[align=center]ما رسب من يدرس ويتعب قبل بدء اختبـاره
عارفينـه مـن زمـانٍ فـات حنـا عارفينـه
النتيجة يطلع أسم الناجـح بـراس الصـداره
في عموم المملكة و لا علـى قـوم المدينـه
و أحمد الله باختباري صرت مضرب بالشطاره
ماأعرف لكن ووين و كيف وأسبـاب مهينـه
راكب اللي مشيته بالنفـد كنـه وسـط قـاره
رنج روفر يغري اللي تاه في حسنه و زينـه
و من مصانع دولته ما قيل سجـل بأستمـاره
و من موديل العام هـذا بالوكالـة عارضينـه
ما ركبه الا الذي يا ناس راضين فـي قـراره
في جميع الأصعدة لـه بصمـة و الله يعينـه
شدني جذاب شكلـه و البدايـة مـن شعـاره
لين ما تاصل على ما قيـل لقـزوز الماكينـه
و غير هذا ما بهرنـي كـود لونـه بأعتبـاره
لون قلبٍ ما خلطه الخبث و احقاد و ضغينـه
و الغمارة ؟ وش حكينا ما هيب والله غمـاره
صممت كن القصور الفاخـرة معهـا قرينـه
ما يجيبه غير شخصٍ مالـه اعـداد الزبـاره
والبنوك تضك منه و من بعـد أشيـاء ثمينـه
من يسوقه عارفن له دوس بنصه مـع غيـاره
واحد و خمسة ثلاثة و أربعـة وأردف ثنينـه
سايقه يا سايقه يا سايقـه مـن خلـف طـاره
طالبك تكفى ترد الصـوت و فـوادي تعينـه
كان وجهك للديار اللي لهـا أرث و حضـاره
بين حايل بيـن "تابـو" بيـن بدنـه خابرينـه
به رسالة وسط قلبي يمكـن تكسـر جـداره
من حروف الشعر صغته حافظه وسط الخزينه
وصله ربي يعزك شبـت بصـدري شـراره
كان في راسك حميا من يمنينـي فـي يمينـه
وصله من باب داري لين تاصـل بـاب داره
ما بغيت الا هذاتي و انـت فعلـك حافظينـه
قله أني بي كسورٍ ما لقـت طـب و جبـاره
بارت الخلان غيره و أحسب عظامـي متينـه
و ماهو قصورٍ على ماقيل تكرم عن قصـاره
و انت شخص للصعايب غير هذي ذاخرينـه
في أول المشوار كانت تجربة تحمـل مـراره
و لكن الله نحمـده حنـا لنـا ألبـاب ذهينـه
من ظروف الوقت صرنا نحمل النزف بجساره
في دروبٍ موحشة ننقل مع الجـرح الغبينـه
والسبب ناس و كاره يشبه الأفعـى و كـاره
بين لدغ و بيـن لـدغ تبـدل الجلـد اللعينـه
ما أكثره صبري عليهم والسبب طيب ونعـاره
لين من الله علينا مفـارق الحربـاء و شينـه
أدع لي في رحلة خضته بعد نجهـل قـراره
خاب من هو خاض فيها دون وعي ودون بينه
و الرجال أن كان ما يلمس شواربهـا غبـاره
تحرم العليا عليها ما تجـي صـوب السمينـه
و ما عشقنا في التحدي غير زهوه و انتصاره
و الرحايل جل شانه لأجـل ذلـك مفحمينـه
ناويٍ بعد القرايب لو بهـا بعـض الحـراره
وأفهمي يا نفس من يفجعـك ولـي لا تجينـه
و الصلاة أزكى صلاةٍ نصرفه بأطهر عبـاره
للرسول اللي مـن الله مرسلـه يخبـر بدينـه [/align]
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
العرض العادي
