لـــــيــه يـــايــــمــه رغـــم هـــــجــــره مـــاقــــدرت انــــي أبــيـــعـــه !!

[تسواهن]

بدون مقـــــدمـــــات اقروا معاي ..


ليه يتركني ومايقبل الحب الأصيل ومايطيعه
............................. وليه بالله يكسر مابنيته و ليه بعناده يهدمه

كيف انا اشوف الربيع بعيونه وكل الطبيعه
.......................... وهو الجفاف القاسي للأسف في طبعه سمه

كيف في لحظه صار صيفي ودفا كل الوسيعه
......................... رغم البرود اللي في قلبه والمتاهات المظلمه

كيف يملك كل وصلي وهو يواصل بالقطيعه
........................ والغريب ان المشاعر والمحبه كلها مستسلمه

ليه يايمه رغم هجره ماقدرت اني أبيعه
........................... وليه رغم انه متعبني بطيب خاطر أخدمه

ليه غلطاته يبررها ويلقى للخطا دايم ذريعه
........................ واسهل الغلطات سجنه للحبيب وقيد لمعصمه

ياقسوة الغلطات لا صارت من الغالي فضيعه
........................... وياغلطة القاسي يوم يتناسى حبيبه ويظلمه

ادري انخدعت بضحكته وابتساماته الوسيعه
......................... مادريت الحكايه تبتدي او تنتهي من مبسمه

آه ياكبرها الصدمه علي ... آه ياكبر الفجيعه
...................... ما قدر قلبي يتحمل كل همي ولا اظن بيهزمه

يالله اني طالبه رحمتك في ظل الشريعه
...........................و يالطيف الطف بلطفك ياعساني ما اعدمه


نقـــــلتها لاني اعرف سمو ذوقكم بالشعـــــر ..