لو كنت تدري وش يسوي غيابك
والله ولاغبت يااغلى الناس عن عيني
لو ماصابني من هالغلى صابك
اقسم بربي ثواني ماتخليني
لو تدري بلهفة عيوني على بابك
كان تعرف وش بلاي ووش معنيني
كم تسهر اهدابي الله يحفظ اهدابك
كم تلهب الناروالشوق بشراييني
لو تدري بشي اشعر به من اسبابك
تصدق اني اسولف بيني وبيني
تصدق اني اذا ابي اسولف ابدابك
كل السوالف لدرب اسمك توديني
تصدق اني اموتك موت واحيابك
تخيل احياك واحيابك وتنهيني
اغار من عطرك ومن لهفة ثيابك
ويغار قلبي من مصافحك ليديني
لاصرت تدري وش يسوي بي غيابك
انا دخيلك دخيلك لاتخليني