العين للقلب شاشه

[بحّة الشوق]

النفس في شوفة المحبوب ملتاعه
والحب عن شوف غيره بات معميني

فيه المشاعر لنا بالسمع والطاعه
والقلب بيّن على عْيوني عناويني

القلب له لو تغلّى .. فيه مرباعه
دايم يصبّحني بْخير ويمسّيني

احيان ماحسّ بجروحه ومقلاعه
إليا إلتقت بالمشاعر عينه وعيني

واحيان نبضه يطمّنّي على راعه
مرتاح لو السهر للعين مشقيني

والعين للقلب شاشه تكشف اوضاعه
والبثّ فيها مشفّر بين قلبيني

من شان خلّي يشوف الحب واوجاعه
ويشوف يوم يتمشّى فالشراييني

وْيرفق بحالي ويعطيني ولو ساعه
من كلّ ليله يبرّد جمر يكويني

يا عين لو هلّ دمعي صعب مرجاعه
بثي برامجك حصري بينه وبيني

وْياقلب لو صار بين الناس قطّاعه
الوصل ساس العلاقة للمحبّيني



للشاعر / عبدالعزيز الشاطري

[ريم النواااظر]

؛

يا عين لو هلّ دمعي صعب مرجاعه
بثي برامجك حصري بينه وبيني
وْياقلب لو صار بين الناس قطّاعه
الوصل ساس العلاقة للمحبّيني


ذائقه رائعه
وحروووف جزله
سلمت الايادي للنقل الجميل

[@طال الغياب@]

فيه المشاعر لنا بالسمع والطاعه
والقلب بيّن على عْيوني عناويني


بحّة الشــــوق " إنتقــآء أكـثـــر مــن رآئـــــع .
لآ هــنـــت ....

[بحّة الشوق]

ريم النواظر / طال الغياب ,, شاكر مروركم الكريم ويعطيكم العافيه .