جرح الموادع

[كرسي مدرسة]

[align=center]يشدني يم القصيده والغلا سلك الحرير
وآآخر جروح الوقت يبقى في فؤادي مابرى

لاتنشديني وش خفى يابنت في وسط الضمير
جرح الموادع والسهر والبدر نوره ماسرى

من طبعي أصبر لو ونيني يفجع الطفل الصغير
وشلون لويدري بها يمكن يموت ابما درى

أكن لك كل الغلا وأحشمك وأصبر وأستخير
وأحط لك عيني غطا وأحط رمشي لك ذرا

وشلون تبعد بالغلا والحزن في صدري مرير
أخير من صدك كذا أطيح من قمة كرى

الك بحنايا عاشقك بستان في قصرن كبير
بآخر شرايين الغلا وحدك ولافيه إخشرى

تقطف من أورود الغلا وحدك ولا حولك خشير
ماقد مشى فيها أحد ماباع فيها ولا شرى

أقل شي أن الرسايل تستمر يم الأسير
أتطمنه باللي جرى وتسامحه باللي جرى

وإختامها ياعزتي للحال فالثلث الأخير
البدر نوره قد سرى والقلب جرحه مابرى[/align]

[ناجي الحفراااوي]

أكن لك كل الغلا وأحشمك وأصبر وأستخير
وأحط لك عيني غطا وأحط رمشي لك ذرا

وشلون تبعد بالغلا والحزن في صدري مرير
أخير من صدك كذا أطيح من قمة كرى


.
.
.


صح لسانك كرسي مدرسه على هذا الاختيار

انتقاء ينم عن ذائقة جميله للشعر.

يعطيك العافيه .. ودمت بخير..

[كرسي مدرسة]

هلا بك اخ ناجي وصح بدنك اسعدني تواجدك الطيب لاهنت