غيرك طويته عن هوى خافقي طي

[بحّة الشوق]

[align=center]

آخر دوى المرضان قد قيل بالكـي
وبعض العرب مافاد طبّـه وكيّـه

ماجيتك ابغى شي ياحاتـم الطـي
ريّـح ملايكتـك وسْـرج العبيّـه

مدام أنا راسي يشـمّ الهـوا حـي
هبّـي عليّـه يالهبـوب العـذيّـه

ياللي كلامك غي ومشاهـدك غـي
اضيـع أنـا مابيـن هـذي وذيّـه

سلّمت لك روحي على راحة ايْدي
واهديتنـي منْـك التجافـي هديّـه

لولا الشرف والدين والهاجس الحي
والحاجه اللي في خفوقـي خفيّـه

ماكان يمنعني عـن امقابلـك شـي
الفرق واضح بيـن شمـسٍ وفيّـه

ارفق عليّ شوي واستلطف شـوي
ماعـاد فينـي للمـواجـع بقـيّـه

غيرك طويته عن هوى خافقي طي
واهدرت لك دمّـي خليّـه خليّـه

ومادمت معتبرك لي الزاد والمـي
يعني بوجودك تصبح الروح حيّـه

تعال محصول الغـلا ناقصـه ري
اروه وفـا مابيـن روحـه وجيّـه

أما كذا وألا علـى ماطـرك عـي
ويغنيني الله مـن سحابـه وريّـه

وأنت انتعم بالعز والظـل والفـي
وأن شفت زولك قلت : يالله حيّـه

صحيح بأن آخر علاج المرض كي
بس البلا من نقّض الجـرح كيّـه
---------------------------------

للشاعر / راكان السبيعي[/align]