••



وصلاة ربي عد رمل البقيعه•
على النبي اعداد ماينقط السيل ••



تمثل احد شعراء الملك عبد العزيز في قصيده يمتدح محمد بن شريده وينخاه منها هذه الابيات ....


يابن شريده زعيم القوم ......تنخاك زهره على البادي
العين ماتالي على النوم....... لادقت اطبول الاعادي
نبي عليهم يحوم الحوم...... يالعنقري حيثك ازنادي


رحم الله الملك عبد عدالعزيز ورحم الله الفذ الوجيه محمد بن شريده التميمي ورحم الله جميع موتى المسلمين وصل الله وبارك على نبينا محمد وعلى اله وصحبه اجمعين .






رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:22 PM


Powered by vBulletin® Copyright ©2000 - 2017, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم