[align=center]تدور الارض وتدور السوالف والسنين تدور ... وانا لو اعرف اللي راح ماني بعرف الباقي .
يقولون القصيد شعور والشاعر بدون شعور ... واقول الله يعاقبني اذا ماهو من اعماقي .
انا لو اكذب بشعري وقف نبض ويبس حنجور ... وقادر اخسر الدنيا وعاجز اخسر اخلاقي .
ولأجل عنق المها والصوت الادفى والعيون الحور ... وقف عمري ولا ادري ويش انا من وقفته لاقي .
قسم بالله ماقبلك غياب ولا بعدك حضور ... ولكن ودي بفرقاك لو ماودك فراقي .
تعاتبنا بما فيه الكفايه من ثمان شهور ... وسالت دمعتين وطاح قلب وماتت اشواقي .
تعدتك المشاريه وجفاك اللوم والمستور ... إذا مايكشفه صوتي كشفه الحبر بأوراقي.
تعبت اضحك على نفسي وابررلك واعيش الدور ... وتعبت اجامل ضروفك واصدق كذبك الراقي .
يكفيني اغيب وخافقي ماجاك منه قصور ... ويكفيك تذكر كل ليله لهفة عناقي .
تذكر يوم اخليك تباها كبريا وغرور ... يوم اني اتحدابك واخيب هقوة الهاقي .
وتذكر يوم اعذرك وانت لا صادق ولا معذور ... ادور لك عذر واصدقه واكذب احداقي .
وتذكر يوم جيت من الحزن متضايق ومسرور ... فرشت لك الضلوع وقلت لك ياسيد عشاقي .
خذ ضلوعي وابن فيها يسار الصدر بيت وسور ... ترا مافيه قبلك من سكن صدري وخفاقي .
وبعد هذا رحلت ومابقا الا بيتك المهجور ... والا ياكبرها لا من رحلت ومنزلك باقي .[/align]