[align=center]ياسيـدي جيتـك ، وانـا نـاوي المـوت ,,, امـا تجينـي بشـوق .. تلجانـي والجـاك
جايك ( عظيم القاف ) مسطـر لـه بيـوت ,,, جتّك بيـوت الشعـر ، قافـي بعـد جـاك
جاك الغـلا مـن بعـد ماكـان تابـوت ,,, جاك الغلا / يرجيـك / يرجـوك / يرجـاك
جيتك ( بقايا انسـان ) ، جايـك ومحتـوت ,,, يالعنبـو / بيـك / وجــدك / ومـثـواك
يالعنبـو حيـك لا عدمـنـاه هالـصـوت ,,, يالعنبـو / جـدك / وجـد / جـد ابــاك
محـلـيٍ اشـفـاك وردٍ مــع الـتــوت ,,, ولإ اظـن التـوت : محـلا مـن اشفـاك
ياسيـدي الزيـن لوهـو جـمـال نــوت ,,, ثلثـك جميـل ، وثلثهـا بعـد مـا اكفـاك
ياسيدي دربـي .. تـرى صـار مبهـوت ,,, اشوفك / اهنيـا / وهنـا / ومـره اهنـاك
اسهرك / واعيشك / وانا احياك / وامـوت ,,, واغفا علـى صـدرك ، واموتـك واحيـاك
مـرات اشوفـك ظلـع ، ومـرات مفتـوت ,,, ومرات اشوفك طيف ، ومرات انـا القـاك
ومرات إحس إنـك لـي الـزاد ، والقـوت ,,, واثملك انا مـره ، ومـرات انـا اصحـاك
اهواك / واحبك / يـا مرمـر / و ياقـوت ,,, واغليـك / واعـزك / واداريـك / وادراك
بعدك عذاب وضيقتـك ، تشبـه .. المـوت ,,, وقربـك دفـا دنيـاي ، يابـعـد دنـيـاك
لاشفتـك إلا صايـبٍ ، حنجـري صمـوت ,,, الصمت ( ابلغ ) .. في حرم زيـن يزهـاك
ولا الحناجـر صابهـا ، مُـر ، وسـكـوت ,,, شفتك سراب و ( ضامي الريـق ) يـرواك
خمسـة حـروفٍ داخـل الصـدر مكبـوت ,,, ابغى دروبك سيدي صدق انا ( ا ب غ ا ك )
ياسيدي ( المسك ) في داخل فـي الحـوت ,,, إن ماصفا ( جوهرك ) فلا ارجـي ارضـاك
كان ( الغرور ) اعماك تبي غيري ايفـوت ,,, لا ردك الله سـوا غـيـرك .. وســواك [/align]