[align=center]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عطيت الزمن وجهـي لكّـن الزمـن خـداع "=" بغيت اشتكي نفسـي مـن الضيـق للراحـه
عباد الولـي تشكـي مـن الهـم والاوجـاع "=" وانا ما اشتكي لا هم / لا اوجـاع / لا طاحـه
لكن الفراغ اللـي لـوى الرجـل لـوي ذراع "=" مخلي ضلوع الصـدر عنـده ( سمرداحـه )
يتـل الشـوارد كـل ليـل ٍ وانـا مـطـواع "=" وبالـراس مسراحـه / وبالصـدر مرواحـه
غديت السديد اللي بغى الـراي لكـن ضـاع "=" فهقت العدود وصمـت ظلـي علـى مراحـه
يلـوج الكـلام احيـان وده يغسـل شـراع "=" مفاهيـم وضـع اليـاس لا ركـز إرمـاحـه
صحيح المعالـم واضحـه حيـل والاوضـاع "=" مثل شاعـر ٍ فاشـل تربـع علـى الساحـه
يراهن علـى صوتـه ورى دقـة الاصبـاع "=" وينـدب علـى حظـه اليـا طـاح بوشاحـه
وهـن كفّـر النسيـان ياصفحـة الابــداع "=" عطـى كبـل التلويـع بــروازة اشبـاحـه
وانا ما نسيت اني مـع النـاس لكـن بـاع "=" عرق وجـه ليـل البارحـه نـور مصباحـه
ورى وقفتي / قاع / وحجر / صم / واستمتاع "=" بشر / ما تعرف الحر مـن ريـش ملواحـه
تقـول الكـلام الملتـوي والفجـوج وسـاع "=" تـدوس الصحيـح ولا تـدور ورى ارباحـه
ابا آقف وانا مانـي علـى وقفتـي منصـاع "=" اخالـط سمـا نـور ٍ تجـاوزت وضـاحـه
يجـوز الخيـال وماسكـن بالصـدور يـذاع "=" تمـوت الجواهـر والبحـر كّسـر ألـواحـه
ابترك مدى الواقـع علـى غـارب الملتـاع "=" خرز فلك بعـض الخلـق يجـري بمسباحـه
مدام الزمـن قطـرة هـدب واستلـذة قـاع "=" بميّـل علـى وجــه ٍ إتعـريـه افـراحـه [/poem]
[/align]
العرض العادي
