[align=center]السلام عليكم ورحمة الله وبركاته
حين نملّ من مشاغلنا
ونملّ حتى من انفسنا
ونبحث عن متنفّس
لكل شخص طريقته
امّا انا فأقول:[/align]
[poem=font="Andalus,6,black,normal,normal" bkcolor="transparent" bkimage="backgrounds/1.gif" border="double,4,gray" type=0 line=0 align=center use=ex num="0,black"]
البارحه جرّيت صوتي وانا اْون= جرّة قنيب الذيب لا جاك عاوي
ولاّ الخلوج اللي على وليدها تحن=أو كنّي اللي عن نصيبه نحاوي
ياصاحبي عطني من الهيل والبن=واعطيك مابي من علوم وحكاوي
القلب يشكي والضلوع يتباكن= والحال رثّ وعذبته البلاوي
ماعاد ابي عيش الحضر والمساكن=ودّي اعيش براحتي فالخلاوي
تسمع دويّ الرعد فالليل لا جن= ولا اصبحت جاك الخير كنّه جلاوي
ونبت الربيع ليا نبت فالمطامن=تصبح على شوفة خضاره شفاوي
في روضةٍ فيها الطيور يتغنّن= وريح الخزامى اللي يسرّ الهواوي
ومعاك ذود من النياق المزيّن=وضحن تخيِّرهن عرف ونقاوي
لا شفتهن قدّام عينك يسيرن= تقول مزنٍ فيه خير الهقاوي
حب الخلا والنوق منّي تمكّن= يالله تحققلي هذيك الرجاوي[/poem]
[align=center]وسلامتكم[/align]