[align=center]بدون مقدمات ..!![/align]
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
النوم عيا يا بوغاده يجيني=من مات من هو موتته قدم عيني
حاولت أسلي خاطري و أتناسآ=لكن خياله كل ساعه يجيني
تدري وش اللي في ضميري أحسه=أحس بإني ذابحه في يديني
والله لا ألوم النفس لين أتوفى=و أبقى على طول الليالي حزيني
ياليتني ويآه في قبر واحد=(أستغفر الله) بس هذا ظنيني
[عبدالله العساف] بالحيل غالي=إلا غلاته من غلا وآلديني
هذا البطل أرخص حياته على شآن=خدمة وطن (وإنقاذ للمسلميني)
((هذا الشهيد)) اللي على فعله شهود=في ساحة الميدان ما قال ويني
يبكونه إخوانه مع وآلدينه=و أبكيه أنا مابين نفسي وبيني
ويبكيه صدقان وقرايب وخلان=واللي بعد في قصته عارفيني
ويالله ياربي وأنا اسألك دايم=و أنت المجيب لدعوة السائليني
تغفر لعبدالله وتمحي ذنوبه=و تَرحمه يا أرحم الراحميني
وتسكنه بالجنه وتجعل مكانه=بين الصحابه والرسل والأميني
ويارب صبر والدينه وعِنهم=و يارب صبرني ولا تبتليني[/poem]
[align=right]اللهم ابدله دارا خيرا من داره..
واهلا خيرا من اهله ,,
وادخله الجنة واعذه من عذاب القبر ومن عذاب النار ..
اللـهـم عامله بما انت اهله ولا تعامله بما هو اهله ..[/align]