مساءكم خير
عندما يصدر القدر حكمه بتفريق المحبين
لا نجد غير الأمنيات لمن أحببناهم حب صادق نقي شريف
بالسعاده مع غيرنا... وكل شخص له نصيبه بهذه الدنيااا
وهذا نصيبي ... وهذا قدري مع من أحببت
قصيده كتبتها بوجع ليلة عيد... فالأوجاع بقلبي متتاليه
ولكن يبقى هذا العيد غير بوجودها قربي ....
لكم ولها هذه المتواضعه ؛؛؛؛؛؛؛؛؛؛؛؛؛
القلب لو أنه يفضفض عن الحال
............. يرتاح ويشــــفي ياحياتي غليله
من كثر ماأحبك وقلبي على الفال
............. أنك تجين ونبـــــــــض قلبك دليله
في زحمة الدنيا على كثر الاهوال
............ماسافرت عينك عن العين ليله
سنه وثلاث اشهور والدمع همال
............... والعيد عقب العيدماهي قليله
سنه وثلاث اشهور حل وترحال
..........والضيقه تصفق في الضلوع النحيله
سنه وثلاث اشهور همن وغربال
..............والشوق ولع وسط جوفي فيتيله
سنه وثلاث اشهور والوصل ماحال
.............. وكل السولف في المحبه اتحكيله
غيبه طويله والصبر تعب البال
.................غيبه طويله والقهر هد حيله
غيبه بعدها القلب وقف ولا مال
.................والنفس من عقب المفارق ثقيله
واليوم ثالث عيد قرب ولازال
..............من بعد شهر الصوم وهمي أشيله
وشلون أعايد والحزن شل الأمال
................. وشلون أعايد والحبيبه حليله
في بيت من هو يقولون رجال
..................ماهو بكفواً ياصلك يالكحيله
وشلون قولي وقلبي على الجال
.............. يصلي هشيم النار ويصلي مخيله
حكم القدر زود على روحي أثقال
...................حسره والم واوجاع قلبي قبيله
مؤمن وقلبي ممتلي ايمان وأمال
..................... والهم لو هو طال ربي يزيله
لكن حقيقه اقولها والحق ينقال
.................. كل عــــــام وأنتي بخير وفضيله
والعيد فيك بفرحته حيل يختال
...................عيدك تبارك يالرموش الضليله
0
0
0
0
ســــــلامتكم
سعود الصعيري
حكم القــــــــدر
العرض العادي
