[align=center]دكتور .. يادكتور خـاب الـدوا بـي بـلاك ماذقـت العنـا يـوم ذقـنـاه وفـر تعـب حالـك وجهـدك يخابـي مـاذاك طبـي لا .. ولا ذاك بـلـواه ياليـت يادكتـور تفـهـم صـوابـي ياليـت تعـرف علّـت القلـب وادواه حالي تـردّت مـن دواعـي عذابـي واللي سلبني راحـت النـوم واحـلاه كان انت تفهـم بالهـوا ..ذا مصابـي الله وكيلـك عالـج القلـب مـن داه اشغلنـي التفكيـر واشغـل جنـابـي باللي شغل قلبي .. وتلّه مـن اقصـاه وليفـي الرعبـوب ريـم الهضـابـي مافطّمـن بـنـات حــوا حـلايـاه اثـر الغـلا يفعـل وفعـل هـذا بـي ماغير اسولف مـع طيوفـه وذكـراه اسمـع جوابـي كـان تبغـا جوابـي وافهـم معانـي لهفتـي والمعـانـاه كنت احسب ان الحب لعـب وتغابـي عشقت منهي شـارد الخشـف حليـاه قلـت اتسـلا بالهـوا فـي شبـابـي من عرض ناس ٍ طاري الحب تسـلاه لآينتهـا .. ليـن ان قلبـه هقـابـي حب الصدوق اللي عشق مـن حنايـاه صارحتها .. قلت الخفـوق استجابـي دعـوت عيونـك ياحياتـي ومغـزاه حتى .. مـع الايـام زاد الغـلا بـي صارت تفضلنـي علـى اللـي تمنّـاه من شفت يادكتـور حرصـه نجابـي بديت اميل لصـادق الحـب واهـواه عرفـت قيمـة حبهـا لـو اغـابـي وعرفت صادق ودهـا ساعـة القـاه علي تخـاف مـن النسيـم وتهابـي علي تـداري مـن همومـي وتنهـاه علـي تغـار وغيرتـه مـن ثيابـي علـي تدلـع والدلـع لايـق ويــاه حتى بـدت تحسـب ثوانـي غيابـي وان شفتهـا شفـت البرائـه بعينـاه حسيت فـي ذنبـي وعظـم ارتكابـي حسيت بالتقصيـر منـي بمـا جـاه إزعلها.. ترضيني .. وتقبـل عتابـي ترضيني.. وازعلها .. وتسكت وترضاه غالطتها .. تسكت .. لو ان الخطا بي عاندتها .. تقنع .. ولا تشكـي الآآآه انـا الـذي مـن يستحـق العقابـي الله اكبـر كيـف ابجحـد سـوايـاه لامن زوانـي كـل ضيـق وسرابـي ماشفت غيـره مـن يمينـي بيمنـاه والحين حبـه بيـن الاضـلاع رابـي احبهـا واحلـم بـهـا دوم وابـغـاه الين قلبي مـن هـوا الشـوق ذابـي ويحن قلبـي كـل مـا حـل طريـاه اوآه يادكـتـور دام الشـقـا بــي اوآه يابـعـد المسـافـات بـعـدآه البعد فرقنـا .. تـرا البعـد ..هابـي لـولاه مانرضـا دقيـقـه بفـرقـاه والهاجـس اللـي كـل ليلـه غدابـي مـع الثريـا والقمـر نرقـب ضيـاه يحكـم عليـه بالوفـا والوفـا بــي لكن عذابـي كيـف بالساهـل اقنـاه هذا سبب همي وجـرح ٍ سطـا بـي هذا الـذي ماكنـت حاسـب خطايـاه ياليـت يادكتـور تفـهـم صـوابـي ياليت تعـرف علّـت الشـوق وادواه[/align]
صح لسانك ياكرسي مدرسه ولا هنت بارك الله فيك
اقتباس: ياليـت يادكتـور تفـهـم صـوابـي ياليـت تعـرف علّـت القلـب وادواه حالي تـردّت مـن دواعـي عذابـي واللي سلبني راحـت النـوم واحـلاه كان انت تفهـم بالهـوا ..ذا مصابـي الله وكيلـك عالـج القلـب مـن داه اشغلنـي التفكيـر واشغـل جنـابـي باللي شغل قلبي .. وتلّه مـن اقصـاه الفاضل ( ( كرسي المدرسه ) ) صح لسان كاتبها ولسان ناقلها قصيده رائعه ,,, تسلم اديك لو انك مكبر الخط يا خوي كان احسن لك من لينـــو كل الاحترام
اقتباس: المشاركة الأصلية كتبت بواسطة سليم الشرعان صح لسانك ياكرسي مدرسه ولا هنت بارك الله فيك صح بدنك يالغالي لا ندمت شاكر لك تواجدك الطيب
اقتباس: المشاركة الأصلية كتبت بواسطة لينو الفاضل ( ( كرسي المدرسه ) ) صح لسان كاتبها ولسان ناقلها قصيده رائعه ,,, تسلم اديك لو انك مكبر الخط يا خوي كان احسن لك من لينـــو كل الاحترام صح بدنك يالغاليه شاكر لك مرورك.