عطرك الفرنسي الماركة والمميز ب30 ريال فقط قريباً بحفر الباطن ومفاجأت أخرى لاتتردد !!!

[شيخ العطارين]

اولاً يالساهر قل خيراً أو اصمت.

ثانياً المنتدى يعرف مصلحته جيداً.

وثالثاً ماحنا في بنقلاديش نحن هنا في السعودية يبدو انك ماسمعت عن الهيئة السعودية للمواصفات والمقاييس والجودة يعني مايدخل اي شيء للسعودية الا لازم يمر عليهم الا اذا انت تشك في ذلك شيء ثاني..ولو حتى دخلت بعض المواد بطرق غير شرعيه مستحيل تباع في المحلات الا بالدس واتمنى لو كنت افردت موضوع خاص للتنبيه عن بعض المواد الغير مأمونه بعيداً عن موضوعي لكي احسن فيك الظن وشكراً ...

[شيخ العطارين]

عزيزي سعود لا يوجد محل ولكن يوجد مندوب يوفر لك المطلوب وانوه اذا تنم افتتاح محل سيكون الاعلان عنه في احدى بنرات المنتدى

[عيون سيف]

بالتوفيق ان شاء الله
we are waiting the opening
عيـــــــــون سيف

[شيخ العطارين]

شكرا لك عيون سيف وكان ودي لو كان ردك بالعربي

[cataloni]

هلا حبيبي ما عندكم 15 ملي بـ 15 ريال ..؟

[أسير العنزي]

[align=center][glow1=000066]][`~*¤!||!¤*~`][مرحبا اخوي شيخ العطارين ][`~*¤!||!¤*~`][[/glow1]

[glow1=FF0000]اتمنى لو تعلن افتتاح محلك في هذا المنتدى


وحنا زملاء نسويلك دعايا


في حفر الباطن


بس لازم تسويلنا ديسكاون


حنا حقين المنتدى


يعني بس يجي الواحد محلك ان شاء الله


بس يقول انا من منتديات حفر الباطن


وتسون له تخفيض دايركت


اوكي اخوي شيخ العطارين


تحياتي لك


وننتظر اعلانك بكل حماس


وبالتوفيق [/glow1][/align]

[ban444]

بسم الله الرحمن الرحيم ...

أولا : مانبي نقطع رزق أحد
ثانيآ : بحكيلكم قصة هذي العطور من البدايه .........( مصدر العطور من دبي منطقة علي هي مقلده وليسة الاصليه كما يشاع عنها ونا اتحدا اي شخص يقول هذي العطور اصليه تعرفة عليها قبل اكثر من سنه في دبي لقية ناس يشترونها قلة ياولد جرب اشتري وبيع كيف طريقة المشترى؟ بالكيلو يعني تقول عطني عطر مثل استلا مكارتي كيلو ولا اثنين بكيفك وخذ معه محلول زي المويه وخلطها بقدر معين وبيع. لا تقولي ياصاحب الموضوع مقايس ومدري وش والله مافيه هذا الكلام ونها تدخل مع الحدود سلام سلام ونا ادرى بالشي ذا . اكمل بتقولون كيف البيع والله كدينا خير والحمدلله كلا هذا قبل سنه رحة المعيقليه بالرياض والله ولقى اليمنين ابو يمن يبيعون فيه بيع ياولد طاحوا فيها اي عطر فقط 10 ريال ونفس الطريقه في دبي بس زادو حاجه بسيطه في المبلغ بالكيلو .ولقية العود الصناعي وفيه نوع ثاني نسية اسمه والخمريات والجل ومدري وش كلها موجوده ولا يبيلها شيء فقط خذ الماده مثل الخمريات وحط عليه اي ريحه عطر تبيها وفيه ماده ملونه تعطي الوان ( من واقع خبره اتكلم اخلط وعب في علب والرزق على الله) المهم بختم القصه بالنقاط التاليه:
1_ جميع العطور غير صحيه وتحدى اي شخص يبيعها يقول انها مصرحه من الصحه. والدليل بعتها لواحد وثاني يوم هو وبنته في المستشفى حالة ربو والله يشهد بذالك.
2_ استخدمو هذي العطور وبعد فتره ارجع للعطور الاصليه الماركاة وش الفرق بنفسك
3_ خذ العطر وحط منه شوي على قطعة قماش او بلايتيك ورجعله بعد كم يوم وشف والله يذوبه كنه محترق بنار
4_ المحلول الي زي الماء صبه على طرف الاصبع يبرد اصبعك كنه غاز ولاعه
5_ انا بعتها وظرتني وظرة عيالي بعد انواع الحساسيه والجيوب الانفيه مدهوره الين تركتها وطلعتها من بيتي
خلاصة الموضوع ( لايمكن شركات عالميه تنزل عطر بسهوله هذي الشركه تركب العطر وفق معايرصحيه مناسبه للبشر غير مضره واقسم بالله مع الوقت لتلاحظون مصداقية ما كتبتة)
ارجع وقول الله يرزق راعي العطور لا كن ماهوا على حساب صحة الناس
وشكرآ لكم واتمنى عدم الزعل وتقبل كلماتي بصدر رحب
اخوك المخلص المحب

[شيخ العطارين]

اولاً يابن 3 اربعات كماهو مبين من اسمك المستعار انت ماعندك سالفه ونيتك... ؟ يعني الله يخلف

وثانياً انت وامثالك اذا بغيتوا تحذرون وتنوهون استقل بصفحه خاصه بك واكتب فيها مايحلو لك لتبين حسن نيتك وادارة المنتدى تسعد كثيرا بالمواضيع الهادفة . ولا تقترب من صفحتي التي وهبتني اياها ادارة المنتدى وهذه الصفحه ملكي بشرط ان لا اتجاوز صلاحية وشروط ادارة المنتدى رجاء اتركوا الحسد لكي تمطروا وترفع عنكم الغمه والغبار.

وثالثاً انت والله ماصدقت انها من دبي وهي تستورد مباشرة من فرنسا الى السعودية واليك بعض اسماء المستوردين المعتمدين : الخنيزان - الصوع - احلى الرياض -اروع - زماني وغيرهم كثير أما اذا انت كنت طايحلك بناس تلعب عليك هذي مشكلتك وحدك ولا تشرك احد معك.

ورابعاً الناس تعرف مصلحتها زين. وياليتك تحط طاقتك بالناس اللي تضر الناس من صحيح .

وشكراً لا ادارة المنتدى على ماتقدمه من جهد على نجاحنا

[شيخ العطارين]

اذا وفقني الله يا اسير العنزي وافتتحت المحل فلن استغني عن الدعاية بمنتديات حفر الباطن

وابشر والله بالديسكاون واللي يطيب خاطرك انت وجميع الاعضاء تستاهلون


تحياتي لك يالعنزي

[ban444]

بسم الله نبدأ ........... اسمي المستعار عباره عن احرف وارقام ما ادري كيف استنتجة انه ماعندي سالفه يمكن الحاسه العشر طعش!!!!!!!!!!
ثانيأ : التحذير لنا فيه قصدشريف انا وامثالي على قولك يابطل وهو صحة الناس حياة بشر تفهم وش معنى حياة بشر تخيل تعيش على ادوية الحساسيه كلارا وعيناتها . مافيه شيء اثبت انها غير مضره وأنا اثبت انها مضره واثبت انها غير اصليه ياخي يعقل شركه عالميه تنتج عطر بالقيمه الفلانيه الي يمكن فيه طبقه ما تقدر تشتريه تنزل عطر يبيعه شيخ العطارين ب30ريال !!!
الحسد اعوذ بالله من الحسد انا اشتغلت قبلك فيها وابدعت فيها وتركتها للضرر للضرر للضررالى تسببه تلك العطور المظروبه.
ثالثأ : المستوردين يستوردون من فرنسا لسعوديه يا شيخ بعض عطورك الماركات مصدرها البحرين الشيخ وغيره وبعضها مصدرها من الامارات ومن دول اخر يعني ليس محتكرها على فرنسا(هذي معلومه )بالله يا ناس وجوه قزاز درعه اجمل محمود سعيد وغيره من وكالات العطور وش دورها وش موقفها من الشركه الي تصدر لشيخ العطارين وعلى قولك يابطل الخنيزان والصوع..... زماني كله اسماء بسيطه لمحلات لبيع العطور في المعيقليه يديرها افراد يمنين الجنسيه ولا عندهم سالفه مصدرهم دبي وشعارات الى على العلب حقتهم والله انه تعمل في شركه لطباعه وانا كنت اتعامل مع الشركه في الرياض اي اسم تبيه يزينونه لك في الرياض والله ناسي كم سعرهم ولا كان اقولك تزيلك اسم . على العموم حبيبي انشاءالله اني مااحسدك او احسد غيرك . ونا قلت جربو العطور على قماش اسكب شوي وشف النتيجه بعينك والله العظيم وقسم بالله انه انكب على علبة فازلين وكلكم تعرفونها وانه ذوب العلبه ماحبية اذكر السالفه الى عشان ردك الحلو .
شيخ العطارين ......... انا وانته نتحاور في موضوع والحمد لله ما عصينا خالقنا ولا خالفنا قوانيين منتدانا وإختلاف الرأي.... لا يفسد للود قضيه وعلى فكره زماني كان في الدور الثاني في مجمع العطور في المعيقليه صح ولا انا غلطان.
اتمنى عدم الزعل ............................ والله يرزقك من واسع فضله اااااميين ........