[align=center]الا انت سولفلي عن احوالك وخل عنك القصيد ,,, يعني وش اللي في غيابك راح اقوله واكتبه .
شعري على حطة يدك في غيبتك مامن جديد ,,, البيت من قبل اكتبه افكر اني اشطبه .
دامك تعرف الشعر لا يقنعك ولا يفيد ,,, استوعب حضوري وهو انساه لا تستوعبه .
ركز معي الله يرضالي عليك ولا تزيد ,,, الهم هم وعَدني ضيف نويت توجبه .
مابيك من بعد الجفا تجيني بقلبن بليد ,,, حسسني بشوقك ودمعك من عيونك اسكبه .
ضيعني بشهقت بكاك وجيب فيني الف عيد ,,, بحكيك اللي حافظه ولا عرفت ترتبه .
هي كلها هالساعتين وعقبها ببقى وحيد ,,, لا تشح بشعورك علي ولا تمادى وانتبه .
لا شفتني سجيت عنك فيك جودني من ايد ,,, قلبي ووصلني لقلبك برضاه او اغصبه .
هذي سنه ان ماسكنت القلب مسكنك الوريد ,,, ونفس السنه مرت وحقي فيك ضايع واطلبه .
يآأدمي مادام نظراتك بأحاسيسي تشييد ,,, لا تترك اسئلتي تموت ولا لقت بك اجوبه
ليه انت راضي بالعناد وبالرضى تصبح عنيد ,,, ليه إتساهل بالجفا ليه الوصل تستصعبه .
ليه اتمنى الموت في بعدك واحس انه بعيد ,,, وليه اشعر ان الموت في لحظة وصولك مقربه .
وليه اعتبر نفسي اذا ذبحني شوقي لك شهيد ,,, والا انت حتى الشوق لا ردك علي تستغربه .
جاوب وريحني او انسى كل شي ولا تعيد ,,, سؤالك عن شعرن كتبته من قبل لا اشطبه .[/align]