............ .......أشتاق لك..........................
--------------------------------------------------------------------------------
اشتاق لك شوق المطر للدعاثير
شوق غريب ماتشيله شفاتي
شوق المطايا لي اتبعت حادي العير
ومثله اتغنى في المسا والغداتي
شوق النسايم حين تصدح مع الطير
وتاخذ شذاها من عذيب النباتي
شوق المحاره لي اسكنت باطن الهير
وادعت غواويص البحر بمحاولاتي
شوق الحطب للنار وقت لعصير
والبن يسري وسط ريحة حلاتي
وماترحل البسمه واتحل واطير
وتحمل بشاير ع جميع الشفاتي
وماخر راكع واعتزل راهب الدير
واختار يخشع في لجيج الصلاتي
وما تلف دنيا ابنايبات المقادير
وما توسدت لقبور صم الحصاتي
وما هزهزت لغصان لله تقدير
وماتشخص الأبصار حزة وفاتي
اشتاق لك كلمه ماتحسها مع الغير
ياغير فيني وفي عروقي وذاتي
والعمر دونك ما يجي بغايته خير
ودونك حبيبي ينحسب من حياتي
دمتِ بخير