[align=center]
رغم غيبتي عن هذا المنتدى الغالي علي إلا وأعود والشوق في قلبي له فأجدد تواصلي معه
في قصيدة كتبتها آمل أن تحوز على رضاكم ,,
يا وقت ياكثر الخطـأ فيـك يـا وقـت
رغـم إن خيـرك منعقـد للقيـامـه
برقت فيـك وشلـت رجلـي وحلقـت
رافع مقامـي عـن وضيـع ٍ مقامـه
والنـاس لا فكـرت فيهـا ودقـقـت
لقيـت فيـهـا للمـواكـر عـلامـه
أحد ٍ يبوق بعشرتك وأنـت مـا بقـت
تلقاه من سـاس الـردى والرخامـه
وأحد ٍ يسـرك بالدهـر كلمـا ضقـت
في موقفه تلقـى الوفـاء والشهامـه
من فضل ربي كل مـا ضقـت روقـت
وألقـى بتوفيقـه بــراد وسـلامـه
درست درس ٍ مـن حياتـي وطبقـت
وكل ٍ على جهـده وحسـب إفتهامـه
من لا يجاهـد بالعقـل ميلـة الوقـت
ماهو محصـل فـي حياتـه زعامـه
وياللي تحت غيبوبة الهرج مـا فقـت
الخيـل قفّـت بالعـرب والجهـامـه
كذبت من غيض المشاعـر وصدقـت
ما تـدري إن الكـذب عقبـه ندامـه
وإعرف ترى إن غربت وإن كان شرقت
لابـد شمـس الحـق تجلـى ظلامـه
وإن كـان حرمـت بكلامـك وطلقـت
تلقى حصيلـك مـن كلامـك حرامـه
إكرمت ولا كنـك مـن الطيبـة ذقـت
ماأرجيـك لكـن للكرامـة كـرامـه
أحسبـك ترقـى عقبهـا ميـر دنقـت
هقوة كريـم ٍ شرهتـه فـي كلامـه
ولكم وافر حبي وتقديري
[/align]