/
/
/
/
ياويل قلبي كل مااشتقت لقياه
وشلون ماتشتاق عيني لعينه
أنا أدري إني حيل أحبه وأهواه
وأنا أدري إن القلب صار بيدينه
أموت أنا به في غيابه وأحياه
وشلون أجل لو صافحتني يمينه
حاولت أنا اكتم عبرتي يوم فرقاه
وألملم جروح الزمان الطعينه
واعطيه من قلب المعنّى معاناه
وآخذ من جروحه ولو هي دفينه
وأضيع به في زحمة الناس وأنساه
وأنسى معه ذكرى السنين وحنينه
لقيت نفسي كل ما حل طرياه
عروق قلبي كلها تقول وينه
يامر على قلبي ولا شك ينهاه
كلي أنا تحت الإشارة رهينة
ما كل من يضحك سعيد بدنياه
وما كل من يبكي دموعه حزينه
أحدٍ بكى والكل يدري عن بكاه
وحدن مع الضحكه تحس بونينه
ياشين فرقى الحب وياشين بلواه
والمشكلة دنيا بلا حب شينه
كن الفضا في غيبته ضاق مسعاه
وكني غريقٍ ينتظر له سفينه
شف دنيتي ياصاحبي عقب فرقاه
مثل الظلام اللي حصل بالمدينة
وبرسمـه في لوحة الشعر وانعاه
وبـدفـنــه بين الضلوع الحنينه
بوسط الحشا في داخل الصدر مثواه
إما يسار القلب وإلا يمينه
ٍ
ٍ
أبي ابكي على صدرك إلين تخلــص دموعي
وابيك تضمني بحضنك وأبيك تهدي روعاتي
وأبـي لا زادت همومــي تنسينـي شقـى يومـي
إذا زادت بي الضيقه تكون أقرب لي من ذاتي
وإذا زاد التعب بي يوم تداويني من جروحي
تشـيل الهــم من قلبـــي وتآخـذ منـي آهـاتـي
انا من لي أحـد غيرك حبيبي يا بعـد روحـي
يوسع صدري بشوفه ويحلي بذكره ساعاتي
أبترك دنيتـي لأجـلك وأبيع الكل يا عيونــي
ابي ابدا حياتي بك وانهــي فيــك حسراتــي
ابي افرح .. لأنك لي ولأنك عشقي وجنوني
وابي انسى زمان راح ورآحت معه دمعاتـي
لأني معك أصير أحلى وتحلى الدنيا بعيوني
عساك تكون لي دايم / معي في كل حالاتي
مماراقلي
ولكم ارق التحايا وأعــذبها