لمن يعاني من مشاكل أتصالات الديسل هذا فني متخصص عن تجربة شخصية التفاصيل بالداخل

[MR.WOLF]

اقتباس: المشاركة الأصلية كتبت بواسطة محمد الفيصل    عليكم السلام ورحمة الله وبركاته لن أتحدث عن مشكلة الدي إس أل بحكم أني لا أستخدمه ولكن هي شهادة حق لهذا الرجل فهو من خيرة من تعاملت معهم في صيانة الأجهزة ولديه خبرة كبيرة تساعده في تجاوز الكثير من المشاكل التي تتعرض لها الأجهزة ولايعني ذلك التقليل من إمكانيات الآخرين . شاب مكافح أسأل الله لنا وله التوفيق

شهادة حق بارك الله فيك

[MR.WOLF]

اقتباس: المشاركة الأصلية كتبت بواسطة تركي الوايلي    من افشل الشركات بالسعودية بشكل عام هي الاتصالات السعوديه وخاصه في مسألة الانترنت وبحفر الباطن بشكل خاص ومسألة ان التصفح صار معك سريع ومن هالامور هذه ترجع لمكان بيتك وقربه من اعمدة الابراج وافضل شركة اتصالات حتى الان هي موبايلي بدون منافس وخاصه بالانترنت لأن سبق وتعاملنا مع شركة الاتصالات السعوديه بخصوص الانترنت وماشفنا منهم الشيء الزين مغير اسعارهم مرتفعه وخدمات فاشله وبطء بالاتصال لأبعد حد حتى بالجبيل خدمات اتصالات السعوديه بالانترنت فاشله فمبالك بحفر الباطن ..! وهذا انا اتعامل منذ سنتين مع موبايلي والحمد لله من افضل الى افضل وصحيح فيه تقطيع بإتصال الانترنت لكنه سريع ويحبه القلب وبل افضله على الاتصالات السعوديه وفرق السماء عن الارض .

أنا بحي الباطن ولا أتعامل مع ابراج الاتصالات بل الكبائن الخط الارضي وأقرب كبينه للبيت عند مطعم بابا سومي يعني مستحيل أتصالي يتعدى 5 ميقا وفوق هذا كله كلمة الموظف قبل كم يوم وفعلي الاتصال الى 20 ميقا وخرب أم الاتصال لاكن بعد ماكلمتهم مرة ثانية قالو يابو الشباب أعلى سرعة تحصل عليها هي 4 ميقا يعني خطك ماراح يتحمل هههههههههههههههههه غش * غش

[MR.WOLF]

اقتباس: المشاركة الأصلية كتبت بواسطة همسة    ...\2 @@@ ياريت أخي الفاضل تنصح هذا الفني يعلمنا من علم ربه @@@ وياريت الإدارة تتبنى هذا الأمر معه لأنها معاناة كثير منا,,, وآخر مهزلة واجهتني من الإتصالات اقتراح أحدهم بإعادة السرعة للسرعة الأقل اللي كنت عليها, أو أزيد السرعة لـ 20 ميجا, تخيلوا هذا أحد اقتراحاتهم, فرجااااءً لو يعلمنا الأخ عبد الله من علم الله له، لأن يبدو إنه مقيم بحفر الباطن وكثير منما هنا لسنا من حفر الباطن كـ حالي ,, أكرر شكري وربي يسعد أخي الفاضل ويسعد الأخ عبد الله

أنشاء الله بتواصل معه ما أدري اذا كان مقيم أو لا وبالنسبه للسرعة أنا طحت في هذا المطب من قبل الاتصالات ....قبل أن يتم زيادة السرعة يجب أولا التاكد من قرب كبينة الاتصالات لأن بعض المناطق السرعة لديهم لاتتعدى 4 ميقا ويمكن معرفة بعد الكبينة من خلال صفحة المؤدم أو أحد المواقع بالعربي قبل زيادة السرعة لازم الواحد يتاكد من الكبينة القريبة من بيته وكم السرعة الي تدعمها لأن لو تم زيادة السرعة والكبينة لاتدعم هذي السرعة بيخرب بيت أم الاتصال

[MR.WOLF]

اقتباس: المشاركة الأصلية كتبت بواسطة ابوبرجس الدهمشي    والله. هذي دعايه. بغير محلها. عبدالله. الحربي. جبته. وركب اسلاك. وحط. ومافي فايده

يالغالي لا دعاية ولا شي أنا وعدته أني أدعمه وأشجعه بعمله بعد ماحل هذي المشكلة الي حتى موظفي الاتصال مانفع معهم وفوق هذا كله موظفي الاتصالات يظايقونه بعمله لانه مبدع وجاد أخير من الي تجيبه ولا يعرف حتى يستخدم الجهاز الي بيده او يدخل صفحة المؤدم ويظبط الاعدادات ...وأتوقع المشكلة من المؤدم تبعك أما قديم أو مكانه في كهرباء كثير

[MR.WOLF]

اقتباس: المشاركة الأصلية كتبت بواسطة TSE378    اذا كان الفني اسمه عبدالله السيارتة سوناتا لونها ازرق أو اخضر ويشتغل في محل مقابل الدقل على الطريق العام انا ماعرفه ذاك العرف معرفتي له سطحية (أنا أشهد له ) وصراحه الفني يستاهل لان حتى سعر الفحص والتركيب مو شيء أذكر اول تناقشة معاه ليش الفحص والتركيب مو غالي واللي مثلك معه عدة وسلم ودريل واجهزة فحص اول مرة اشوفها !!! على كثر مجاني فنيين الاتصالات العدة اللي معاهم قليله ؟ قالي انا عندي وظيفة الصباح من الساعه 8 الى 2 وبعدها اشتغل في اي مكان وبالنسبة للعدة الشركة قليله لان الفنيين الاتصالات شغلهم خارج منزل العميل قصتي مع الاتصالات السعودية اول انا ساكن بالحي البلدية او الخالدية للي خلف مكتب جاكرتا معاناتي طالة انا مستاجر السنة قربة تخلص والنت يفصل ملية اللين قلت بسسس كل يوم يمر فني من الشركة ويقول تمديد ( غير السلك التلفون الى كات 6 ) والثاني نفسة اللين غيرت الكيبل وهي هي جاني الثالث وقال مودم ابشر انا اللحين اركي لك مودم جديد هذا مودم صفر 7 وهذا مودم صفر 6 قالو نغير الرقم السري وما استفدنا شيء يقلون لي عطنا كود الطلب علشان نقفل الطلب وقف حائـــر مادري مشكلة ايش رفعة السماعه واتصلت على الشركة وقلت اذا امكن ترسلوووون فني ياخذ المودم قالوووولي ليش الفني ماغير المودم قلت نعم غير وهي هيا قالي الموظف خلاص ابيجيك الفني بكرة في اليوم التالي حضر الفني قال انا جاي اشيك لك قلتله خلاص مابي وشوي كل شوي يشغل زقارة لا حظة اسلوب الفني خلاني انتظر ونفس الوقت انا ماحب ريحت الزقارة قال من عندك كل شيء تمام قلت والمشكلة !!! فهمتة القصة كاملة رد علي وقال ماقدرة احلها ( لان عندك سليم وعند الشركة سليم ) ولاكن عندي حل ومايحله اللى واحد قلت منو قال اسمه عبدالله توقعت كاهن .ههههه وصف لي المحل قلت له انا دائما والعيالي بأستمرار امر محل المقابلة حق الدقل ولاكن ماجاء في بالي الله يوفق الفني حق الشركة اللي دلني علية واتمنى ان يقطع التدخين . المهم رحت المحل وسئلة وين عبدالله رد علي شاب سعودي قلت انت الفني عبدالله اللي تفحص وتركب كيابل قال اية قلت انا عندي مشكلة قال نحدد وقت وامرك للبيت علشان نكون في الواقع جاء الفني للبيت وشيك وإخذ تقريبا ساعه جبت القهوه والشاي ورفض يشرب قالت اوكية ابشوف اخرتها معه توقعواااااا ياجماعه ايش كانت المشكلة لو ما اقنعني الفني ولمشكلة انحلة ماصدق ( طلب مني اغير المودم مو اي مودم يعني مودم معين غير حق الاتصالات . قال تبيني اقنعك ؟ قلت اذا امكن الغالي قال انا ابعطيك المودم معاي بالسيارة مستخدم جربة وشوف قلت اوك سوالي الاعدادات وحط رقم سري 55555 وقال لك ثلاث ايام ) مجنون الادمي ماتوقعة انا فيه شباب سعوديين يشتغلون صار اول ماروح العمل الحرمة تستخدم النت في الصباح واذا جيت استلمته العصر السرعة اربعة قيقا او ميقا اليوتب سريع والتصحف فوق الممتاز وحاليا حسب اخر اتصال لي مع الفني انا الشركة الاتصالات نزلت مودم 101 لنفس الشركة المصنعة للمودم للي جربتة اشكر الفني عبدالله اللي فرغ نفسة للشغلتة لو واحد ثاني قال عندي وظيفة اشكر الاخ اللي حط الموضوع ( طافتني ولا كان اقل شيء نسوية ) واشكرالفني حق الشركة الاتصالات واعتذر منهم اذا زليت بكلمة اوقات الواحد يفتح طلب صيانة . و يتكلم على الموظفين وبالاخير تكون المشكلة من عندة !!! المعذرة على الاطالة هذي قصتي وانتم احكموووووووووو

ايه نعم يالغالي هو نفسه عبدالله
أما موظف الاتصالات الي جاك كل شوي يطلع زقاره جاني احد الايام ومنه وصلة لهذا الفني والله يصلح الحال


ياخي تركيب كلامك ماهو غريب علي أنا أشك فيك ياعربي

[MR.WOLF]

اشكر كل من رد على الموظوع بالتوفيق للجميع مع السلامة

[الحوسي3]

4جي موبايلي وبس سريع جدا

[عبدالله الفهد]

بما ان الموضوع عن عبدالله ماراح اتكلم عن الشركات

فشهاده حق الاخ عبدالله مميز جدا


ووالله اني ما اعرفه بس الرجال يشتغل