بنت العشيش

[مسعر بن بتال]

يمه وشو الغلا ..... اللي يقول ابوي
يعني مانقدر نشتري ... خبز وطحين
وش فيكي يمه ... تتنهتين

لا تزعلين ترانا حنا مسلمين
وابله منى تقول المسلم ماينسى اخوه
صحيح يايمه اللي تقول

يمه اشوفهم يتولولون
اجل حنا وش نقول

ياخوفي يايمه مايقدرون
او انهم ........ينسون
لا يقدرون ويقدرون
مانبي شيٍ كثير
شوي رز وشوي طحين


يمه يمكن انك تذكرين
العام جونا مرتين
المسلمين .. المسلمين
اللي تقول ابله منى
عطونا لبس بالشتاء
وعطونا اكلٍ برمضان
بس تذكرين
جيراننا ماحصلوا
واذكر بنيتهم بكت
تبي حليب ...تبي طبيب


ليه يايمه ماهم كثير اهل الحفر
شوفي انوار الحفر من تحتنا شوفي هناك
ياكبرها ياكثرهم ياكثرهم


يمكن يجون
خليني اطلع وانتظر
يمكن يجون

جونا يايمه يايمممممممممممممممممممه

يقولون المنتدى
وشو يمه المنتدى
ياكثرهم تسعة الاف مسجلين
واحد اسمه الفارس وخويه النايف
وابن البلد وبوح الجنون وهنوف نجد
والمستبد وعاشق الحور وغسق
وناجي وقلب الذيب والمقهوي
والطاروق وغيور والمها ......

ياكثرهم نسيتهم

يمه وين ابوي يقول لهم تفظلوا

########################

نعم اذا نحن صحنا من الغلاء فما حال الفقراء سواء بالعشيش او بين البيوت

[هنوف نجد]

لاادرى هل اهنئك على صياغه الموضوع أم الوم نفسى وغيرى على

التقصير

حقيقه ولكثر ألمى لا استطيع الكتابه

موضوع يستحق التثبيت ولى عوده

[aboood]

صااااااااااااادق اخووووووووي يعطيك العافية

[دلع الشرقيه]

****يعطيـــــ العافيه ـــــــــك*****


مشكوووووووووووور من جد مشكوووووور

احسااااااااس راائع **كلماااااااات اروع تستاااااااهل التثبيت وخمس نجماااااات*****

[♥ כـِـِـِّلـِـِم ♥]

اقتباس: المشاركة الأصلية كتبت بواسطة **دلع الشرقيه**    ****يعطيـــــ العافيه ـــــــــك***** مشكوووووووووووور من جد مشكوووووور احسااااااااس راائع **كلماااااااات اروع تستاااااااهل التثبيت وخمس نجماااااات*****

من جد موضوع رائع

يشكر عليه

[مسعر بن بتال]

شكرا اعضاء المنتدى
ياصدقها ابله منى
المسلم مايخلي اخوه

النايف / جعله الله في موازين اعمال والدكم
وجزاكم كل خير

[غيور على ديرتي]

احجز لي مقعد

واترك اعجابي لحين عودتي

[مكانه الخـآلي]

والله مآدري وش اقول

عجزت عن آلكتآ‘بـه آمآم هذي آلكلمآت وآلأاحسسآس


بصراحه الله يعينى كل آنسآن محتآج

مدرٍي وين تروح التبرعات هذي...!

مدري وينهآ الخيريه عن الناس المحتآجين...!

ليـه نتبرع لدول الثانيه واهلنا محتاجين التبرعات هذي...!

الى متى يوجد نآس آكثر من فقرٍاء في بلادنآ.. حتى بعضهم مآيحصل عشاء


مآقول غير الله يعني بس

[محمد ماجد بن دمخ]

هلا يابابا هلا بنور الشموع ،، ليه البكا ليه الدموع؟

آه لو تدرين ليش حنا مقصرين ،، في بعض السنين

يابابا لو تعدين انوار الحفر وش كثرها ،، لايزعجك عدها

والله ترى اكثرهم ضايعين ،،

لايغرك مظاهرنا يابنت الحلال ،، سكبة وسيارة وبيت جديد

وآخر الشهر ندور الخمسه وحتى الريال !!!

شيء خيال والله خيال !!!

اشكي لربنا العزيز الجليل ،، هو اللي عليه الاعتماد

ولاتنتظري بلاد المتبرعين ،، حتى يقال هنا المسلمين

فالعشيش مظهر حضاري لهذي البلاد !!!

يشهد بذلك المسافرين !!!

بابا ترى كيس الرز والا الطحين،، مايزرع بالسنة الامرتين

وحدة عند عودة المدرسين ،، والثانية بشهر رمضان

شهر العبادة والصيام ،،

بابا لاتنتظري وزارة او وزير ،، هذا الكلام لوانه خطير

لكن حقيقة واضحة ،، مافي البلد الا عسير

التفرقة وقت الرخاء والازدهار ،، بين المناطق سيئة

وقد قالها صاحب القلب الكبير ،،

(سنقضي على المتلاعبين والسارقين)

لكن والحمد لله لم نجد لاسارقين ولامتلاعبين !!!

بابا لو قلتي النشيد الوطني بصوتٍ قوي

موطني عشت فخر المسلمين

فتأكدي ان الرز والطحين لايزرع بالسنة الا مرتين !!!!

[ناجي الحفراااوي]

ابو امجاد فعلاً هذه مشكله يعاني منها الاغلب في المحافظه


وخاصتاً بعض الفقراء


وبما ان الشهر الفضيل قادم

نتمنى من ادارة البلديه تثبيت الاسعار وعدم رفعها ..


ابو امجاد موضوع رائع

فشكراً لك..