صور الفقع بحفر الباطن حصريء من تركي الوايلي

[تركي الوايلي]

اقتباس: المشاركة الأصلية كتبت بواسطة نبض القلم    هلا ابو نواف تسلم يمينك على الصور وتاكله بالعافية انا ماني عازم نفسي معك لانه يادوب يكفيك هههههههههههههههههههه وان شاء الله الطلعة القادمة تحمل خيشة ياكريم شكرا لك على تحديد الموقع والصور اشوفكم اليوم مو متابع للاجواء من بدري اثرك يابعدي طالع للبر هههههههههه الحمد لله على السلامة

هلابك والله اخوي وحبيب قلبي نبض القلم الله يعافيك يارب وان شاء الله الطلعه الثانيه نجيب خياش فقع

وبالنسبه للاجواء والتوقعات بالعكس والله متابع التوقعات من يوم الاربعاء وكنت متوقع ان اليوم السبت تهطل امطار وخاصه على جنوب حفر الباطن والحمد لله صدقت التوقعات وكنت متواجد لهذا اليوم جنوب غرب حفر الباطن وكانت الامطار طيبه ولله الحمد ومن الساعه 12 الظهر وانا متواجد بالفاو الشمالي الين المغرب وهي تمطر بشكل خفيف ومتقطع والحمد لله لتعمق الغيوم ونشاط الغيوم اتجهت الامطار على حفر الباطن وخاصه وسط وجنوب حفر الباطن ووصولا الى القيصومه وكلما اتجهنا شرقاً نواحي الصداوي والرقعي

هذا والله اعلم

واشكرك حبيبي على المشاركه الجميله

[تركي الوايلي]

اقتباس: المشاركة الأصلية كتبت بواسطة حفراوي 25    ماشاء الله اللهم زد وبارك وبالعافيه يالوايلي

يعافيك ربي ياغالي شكرا لمرورك الكريم

[تركي الوايلي]

اقتباس: المشاركة الأصلية كتبت بواسطة ™آآآلــــوآآفــي™    ماشاء الله تبارك الله وين حصلت الفقع فيه اخوي تركي هل على طريق الشمال بالفاو او وين .. رحله جميله تحيآآتي

هلابك اخوي الوااافي وحياك الله على المشاركه الطيبه

وابشر بعزك ياغالي ماطلبت شيء

المكان طال عمرك

داخل شبك الامير مشعل من جهة الفاو الشمالي

والمكان طال عمرك بوصفه لك

اذا طلعت من حفر الباطن بمسافه 6 كيلو تقريباً وانت رايح شمال على طريق رفحا تحصل لوحه ارشاديه مكتوب الفاو الشمالي يسار انت اطلع مع هذا الطريق الين توصل للهجره وهي بمسافه 22 كيلو بالضبط قبل الهجره انزل يسار الطريق تحصل عقم ترابي خل العقم على يدك اليمين وامش بالسياره طال عمرك الين يصير العقم امامك ويوقفك بهذه المنطقه حصلنا الفقع

ان شاء الله اني وفقت بالشرح لك

لك جزيل الشكر على المرور الطيب

[كبرتني ياهم]

ماشاااااااااااااااااء الله تبارك الرحمن

[نواف التويجري]

اي والله ياتركي تابع لنا لاني بصراحة مو مجاملة اشوفك متابع غير طبيعي اللهم لاحسد ومتابعتك اكثر من ممتازة وارتاح لما اشوفك تتابع الاقمار الصناعية بدقة وكل ماكتبت شيء عن التوقعات ارسلتها لربعي واخواني في الرياض واكتب تحتها متابع الاقمار الصناعية تركي الوايلي
الله يزيدك نشاط انت مكسب لهذا المنتدى الغالي ولاهان الزملاء البقية
دمت بود
وعسى الله يحفظك ويوفقك وين ما وجهت

[ناجي الحفراااوي]

ما شاء الله بشرى جميله


وصور رائعه ياتركي

وان شاء الله اخر الاسبوع هناك

هذا ان حصلت شي

شكراً لك على التقرير والصور.

[تركي الوايلي]

اقتباس: المشاركة الأصلية كتبت بواسطة نبض القلم    اي والله ياتركي تابع لنا لاني بصراحة مو مجاملة اشوفك متابع غير طبيعي اللهم لاحسد ومتابعتك اكثر من ممتازة وارتاح لما اشوفك تتابع الاقمار الصناعية بدقة وكل ماكتبت شيء عن التوقعات ارسلتها لربعي واخواني في الرياض واكتب تحتها متابع الاقمار الصناعية تركي الوايلي الله يزيدك نشاط انت مكسب لهذا المنتدى الغالي ولاهان الزملاء البقية دمت بود وعسى الله يحفظك ويوفقك وين ما وجهت

تسلم اخوي نبض القلم وهذا من طيبك ياغالي وحسن أخلاقك الجميله انت عزيز وغالي يعلم الله بدون مجامله

وان شاء الله متابعين للاحوال الجويه والاقمار الصناعيه والتنبؤات واي جديد سوف نضعه لكم هنا بمنتدى عاصمة الربيع أول بأول ولكن في بعض الاحيان الظروف تجبرني بعدم الدخول في بعض الاحيان لكثرة الاشغال لدي

عموماً الاجواء لهذه الليله وحتى صباح الغد الاحد بمشيئه الله تعالى فرصه لهطول امطار خفيفه متفرقه على ضواحي حفر الباطن ولايستبعد هطول امطار خفيفه على المحافظه لهذه الليله وحتى صباح غداً

ولكن كلما اتجهنا جنوب حفر الباطن نواحي الفاو الشمالي وغرب حفر الباطن الفرصه وارده بشكل اكبر لهطول امطار رعديه وخاصه على ساموده وام عشر هذا والله اعلم

وهذه صوره رصدتها لك الان وهي عاصفه رعديه خفيفه تبعد عن حفر الباطن بمسافه 200 كيلو غرب

وهي بشكل اوضح على لينه وهي ان شاء الله تعالى سوف تضرب الشعبه شرق رفحا ومن ثم الى الحدود السعوديه العراقيه خلال الساعات القادمه والله اعلم

[تركي الوايلي]

اقتباس: المشاركة الأصلية كتبت بواسطة ناجي الحفراااوي    ما شاء الله بشرى جميله وصور رائعه ياتركي وان شاء الله اخر الاسبوع هناك هذا ان حصلت شي شكراً لك على التقرير والصور.

هلا والله ناجي الحفراااوي وحياك الله وان شاء الله راح تحصل وتبشرنا مع تغطيه مصوره جميله

شكرا لك وتمنياتي لك رحله واجواء ممتعه تقضيها في ربوع حفر الباطن

[تركي الوايلي]

انا مستغرب وفاقد الاخ الرادار وينه يشوف الفقع وحصري من يد تركي الوايلي

والله اني وضعت صور الفقع علشان يشوفها اخوي الرادار ويستمتع بها

[ابــ عــبادي ـو]

ماشاء الله
ماقصرت اخوي ابونواف
على الوصف وتاكل بالعافيه