[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
هذه القصيدة .. للشاعر عبدالله فرج الشمري ..
طاحن سنوني وأنقلب عارضي شيب
=ودلّيت اقوم بموخري قبـل راسـي
خذيت من طبع النضا شمّخ النيـب
=ثوران هـرش بالبـروك متواسـي
هذا طريق الحـق ماعنـه تجنيـب
=مضموون لو تفنى الجبال الرواسـي
قالوا لي ان الشيب مابـه عذاريـب
=هرج يقولونه علـى غيـر ساسـي
الشيب لابـه لا معـزّه ولا طيـب
=ألا المهونـه والتعـب والتعـاسـي
صعب على راعيه بعض المواجيب
=الهيّن الليّـن علـى العـود قاسـي
عقب الوناسه والطرب والتعاجيـب
=يا شبت ياتيك الزمـااااان انعكاسـي
يصير لك دون الوناسـه عواقيـب
=آخر نهار وحـال دونـه دماسـي
تحّرم من السجّـه ونـطّ المراقيـب
=وتنسى طرات البال لو ماانت ناسي
الشيب يتعب شمّخ النيـب والذيـب
=وحتى النبات أليا كبر قيـل عاسـي
ياشبت تجفـاك البنـي الرعابيـب
=من عقب ما انت جنيه ترجع نحاسي
شي صحيح وماضي لـه تجاريـب
=ولا يفيد لو تلبـس جديـد اللباسـي
العود له حشمـه وقـدر وتواجيـب
=بدور مضى واليـوم كنـه مداسـي
حتى من الاقـراب ياجـا تعاتيـب
=تستضعفه بعض النفوس الخساسـي
الشيب ياصادك بعكـف المخاليـب
=مايفارقك لو صحت تبي الخلاصي
مار يالله ياعالم خفى خافي الغيـب
=عالم خفى المخفي بقلـب سياسـي
عبدك بدون عراك ماله مقاضيـب
=يامخضر بالنبـت عقـب اليباسـي
اطلبك عفوك وانت معطي المطاليب
=بيوم تليـن بـه القلـوب القواسـي
ان صرت بالمظلم بشين الضنابيـب
=حفر حفر عرضي وطـول قياسـي
[/poem]
وسلامتكم
تحياتي
المحتاااااس
المواضيع المتشابهه
العرض العادي
