السعوديين يقاطعون الدجاج (خلها تعفن)

[الشعبان]

اقتباس: المشاركة الأصلية كتبت بواسطة سالم احمد    يا ليت ما تقولون ما لاتعلمون انا والله عن نفسي ما طب بيتنا الدجاج من اكثر من اسبوع واتوقع الكثير مثلي لكن الي مثلكم بس يحاول يهبط من معنويات الاخرين الي يبغى يقاطع اهلا فيه بهذا المتصحف والي ما يبغى يا ليت ما يجيء هنا ذي الصحفة وضعت لحل مشكلة اذا نفعت كان بها ما نفعت لا حول ولا قوة الا بالله وتمنى من الادارة تشوف حل وتوقف مع المقاطعين

يسلم لسانك
والله يخوي سالم
انا وجيراني وربعي كلنا مقاطعينه
واذا الواحد انحد شرا له حبة دجاجة فقط كل يومين وهذا مقبول

[تركي الوايلي]

اقتباس: المشاركة الأصلية كتبت بواسطة الشعبان    الذي استغربه ان هذا الكلام ياتي من : تركي الوايلي + عايد الخالدي !!!!!!!!!؟؟؟؟؟؟ ياللعجب ياللعجب !!!!!!!!!!!!!!!!!!!!!!؟؟؟؟؟

لالا تزعل يابو متعب انا والله ماني حارم نفسي من اكل الدجاج علشان كم ريال زودوه هذه مثل سالفة مقاطعة منتجات المراعي يبون نقاطع منتجات المراعي علماً انها افضل شيء بالاسواق
وبعدين يابو متعب فيه ناس تفضل منتجات المراعي وعيالهم ماياكلون الا من منتجات المراعي تقول فيه بديل مثل الصافي او الري وغيرها هذه ماتمشي عندهم المراعي مافي مثله

[عايد الخالدي]

اقتباس: المشاركة الأصلية كتبت بواسطة الشعبان    الذي استغربه ان هذا الكلام ياتي من : تركي الوايلي + عايد الخالدي !!!!!!!!!؟؟؟؟؟؟ ياللعجب ياللعجب !!!!!!!!!!!!!!!!!!!!!!؟؟؟؟؟

هلا أخوي الشعبان

وين العجيب في الموضوع ؟؟

كل واحد له حرية الرأي والتصرف وإذا كان يعتقد أن تصرفه صحيح فالله يوفقه

لكن بالواقع مطاعم الكاتم والبخاري ما تلاقي دور فيها من الزحمه

والله ما أهبط عزيمتكم لكن الدجاج صعبه المقاطعه بشكل كبيييير

والله يوفق الجميع

[بحّة الشوق]

ليش طيب شادّين حيل بالنقاش ..

.. في ناس ماتقدر تستغني عن الدجاج ..
وفي ناس عادي ماتفرق معها ..


وخلوا الصدور وسيعه لحد يحقد على الثاني لأنه ماقاطع الدجاج..

ومرحبا ً بالجميع سواء اللي قاطع الدجاج واللي ماقاطع ..

[يلدرم]

اقتباس: المشاركة الأصلية كتبت بواسطة تركي الوايلي    بالنسبه لي انا ماني مقاطع الدجاج علشان عشره وعشرين وحتى ولو كانت 100 ريال فليه الواحد يحرم نفسه من الاكل علشان اسباب تافهه طيب واذا تم مقاطعة الدجاج وش نبلع وش ناكل تبونا ناكل خبز وجبن وشاي لمدة شهر .. وبعدين هذه مسؤولية وزارة التجاره الفاشله بمسؤوليها وين دورهم وعملهم للحد من هذه الظاهره التي كل يوم والثاني يجينا تاجر مشمر عن ذراعه ويلهط بالاسعار لهط جعلهم الذهاب ولا شركه تجاريه ترفع اسعار المواد الغذائيه واللحوم وتقفز بها بأسعار وارقام فلكيه جعلهم يقفزون ولا يوقعون ان شاء الله وعساهم من خساره لخساره وفوق ذلك ويعني وزارة بس بالاسم تباً لهم جميعاً ويصطفلوا ان شاء الله تنبيه وملاحظه :) هذه المشاركه غير قابله للرد عليها اضافة ... العام الماضي كنفس هذا الموضوع اكثر العالم طالبوا بمقاطعة منتجات شركة المراعي بسبب انها رفعت الاسعار بمنتجاتها والمصيبه والادهى من ذلك نجد ان الذين طالبوا بمقاطعة منتجات المراعي يتسابقون كسباق الراليات الى الاسواق والمحلات التجاريه لشراء منتجات المراعي ..! عجيب انتهى ..

أسلوب الكذب وتصديق الكذبة
اسلوب من العصر المسماري
شلون حكمت ان الناس تسابقوا لشراء
منتجات المراعي لو مانجحت المقاطعة
للحين تأخذ الزبادي بريالين يعني
مقتنع إنهم ارحموك ورجعوا السعر
لسواد عيوننا .

[COOD909]

اقتباس: المشاركة الأصلية كتبت بواسطة تركي الوايلي    لالا تزعل يابو متعب انا والله ماني حارم نفسي من اكل الدجاج علشان كم ريال زودوه هذه مثل سالفة مقاطعة منتجات المراعي يبون نقاطع منتجات المراعي علماً انها افضل شيء بالاسواق وبعدين يابو متعب فيه ناس تفضل منتجات المراعي وعيالهم ماياكلون الا من منتجات المراعي تقول فيه بديل مثل الصافي او الري وغيرها هذه ماتمشي عندهم المراعي مافي مثله

اخ تركي الواحد اذا قاطع الدجاج ماهو معناها انه مايقدر يشريه حنا يالله لك الحمد والشكر الله مقدرنا على قيمته لاكن الدعوى عناد في هالشركات واقولك ان حملة المقاطعه ان شالله تبي تجيب نتيجه والدعوه ماهي غصب تقاطع.وبصراحه ياتركي يوم اقرا ردودك اح ان لك كم شركة انتاج دجاج.هذا الموضوع موضوع مقاطعه .اذا انت منت مقاطع شي خاص فيك ومن وجهت نظري ماله داعي تدخل مناقشات حاده.ارجو تقبل تلملاحظه برحابت صدر

[COOD909]

معليش اكتب من الجوال وعلى عجل فيه كم خطاء أملائي

[لـسان الحق]

السلام عليكم ورحمة الله وبركاته :
المقصد إخواني ليس مقاطعة الدجاج - البلدي - المقصد مقاطعة الدجاج المثلج المستورد
هو الذي ارتفع سعره بحدود 40% ..
فياليت نركز ع الدجاج المبرد البلدي ولو ارتفع سعره الى 150 ريال - لايهم - سمنا في دقيقنا ..
المقاطعة للمستورد والمستورد والمستورد ..
أنا قاطعت الدجاج المستورد واستبدلته بالبلدي من شركة فقيه والوطنية والرمحية والعواد والمحارب ..
كلها دجاج ..
لكن نرجع ونقول سمنا في دقيقنا ..
والله الموفق ..

[الشعبان]

11-22-1433 08:13 AM
عاجل - ( سامي العبدالعزيز )
تفاعل وزير التجارة والصناعة الدكتور توفيق الربيعة مع الحملة الشعبية الكبرى والتي تهدف إلى محاربة جشع وطمع بعض التجار والتي تمثلت بارتفاع ( الدجاج والبيض ) , حيث قدم شكره لأسواق العثيم وثلاجات المنجم بعد تخفيضها للدجاج المثلج بنسبة تصل إلى ١٠٪ كذلك أسواق بنده بعد إعلانها بيع جميع أنواع الدجاج المجمد ( حبة كاملة ) بسعر التكلفة ابتداءا من اليوم الأثنين وحتى نهاية العام الميلادي في جميع الفروع بالمملكة .

وقال الوزير الربيعة على حسابه في موقع التواصل " تويتر" أشكر المنجم والعثيم وبندة لمبادرتهم بخفض أسعار الدجاج. وسنبذل المزيد من الجهد للاستمرار في خفض الأسعار لصالح المواطن.

[الشعبان]

تكدس الدجاج.. والشراء بـ"الحبة"
التجارة تعترف بزيادة الأسعار وتبرئ منافذ البيع
تكدس أحجام الدجاج في الثلاجات رغم العروض المقدمة عليها (الوطن)






تبوك: طلال السناني 2012-10-03 1:15 AM
شهدت أسواق تبوك انخفاضا ملموسا في شراء الدواجن، خلال الأيام الثلاثة الماضية؛ حيث أكد أحد موزعي الدجاج أن عددا كبيرا من المواطنين توقفوا عن شراء كراتين الدجاج، واستعاضوا عن ذلك بـ"الحبة" مشيرا إلى أن مبيعاته شهدت انخفاضا ملموسا خلال هذه الفترة.
وقال أحد موزعي الدواجن في تبوك إن "أصحاب المحلات التجارية أصبحوا يستبعدون شراء كميات كبيرة من الدجاج ويفضلون شراء كميات محدودة تخوفا من تكدسها"، فيما ذكر أحد أصحاب المحلات التجاريه أنهم يعانون من قلة الإقبال على شراء الدجاج هذه الأيام، وقال "في الأيام الثلاثة الماضية لم نبع كرتونا واحدا وإنما الزبائن يشترون بالحبة وبشكل متقطع خلافا للسابق حيث كنا نبيع كميات كبيره وبشكل مستمر" مشيرا إلى أن البيع في الأيام الثلاثة الماضية يعادل بيع يوم واحد، متمنيا أن ترجع الأسعار إلى وضعها الطبيعي حتى لا يتكبد المزيد من الخسائر.
وأشار المواطن حمود مسعد أنه بعد ملاحظة ارتفاع أسعارالدجاج فضل عدم الشراء لحين عودة الأسعار إلى معدلها السابق، مضيفا أن ارتفاع الأسعار أصبح ظاهرة في عدد من المسلتزمات اليومية.
وذكر المواطن عيد عودة أنه تفاعل مع مقاطعة الدواجن وتوقف عن شراء الدجاج بشكل مستمر متوجها للأسماك واللحوم، مؤكدا أنه من الممكن أن يقوم بشراء الدجاج ولكن بكميات قليلة، مطالبا الجهات المعنية بالتدخل لإيقاف ارتفاع أسعار الدجاج ووضع حلول لهذه المشكلة. وفي اتصال هاتفي لـ"الوطن" بمدير فرع وزارة التجارة بمنطقة تبوك محمد الصايغ ذكر أنهم من خلال الجولات الميدانية لاحظوا أن أسواق تبوك تأثرت بارتفاع أسعار الدجاج في جميع أنواعه "المجمد والمبرد" من المصدر، مؤكدا بأن منافذ البيع في تبوك لم ترفع الأسعار من تلقاء نفسها.