مناسبة القصيده /// جاني واحد من الشباب وبلاني بلوه بقصيده كوميديه فيها معاناه من الحب
يعني على قولتهم (( مزح برزح))
المهم بلاني بلوه يبيني ارد عليه مع اني ما افضل النوع هذا من القصيد:
تقبلوها واعذروني من القصور[poem=font="Simplified Arabic,4,darkblue,bold,normal" bkcolor="transparent" bkimage="backgrounds/23.gif" border="double,6,darkblue" type=0 line=0 align=center use=sp num="0,black"]
الوفى كذبة سلام امريكا في حرب العراق=حال بنت ٍ جامعيه بين ربات البيوت
والخيانه شي عادي تبتدي عند اختلاق=قلب صافي بالمحبه والعواذل ماتموت
يعني لاجيت اتغزل احسب حساب الفراق=وقل لها يانص قلبي وكمل الباقي بخفوت
وان درت عنك البنيه حول الوضع لعناق=واضعف الايمان انك تتخذ وضع السكوت
وانت تحسب للمقدم والمؤخر والصداق=وتجهل انك تبني بيت ٍ من خيوط العنكبوت
لين شفت الوقت ولى وابتدى عصر السباق=والمحبه في زمنا تنلعب لعب البلوت
والطراق ان جاك طاق رده بألفين طاق=ان كفت والا يكرر للطفوق وللفلوت
لعبة اطفال المحبه دون شارع او زقاق=صارت اشبه بالاتاري وشابهة مسك الريموت
فيه احبك رقم واحد والثلاثه اشتياق=والثنين الله اعلم انها فيكم اموت
صفقو للجيل هذا واجمعو بالأتفاق=ان ما بالوقت هذا مثل حب عقاب نوت[/poem]