!! صحّاني الصبح ..

[عايض المريخي]

[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
صحاّني الصبح من نومي وعاتبني=كم لي أصحّيك يالغافي ولا توحي
عاهدتني مع بزوغ الضو تكتبني=وأتنفّسك بوح كل ما لاح لك ضوحي
وهذا شهر ما لمحتك ليش جاوبني=يا فوح شوقي على لاماك يا فوحي
قلت العهد مانسيته لا تعذربني=وأنا وفيت لزمان ٍ وثّّق جروحي
يا صبح هذي حروفي يالله أعربني=يمكن يموت الغموض وتحيي وضوحي
ملّيت هذا الزمان اللي متعّبني=حاولت أجاريه لكن طاحت صروحي
يوم اعتليت بسماه البعض حاربني=ما كني ألاّ ملكت الحرف في لوحي
أطربت أنا الغيم مدري الغيم مطربني=أهداني الديم يوم أهديت له بوحي
يقراني الطير والنوير يكتبني=يعزفني الناي كل ماخاب مصلوحي
يا حضرة الصبح وقتك مايناسبني=بدّلتك بجوهره مانت على روحي
أصحى على صوتها لاجا يداعبني=من عالي الرجم لين يسيل بسفوحي
سكنتها حب لحظة شفتها تبني=قلعة مشاعر وقلت لغربتي روحي
حتى حمامة شقاي اللي تصاحبني=طيّرتها وقلت نوحي ضيقتك نوحي
أنا اكتفيت ولقيت اللي يرتّبني=من بعثرة وقت لا ياوي ولا يوحي
يا حضرة الصبح كافي لا تعاتبني=ما عاد همي معك وجروحك جروحي [/poem]



[align=center]نواف المزيريب[/align]