اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > القصــه والقصيــده

القصــه والقصيــده قصص الماضي وحكايات الحاضر

 
 
أدوات الموضوع انواع عرض الموضوع
قديم 30-05-04, 10:47 PM   رقم المشاركة : 1
رومنسي الاطباع
عضو فعال
الملف الشخصي






 
الحالة
رومنسي الاطباع غير متواجد حالياً

 


 

المعانات من غلاء المهور وعوائد العروس بنجد

السلام عليكم


نحن على ابواب الاجازه والصيف وكلنا نعلم ان هذا الوقت تكثر العروس ويرتزق راع القصر والطباخ والصايغ وبائع الاقمشة من قده وبائع البشوت والعبي وراع العود الدخون والغذائيه الرز والسكر والشاي والقهوة والهيل وشريطية الغنم والابل وصاحب الاستيوهات لتأجير الطبول والطيران واخر من يأخذ نصيبه الطقاقات والكوفيره الكل يعين خير ماعداء المغرس يتخرج ابنه من الثانوي وهو يسدد بالسيارات اللي هو اخذ او قرض البنك الفلاني لا يادخل البيت يبي تأثيث من اللي مابعده وش يقصرنا عن غيرنا هذا من غير الكاش اللي يأخذه النسيب والنسيبه وتشريه اخوته وخواته وخالاته وجميع من يقرب له والجيران وزميلة الدراسه .
هذه قصيده تصف المعانات من هذا العمل من زمان لان الحال ضعف والريال غالي وله قيمته اي ان الف ريال يمكن تعادل عشرة الاف لان الذبيحة حسب قول الشيبان تلأخذه من 30-35-40ريال فقط يعني عشرة اضعاف لان سعر اليوم 400-500



لااطيل عليكم الشاعر عبد الرحمن الراضي

قال في غلاء المهور وعوائد العروس في وسط نجد


صحيح انا كبرت والعرس ملـزوم
ويفز قلبـي لاحكـى واحـد فيـه
لاشك دون العرس عادات وسلـوم
ومن يسمعه ماعاد نفسه تهقويـه
الى طلبت البنت قالوا بها السـوم
حق الابـو سبعـة الآف بتعطيـه
وثلاثة لـلأم تدفـع هـاك اليـوم
ياللي تجيهم ناوي العرس باغيـه
واخوانها وعماتها وباقـي القـوم
كل يبي حقـه ومجبـور ترضيـه
وطوايق وبشوت وأطياب وهـدوم
اللي حضر والغايب الكـل تكسيـه
وخطيبتك شيه على جنب مفهـوم
أربع آلاف للذهب شـرط تشريـه
اضافة هـذا الـى غرفـة النـوم
ودولابها من كـل خرقـه تمليـه
وحق العشاء خمسة الآف ملـزوم
تدفع تكاليفه ولـو منـت باغيـه
وزيارت الحريـم يـوم ورى يـوم
والبيت وأثاثه ترى حكيهـن فيـه
حب الشرافه طبعهن دايـم الـدوم
ويا ويل مطلوب لهن تعترض فيـه
يمضى شهر ماذقت راحه ولا نـوم
هذا يجـي و ذاك تبلـش توديـه
سعادتك صارت غرابيـل وهمـوم
الدين لحقك وانت من وين توفيـه
خلاص ابا انهي باقي العمر بالصوم
مانيب قادر لـه ولا نيـب قاويـه
كم واحد مثلى مع الناس محـروم
ودك تشوفه كيـف ليلـه يمضيـه
وكم بنت وسط الدار والباب مردوم
الظاهر ان اللـي اعانـي تعانيـه
رسولنـا زوج بأيـات وخـتـوم
سن الزواج وين من يقتـدى فيـه
عادات شيلوها ترى مالهـا لـزوم
لو شيلة العادات كـل شـرع فيـه

والسلاااااااام ختاااااام

اخووووووكم فيصل الشمري







التوقيع :

 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:18 AM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم