غيرك متخرج له 10 سنوات ويتمنى الوظيفه لو هي تبعد 500 كلم
لذلك لاتحرمين نفسك منها
ممكن انك متردده من ناحية السكن
الافضل لك السكن في حفرالباطن لانها مدينه متوفر فيها كل الخدمات وتبعد ساعتين عن الهجره
والدوام في ام عشر او ساموده كلها سنه تمضي بسرعه وبعدها قدمي نقل للحفر وترتاحين
وبعدين الدوام في الهجر مهو مثل المدن بدري يعني يبداء من 9 او 10 ومافوق ويتغاضون عنكم
ونصيحه دعي السكن بحفرالباطن ولاتترددي كلها ساعتين مسافة الطريق
هذا اللي مو مخليني ارفض الوظيفة اختي 12 سنة ولاجتها وظيفة وغير الكثير اللي فوق 10 سنين ويتمنون الوظيفة
ع الاقل انا الحمدلله سنتين وجتني وظيفة مع اني خفت يوم شفت تعييني بالحفر الكل حمسني قالوا بيجيك نقل بسرعه فهيأت نفسي اني بكون بالحفر او السعيرة
بس يوم قلعوني بعيد انصدمت
تدري وش المشكله المشكله طال عمرك انه اثناء التسجيل بديوان الخدمه وكتابة الرغبة المكانيه تشاهد ان اكثر البنات يضعن الرغبه المكانيه في الهجر والقرى التابعه للمحافظه الفلانيه وهذا هو اكبر خطأ
طيب وش المشكله اذا البنت وضعت الرغبه المكانيه في حفر الباطن فقط
واذا كان هنالك اكثر من رغبه وتكون اجباريه اكرر اسم حفر الباطن والقيصومه فقط
لكن لا اضع الرغبه في قرى وهجر بعيده عن المدينه ثم اذا جاء تعيين البنت في قريه او هجره تبعد عن حفر الباطن 80 او 150 كيلو يبلشون فيها اهلها ويا اخواني الانثى ترى وضعها غير الرجل الانثى معرضه لأشياء كثيره لاتقولون الدنيا بخير ويوديها سواق خاص ولا ابوها ولا اخوها ولا زوجها
وماهي معقوله كل يوم امغط 80 ولا 150 كيلو وفوق ذلك الانسان معرض لكل شيء اثناء ذهابها عبر الطريق سواء حوادث ولا عواصف غباريه ولا امطار شديده ووالخ ..
ووحده من الثنتين لاثالث لهما
اما تكون وظيفه البنت في نفس المدينه ولا ... تجلس في بيتها ابرك لها بمليون مره من الوظيفه
اصلا من قال مسموح اكرر الرغبات او احذف اللي ابي مو بكيفي
اصلا ادخال الرغبات كان طريق الانترنت
والخيارات مرتبه ترتيب ابجدي
وكل اللي علي اسويه اعيد ترتيب الرغبات حسب مايناسبني بدون حذف اي رغبة
يعني لو شنو ماتقدر تحذف شيء
وهذي كانت الرغبة قبل الاخيرة
واضح وزارة التربية مانظرت للرغبات وحطتنا بكيفها
الله يوفقك ويحفظك أختي أنا أؤيد من نوه عليك بالسكن بمحافظة حفرالباطن حيث أنها محافظة مأهولة بالسكان وكذالك توافر السائقين إن شاء الله وتقدرين تجلسين في الويكند أي الخميس والجمعة في بعض الأسابيع وتريحين اما والله بالاماكن الثانيه لاتستطيعين وبالنسبة للمسافة والطريق ليس لديك حل سوا الصبر إذا أردت الوظيفة وترى التعب على السائق وأن شاء الله يكون الدوام مريح لك وبعد سنة تحاولين تنقلين والله ولي التوفيق
في محافظه تبعد عن سامودا تقريبا 80 كم اسمها قبه انا ما شفت احد من الاعضاء قال لك عليها
هذه المحافظه حلوة و مناسبه للسكن و هي في طور التطور ، و اهله طيبين و البيوت الموجوده لا يقل عن 200 بيت
مودتي
نبارك لك أختي التعيين ، وأحب أوضح للأخ أحمد . ماأدري ماذا يقصد بالبيوت الموجودة 200 بيت
إذا كان يقصد بيوت الإجار فهي أكثر وفيها شقق عزاب وعوائل ، أما إذا كان يقصد عدد بيوت ساكنيها فهذا غير صحيح ، فالبيوت تتجاوز عشرة آلاف بيت وأكثر وفيها جيمع الخدمات من أسواق وغيرها وجميع المرافق الحكومية موجودة .
وهناك معلمات يترردن يومياً من قبه إلى سامودة وساكنات بقبة .
أما سامودة فهي لابأس بها وعدد بيوتها يتجاوز 100 بيت
فيها مجمع ابتدائي ومتوسط وثانوي بنات .
وعدد طالباتها يتجاوز 100 طالبة . وفيها 12 فصل .
كما يوجد فيها مركز أمارة ومركز صحي ومركز شرطة .
ويوجد فيها بيوت للإيجار .
أما أم عشر الشرقية فيها ابتدائية بنات 6 فصول وعدد طالباتها 21 طالبة .
وأما أم عشر الغربية يوجد فيها ابتدائية بنات 3 فصول فقط وعدد طالباتها 9 طالبات فقط ويبعدن عن بعض أقل من كيلو
اولا مبروك الوظيفه اختي واذا تبين الرأي اقترح عليك اختي السكن بساموده والا قبه
اذا كنتي من اهل الحفر اسكني بالحفر اما اذا ماكنت كذلك ماراح تستفيدين كل شوي مشاوير مع الخطوط واذا تبين الخدمات تروحين للحفر وتقضين حاجتك اما دامك مانتي من اهل الحفر فالافضل عدم السكن فيها
الله يوفقك ويحفظك أختي أنا أؤيد من نوه عليك بالسكن بمحافظة حفرالباطن حيث أنها محافظة مأهولة بالسكان وكذالك توافر السائقين إن شاء الله وتقدرين تجلسين في الويكند أي الخميس والجمعة في بعض الأسابيع وتريحين اما والله بالاماكن الثانيه لاتستطيعين وبالنسبة للمسافة والطريق ليس لديك حل سوا الصبر إذا أردت الوظيفة وترى التعب على السائق وأن شاء الله يكون الدوام مريح لك وبعد سنة تحاولين تنقلين والله ولي التوفيق
نبارك لك أختي التعيين ، وأحب أوضح للأخ أحمد . ماأدري ماذا يقصد بالبيوت الموجودة 200 بيت
إذا كان يقصد بيوت الإجار فهي أكثر وفيها شقق عزاب وعوائل ، أما إذا كان يقصد عدد بيوت ساكنيها فهذا غير صحيح ، فالبيوت تتجاوز عشرة آلاف بيت وأكثر وفيها جيمع الخدمات من أسواق وغيرها وجميع المرافق الحكومية موجودة .
وهناك معلمات يترردن يومياً من قبه إلى سامودة وساكنات بقبة .
أما سامودة فهي لابأس بها وعدد بيوتها يتجاوز 100 بيت
فيها مجمع ابتدائي ومتوسط وثانوي بنات .
وعدد طالباتها يتجاوز 100 طالبة . وفيها 12 فصل .
كما يوجد فيها مركز أمارة ومركز صحي ومركز شرطة .
ويوجد فيها بيوت للإيجار .
أما أم عشر الشرقية فيها ابتدائية بنات 6 فصول وعدد طالباتها 21 طالبة .
وأما أم عشر الغربية يوجد فيها ابتدائية بنات 3 فصول فقط وعدد طالباتها 9 طالبات فقط ويبعدن عن بعض أقل من كيلو
شكرا لك الله يعطيك العافية
زودتني باغلب الاسئلة اللي كنت محتاجه اجابتها
يعني على كذا بتعيين بسامودة لان توجيهي متوسط وثانوي
يعني استبعد ام عشر من بالي
بما انك عارف المدارس
هل سامودة فيها مدرسة ثانوي بنين لان الحل المطروح عند اهلي اني اخذ اخوي معاي وهو طالب بالثانوي طبعا هو رافض لازات محاولة الاقناع فيه جاريه