ساعدوني جزاكم الله خير وفكوني من هالمعاناة!

[Just Dream]

*أتمنى من الأخوان المشرفين نقل الموضوع للقسم المناسب إذا كان القسم خاطىء.

السلام عليكم ورحمة الله وبركاتة ..

إخواني أنا عمري 17 سنة .. وقدر علي رب العالمين أن أصاب بحساسية الجيوب الأنفية ..
رحت لمستشفى الملك خالد وملتزم بالمواعيد معهم ورغم كل هالمواعيد ما حسيت بأي تحسن ملحوظ ..

والله يا إخوان إني أعاني من سنتين تقريبًا .. الواحد تجيه زكمة أسبوع بس يكره حياته .. فما بالكم باللي خشمه منسد تقريباً من سنتين .. ناهيكم عن أعراض حساسية الجيوب الأنفية، صداع، ضيق تنفس، خمول وكسل ..

فإقترح أحد الأقرباء جزاه الله خير إني أعالج في مستشفى خصوصي لكن المشكلة المستشفيات الخاصة كثيرة وما أعرف وش أفضلها خصوصًا أبي مستشفى مضمون يقدر يفيدني بخصوص حالتي تحديداً ولو ذكرتوا الرسوم بكون شاكر لكم ..

لأني من أهل الأحساء وطول عمري ما عالجت بمستشفى خصوصي لجودة مستشفيات الأحساء الله يحفظها ..

ومشكورين ما قصرتوا مقدماً و "من فرج على أخيه كربةً من كرب الدنيا فرج الله عليه كربة من كرب يوم القيامة".

[أبو راشد]

الله يشفيك ويطول بعمرك على طاعته
اخوي الجيوب الانفيه الان مع والدي ومع ولد عم لي
سواها والدي اكثر من 5 مرات ماتفيد بترجع لك وواحد منها في مستشفى الحبيب الطبي في الرياض فرع العليا قبل سنتين
وولد عم لي يسويها بشكل دوري كل سنه او سنه ونص في مستشفى خاص نور خان وفي احد المرات انا معه دخل معي وطلع معي و تخديرها موضعي وتكلفتها بسيطه ماتتعدا 1500 ريال تقريبا
هي لحيمات مسكره خشمك يقصونها ولاتاخذ نص ساعه الى 45 دقيقه والله يشفيك ولايضر مسلم

[Just Dream]

ربي يجزاك خير أخوي على المرور والأفادة والله يبيض وجهك على هالدعوة ..

حالة أقاربك الله يحفظهم ويشفيهم واضح إنهم يعانون من إنحراف في الأنف "في داخل الأنف مو بالشكل الخارجي طبعاً".. أو يعانون من "لحمية" .. وأنا الحمدلله كشفت عند الدكتور أكثر من 4 مرات وكل موعد يكشف علي والحمدلله يقول أنت ما تعاني من إنحراف أو لحمية .. والحمدلله حتى صوتي واضح ومخارج الحروف واضحة ..

بس الغريب ياخوي إني من أصبت فيها أنفي منسد ما فتح أبد إلا شوي أحياناً ويرجع زي ما كان ..

[عبدالله الفهد]

الله يشفيك ويعافيك


فيه دكتور بالرياض اسمه حرب الهرفي بإذن الله الحل عنده بعد رب العالمين


ابحث عنه بقوقل وكلمهم وبتجد العلاج ان شاء الله

[Just Dream]

جزاك الله خيرأخوي عبدالله على مرورك العطر ..

لكن يبدو إن الدكتور متخصص في الربو .. وأنا اعاني من الجيوب الأنفية ..

أيضاً ماشاء الله الرجال معروف عند الناس وعليه ضغط .. ووقتي ضيق والله لأن وراي روحه للأحساء لإكمال الدراسة فيها ..

لذلك بغيت مستشفى خاص كويس ويكون قريب .. وكما ذكرت سابقاً أن حالتي بإذن الله ما هي صعبة مرة لأنه إنسداد دائم فقط ولم يذكر لي الدكتور المختص أن حالتي خطرة لا قدر الله ..

[سفير الصمان]

اخي شوف الدكتور صادق عند الحجيلان ممتاز
وبذن الله تحسن حالتك

[Just Dream]

مشكور أخوي ع المرور العطر

بخصوص الدكتور هل عالجت عنده أخي وأيش نوع الحالات اللي عالجها وكيف النتائج ؟
ماني عارف كيف أراسلك ع الخاص مع الأسف :)

[برررد الشمال]

حياك الله اخوي
أسأل الله لك الشفاء العاجل بإذن الله. .
بالنسبة للجيوب الأنفيه أعرف أحد الزملاء لي كانت مشكلته الرئيسيه الشاي والقهوة ف كان يتحسس منهم بشكل رئيسي
فلعل الأمر يكون تحسس من اكله او شراب معين بغض النظر عن العلاج. .

هل أنت من مدمني الشاي والقهوه؟؟
جرب تمتنع منهم أسبوع ولاحظ الفرق ان شاء الله

[تركي الوايلي]

اقتباس: المشاركة الأصلية كتبت بواسطة Just Dream    *أتمنى من الأخوان المشرفين نقل الموضوع للقسم المناسب إذا كان القسم خاطىء. السلام عليكم ورحمة الله وبركاتة .. إخواني أنا عمري 17 سنة .. وقدر علي رب العالمين أن أصاب بحساسية الجيوب الأنفية .. رحت لمستشفى الملك خالد وملتزم بالمواعيد معهم ورغم كل هالمواعيد ما حسيت بأي تحسن ملحوظ .. والله يا إخوان إني أعاني من سنتين تقريبًا .. الواحد تجيه زكمة أسبوع بس يكره حياته .. فما بالكم باللي خشمه منسد تقريباً من سنتين .. ناهيكم عن أعراض حساسية الجيوب الأنفية، صداع، ضيق تنفس، خمول وكسل .. فإقترح أحد الأقرباء جزاه الله خير إني أعالج في مستشفى خصوصي لكن المشكلة المستشفيات الخاصة كثيرة وما أعرف وش أفضلها خصوصًا أبي مستشفى مضمون يقدر يفيدني بخصوص حالتي تحديداً ولو ذكرتوا الرسوم بكون شاكر لكم .. لأني من أهل الأحساء وطول عمري ما عالجت بمستشفى خصوصي لجودة مستشفيات الأحساء الله يحفظها .. ومشكورين ما قصرتوا مقدماً و "من فرج على أخيه كربةً من كرب الدنيا فرج الله عليه كربة من كرب يوم القيامة".

وعليكم السلام ورحمة الله وبركاته
حياك الله وبياك اخي الكريم

انا لست طبيب ولكن حبيت افيدك بما اعرفه وبحكم اقامتي سابقاً بالاحساء
حساسية الجيوب الأنفية هذه اسبابها الاجواء بشكل رئيسي
مع العلم ان نسبة عالية جداً من اهالي المنطقة الشرقية يعانون من حساسية الجيوب الأنفية
وذلك بسبب تلوث اجوائها ولاتنسى ان المنطقة الشرقية منطقة بترولية
هذه المشتقات البترولية العالقة بأجواء المنطقة الشرقية سبب رئيسي
لأصابة الانسان بحساسية الجيوب الانفية ويكون ذلك مع المدى المتوسط والبعيد
ايضاً العواصف الرملية والعوالق الترابية سبب ثاني للاصابة بحساسية الجيوب الانفية
اكثر الاصدقاء والاقارب اللي اعرفهم شخصياً مصابين بحساسية الجيوب الانفية
وعلى الرغم من ذهابهم لأغلب المستشفيات والفحص عند افضل الاطباء
الا انهم لم يجدوا حل جذري للقضاء على حساسية الجيوب الانفية
لكن بما انك سألت عن افضل المستشفيات الخاصة بمدينة الاحساء
سوف اخبرك بذلك
عندك مستشفى الاحساء موقعة قبال محطة سكة الحديد
هذا المستشفى جيد وبه اطباء ذو كفائة عالية

عندك مستشفى الموسى على طريق الظهران
بالقرب من مستشفى سعود بن جلوي هذا طيب وبه اطباء ذو كفائة عالية

عندك مستشفى المانع ايضاً مشهود له بكفائة الاطباء

ايضاً عندك مستشفى الجبر الحكومي المتخصص
للعيون والأنف والأذن والحنجرة به اطباء ذو كفائة عالية

لكن انا انصحك بثلاث مستشفيات جيدة
وهي مستشفى الاحساء الي قبال القطار
مستشفى الموسى على طريق الاحساء الظهران
مستشفى الجبر للعيون والأنف والأذن والحنجرة
وبالتوفيق وماتشوف شر

[بـيلــسآن]

أسأل الله العلي العظيم أن يشافيك