الى ادارة المرور امس شفت منظر غريب على الشارع العام

[حفراوي2010]

أمس وانا ماشي مع الشارع العام شفت زحمة شديدة للسيارة اخذه نص الشارع قدام ستي ماكس يعني تتفاجئ السيارات قدامك لولا الله ستر كان صدمت اللي قدامي. ياليت المرور يمر على ستي ماكس ويشوف التجاوزات خاصة في العصر.

[ح ـفراوي]

لاحظنا امس تواجد الدوريه أمام سيتي ماكس

كان أمس جميع مداخل الأسواق زحمه
وعدد من مسيراات الزواج .. وعدت على خير
يشكرون مرور حفر الباطن .. والمرور السري

ٍٍٍٍٍٍٍٍٍٍٍٍٍ

[♥ כـِـِـِّلـِـِم ♥]

كلامك صحيح اخوي حفراوي

مركز ستي ماكس اوقات العصر والمساء عنده زحمه غير طبيعيه وبعض السيارات عندما تصفط

تحاول تاخذ نص الشارع والمشكله انه شارع رئيسي ويقع المركز امام ادارة المرور ..

سؤال يطرح نفسه


اين دوريات المرور وقت الخميس والجمعه ؟

[حفراوي بطناوي]

يا اخي الكريم هذا واقعنا للأسف الشديد

القياده عندنا مستفزه وفيها من التخلف الشيئ الكثير

والملاحظه اللي ذكرتها ماهي الا جزء من واقع مرير

الناس ماهي فاضيه توقف بعيد عن المكان المذكور وتنزل تحرك رجليها

حتى لو كانت المسافه عدة امتار

خذ عندك كمثال التوقف امام الأشاره وهذا الأختراع المذهل لايوجد الا بالسعوديه

الأختناقات المروريه بسبب العشوائيه لدى السائقين

واعتبارها نوعاً من المفهومية والشطارة والذكاء

عدم احترام اللوحات المروريه

وغيرها من المصائب الله يصلح الحال

[محمدالجرمان]

اقتباس: المشاركة الأصلية كتبت بواسطة حفراوي2010    أمس وانا ماشي مع الشارع العام شفت زحمة شديدة للسيارة اخذه نص الشارع قدام ستي ماكس يعني تتفاجئ السيارات قدامك لولا الله ستر كان صدمت اللي قدامي. ياليت المرور يمر على ستي ماكس ويشوف التجاوزات خاصة في العصر.

ابشرك اليوم متواجدين الف شكر لهم للاستجابة

[الشيخ رومل]

صحيح

اليوم العصر شفت الزحمة لاكن عندهم دورية تمشي السيارات المصفطة غلط وتسبب الزحمة

[Mr.Al-Harbi]

كلام سليم والطامه الكبرى والله يا ناس اليوم

وقفت عند اشارة الحويلا ! وجا ابو هناد من اخر شي لين وقف على اليمين

شوف وين وصل التخلف !

[المونديالي18]

[align=center]شكرا لك على المعلومة الممتازة منك،،،

أعتدنا كل يوم على مثل هذه المناظر المخجله بالرغم من توافر أماكن مخصصة لوقوف السيارات
وحفاظا على أرواح المواطنين
شيء طبيعي وغير مستغرب في ظل غياب ونوم إدارة المرور في سباتها العميق
ليس فقط سيتي ماكس
بل فيه محلات بندر أيو خمسة مقابل الشرطة
وكذلك بشطات الخضرة القريبة من محطة الخدمة على طريق الامير سلطان بن عبدالعزيز بحي الربوة[/align]

[الوافي2009]

أقولك شي مع احترامي للمرور معندك أحد تدري ليش حسب النفسية يوم شدون الحيل و(29يوم) فلتينها يارجل مرة عند اشارة العقرية بعد صلاة المغرب قطع راعي ددسن غمرتين الإشارة إلا المرور اسري وراه وشغل اليزر وكبس وبعدين وقف راعي الددسن يمين قلة يبي يوديه للحجز غير القسيمة فجأة صار يعرف المذكور وقاله الله يستر عليك تدرون ليش أقول ليش لأنه من جماعته حرام يعطيه قسيمة ويفضحه عند الجماعة والله حراو أم الضعيف ياويله نطبق النظام بحذافيرة كيف تبي الحفر يتقدم والعنصرية القبلية العميى موجودة للأسف مافيه أمل .أ