[align=center]تحيه عطره تليق بكم
ومشاركه متواضعه أضعها بين أيديكم علها تنال اعجابكم,,
.
.
.[/align]
[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جاز الوفي بالطيب ياقلب جازه=اللي عن الهقوات مايوم قدجاز
واللي تردى مالنا فيه عازه=ماانته بمعتازه ولاني بمعتاز
لوهو تحيز مايضر انحيازه=لنه على التقدير والطيب ماحاز
اللي يشاف اقصاه مثل القزازه=مايشبه اللي عشرته كنها ألغاز
بعض الحكي سهل علي احتجازه=وبعض الحكي كنه بالاعماق وخاز
يوم ان غيري ينعرف باهتزازه=ماهزني عن وقفتي الف هزاز
ماياقع اللي واقف ٍ في عزازه=عند العلوم الغانمه دوم فزاز
أنا جبل للي علي اعتنازه=وانا حزام لكل غالين وعزاز
جاز الوفي بالطيب ياقلب جازه=اللي عن الهقوات مايوم قد جاز[/poem]
[align=center]وسلامتكم
محبكم
عبدالله الأحمد[/align]
جاز الوفي بالطيب ياقلب جازه.....
العرض المتطور
