[align=center]السلام عليكم ورحمه الله وبركاته
مساء الخير/صباح الخير
قصيده لشاعر / عيد بن سمير البشري
عنوانها /الشاص[/align]
[align=right]يا راكب اللي تقل يعطيـك ابتسامـه ** لانطحـك مـع البلـد والجندليـه
جيب شاصي حوض تايوتا العلامه ** مثل حرف الهاء تلـوح بمقدميـه
مثل لون الذيب واليا اسهم اسهامه ** ماتشوفه لين تسمـع لـه وحيـه
السبيـر بغاربـه تقـول شامـه ** وارد ألفين وثلاثـه مـاش زيـه
دفتـره مافيـه لبـاس العمامـه ** فوقه النخلـة وسيفيـن محنيـه
وقبل يعتمـده وكيلـه لإستلامـه ** وقــعـــه نـــايـف وزيـر الداخليـه
شغله ياسايقـه واربـط حزامـه ** ووأزن مـــــراتـــه وفـلـل تانكـــيـه
ولاانتهض صدره وصكيت الاجامه ** الرياض من القصيم تقـول ميـه
ولا دخلت بعاصمة نجـد اليمامـه ** وشفت برج المملكـه والفيصليـه
انحر الربوة وعلمك فـي زمامـه ** عانها شرقِ جنـوب مـن العليـه
واقلـط بقصـرِاٍ لبيبانـه ردامـه ** يـــشــبـهـن دروازة ٍ بالناصـريـه
المعونه يابـو ناصـر والسلامـه ** يا جناب الشهم والـراح النديـه
ياخو مانع ما علي فيهـا ملامـه ** وأنت ياحثــــلان راعـى الاولويـه
المصلـي مايسلـم قبـل امامـه ** وانت معطيني وعد والشيءنيـه
يالسبيعي عيدنـا شوفـك تمامـه ** بين عيد الفطر واعيـاد الضحيـه
الفخر بالطيب والعيـب الرخامـه ** دام لي روح ٍ مع الحييـن حيـه
كـان ماجيـت لمحلـي للكرامـه ** (شفة الفنجـال) حارمـة ٍ عليـه
راق لي كثيراً[/align]