نسيان الكابووس ,,وترقب القادم

[جمر الآهات]

هاااارد لك للسمااااوي التعادل امام الرياض بطعم الخساااره وان شاءالله من مباراة الصقور يوم الاربعاء تبداء الأنتصارات للباطن
ونودع التعادلات ..ولايخفاكم أن الفوز بمباراة الصقوور يأهلنا 5مراكز بالترتيب يعني الفرق
والنقاط والمستويات متقااربه والجولات الجايه راح يتغير الترتيب وتحصل مفاجآت بالدوري
ولاتنسوون العام الماضي كان العداله ضمن الاربعه الاوائل ومرشح للتاهل للممتاز وبالأخير هبط
للدرجه الثانيه .......
نرجع لمباراة الرياض الاخيره واللي عرفته ان المدرب لعب بطريقه دفاعيه بحته لأن بصراحه ماجتني
التشكيله لكن تقريبا عرفته من الصور الموجوده بالمنتدى أن المدرب لعب ب3 مدافعين ومحورين
ولاعب وسط مهاجم واحد هو خالد دخيل واشوف مهنا واقص والشريفي احتياط يعني طريقه واضح أنه دفاعيه ماراح تفيد الفريق ومباراة قالوا أنها مباراة حذره وفيها تحفظ شديد .....
هذا اللي انا شفته ممكن اكوون غلطاان واذا كان كلامي صحيح المفروض أن المدرب مايدافع بالطريقه هذي لأن السماوي بحاجه للفووز وصار للمدرب فترره يواعد بالفووز والانتفاضه خصوصا أن الرياض كان بااسوء حالاته...
المباريات الجايه قويه وتحتاج عزيمه وأصرار من اللاعبين وشجاعه من المدررب بداية مع الصقور بالحفر
وبعدها مع النهضه خارج الاراضي وبعده الأقوى مع الجيل بالحفر..بالنهايه أشكرر الاعبين ماقصروا ومستوياتهم متطوره والفريق بدا ينسجم بدورري الأولى وبدا يأخذ وضعه الطبيعي واتوقع الانتصار الغائب
سوف يحضر بالقادم القريب ان شاء الله وسوف يبدع الباطن البطل ويتقدم بركب الفرق المتصدره وأنسواا الهبوط ياجمهوور السمااوي والخوف من هذا الكابوس ...وهذ التوقع مني أنا وأحضرته من أسباب كثيره
أهمها وأولها ان جميع اللاعبين الموجدين بالنادي يلعبوون للنادي بسبب الحب والولاء فقط لاغيره من الاسباب .. مثل حبي أنا للنادي البطناووي و(اللذي لا الله الاهو )ماأعتبره الا قطعة مني .

[أسير الهم]

اقسم بالله انا حاضر المباراه ابداع من الناحيه الدفاعيه المدرب لعب ب3قلوب كلهم فيهم تجانس واضح خاصه من بندر ناصر القشاش وسلطان غنيمان المدرب متحفظ وقت المباراه واحيي الروح من الاعيبه خاصتن من ابوغنيمان والله بعدالمباراه من الحماس يبكي يبي الفوز وبعدالمباراه صار للقاء معه يعرض يوم الثلاثاء قال بالفم المليان حنا لانلعب للفلوس نلعب لشعار تحياتي لك يابطل ولعل الراس مايدفن ياسلطان

[محمد البرازي]

مع تدني وتذيل الترتيب إلا أن أبناء وجماهيري السماوي بيدها بارقة أمل بعودة السماوي

نعم العقلاء يدركون الفوارق والإمكانيات بيننا وبين أندية أخرى من خلال عدة أمور هي جلية وواضحة للأعيان من غياب رجال أعمال وسوء وتدني أرضية التعليم وغيرها ، ومع هذا كله نحن بيد السماوي نتفاءل ونتعشم خير .

البعض يحدثني وهو قريب من البيت السماوي بأنهم عائدون للثانية ..

أما نحن ك جمهور وعاشقون نقول الأمل كبير بالله ثم بجهود الإدارة و اللاعبين والجهاز الفني

وبأذن الله اللقاء القادم سنحصد نقاط اللقاء .

وفق الله الباطن وشكرا ً لجمهور السماوي .

.

[جمر الآهات]

مرحبا اخوي اسير الهم الله لايجيب لك الهم ان شالله
اشكرك على طرحك وعلى حضورك المباراة والله يكثرمن امثالك لأن الباطن بحاجة جماهيره
وانا والله أدري قبل كلام اخوي الاعب سلطان غنيمان وتصريحه أنهم يلعبون من عشق ولاء داخلهم
وليس من اجل الماده.وذا هو الشي اللي دعاني اني أستبعد هبووط الباطن وتقديمه لمستويات مشرفه
بالقادم القريب انشالله.. لأن برأيي المتواضع أن الكوره حب وولاء وأخلاص ..ومن ثم تأتي البقية الباقيه
التي يتمتع بها لاعبين المنتخب السعودي وتنقصهم سالفة الذكرر وبالأخير أين المنتخب الآن وأين الملايين
التي يتمتع بها الاعبين والعقود الخياليه والمعسكرات الاوربيه والمدربين العالميين وبالأخير أذا لعب المنتخب
لعب بدائرة الفشل ولم يغادره منذ زمن طويل السبب واضح ووحيد حتى لو أكثرنا الأسباب
السبب هوووو
أنه لايوجد ولاء وحب وأخلاص من لاعبين المنتخب للمنتخب و
وبهذا السبب لن نبرح الفشل ابدا

[تركي الباطن]

موضوع جدا جميل ولاكن لي عتب على العنوان
لماذا نطلق مسمى كابوس على المرحلة الماضية
فنتاءجنا جيدة حتى الان
من وجهة نظري
فجميع المباريات التي خضناة كانت مع فرق لها خبرتها وسبق ان شاركت بالدوري الممتاز سابقا

ولولا بعض الاخطاء البسيطة لظفرنا بنقاط اغلب المباريات التي تعادلنا بها
فنحن مازلنا بالبدايات
نعم ولاء الاعبين غير مستغرب منهم فالجميع يحترق على النتائج
ولاكن بأذن الله ستاتي الانتصارات
وسنضمن البقاء سنة اخرى