--------------------------------------------------------------------------------
كل مانظرت بصورتك تدمع العين
................................ واخاف يحجب دمعها شوف عيني
وامسح بكمي دمعتي وانظرك زين
............................... وارجع على ماكنت واصفق يديني
وينك عن عيون الشقاوي من سنين
...............................--. يالعنبو مجناك توك تجــيـني
لــيه القدر جابك وبالذات هالحين ..؟
................................ كن الليالي قصـدها تبتليــني
يامالكــه ، نقوة صـفات المزايين
................................ يامحركة عقب الركـاده حـــنيني
يامعيشه مغليك عيشة مجانين
................................. بامرجعه عقلي على أجمل سنيني
يا مفجرة في وسط جوفي براكين
................................... يا مبيحه من دون غيرك كنيني
ياحارمتني نوم عيني وبعـــدين ؟
................................. وش تاليتها طالبك علمــيني ..؟
العيد قرب يامنى الروح تكفين
................................... وشلون ابفرح فيه لو ما تجيني