رائعه من روائع الادب الشعبي (( لي بنت عم))
--------------------------------------------------------------------------------
السلام عليكم ورحمه الله
تاريخ الجزيره العربيه حافل بروائع الشعر بجميع فروعه غزل او رثاء او مدح او فى الزهد ...وغيره
ولكن ليس هناك اهتمام به !
وهذه رائعه بحق للشاعرالكبير :
شرعان بن رمال الشمري
والتى يقول فيها:
[poem=font="Simplified Arabic,4,black,normal,normal" bkcolor="transparent" bkimage="" border="outset,6,gray" type=1 line=0 align=center use=ex num="1,black"]
لي بنت عم ماوطت درب الادنـاس
ولادنسـت يـوم النسـاء يدنسنـي
ضربتها وانا احسب الضرب نوماس
طلقتها يـوم افخـت العقـل منـى
ياناس كيف العين تبكي على نـاس
وكيف العيون بلا رمـد يسهرنـى
[/poem]
واليكم القصيده كامله :
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=1 line=0 align=center use=sp num="0,black"][list]
ياراكـب ثنتيـن يـشـدن الاقــواس
مـن دار ريـضـان الحجرحركـنـى
مافوقهـن كـود الدويـرع وجــلاس
وسفايـف بـيـن اربــع يلعبـنـى
تحركنا مـن عندنـا حيـن الامـراس
ومضـى سـواد الليـل مـا بركـنـى
حكن علم عذفا يسـارن مـن الـرأس
والظهـر مـع ورد الحفـر يشربنـى
وحطو لهم مع هقلـة الحضـر بـلاس
عن الحضر واللـي بالخـلا يسرحنـى
وليـا لفيتـوا عنـد مدقـوق الالعـاس
الجـادل الـلـي بالمحـبـه محـنـى
قولوا على حبل الرجا نطـوي اليـاس
ولبيـض غيـره كلـهـن يحرمـنـى
والله يعـلـم بالخفـايـا والاجــاس
حيث مضى من صغـر سنـك وسنـى
وياعم اللي طعت بي هـرج الانجـاس
طاوعت هرج النـاس واخلفـت ظنـى
طعـت بـي ياعـم دايـس ودربـاس
وعــوارض صدقتـهـا وابعـدنـى
ومن لااخذ من درس الاسلاف نبـراس
تمضـي حياتـه بالـرجـا والتمـنـى
واقفيت ادير بظامـري كـل هوجـاس
علـى وليـف بالحشـا غـاب عنـى
تكبي خواطرهـم ليـا جيـت عسـاس
ولاتقـل انـا منهـم ولاهمـب منـى
ومريـت دار ماتقـل جنـة الاونـاس
وونيـت ودمـوع العيـون ذرفـنـى
جيت المراح اللـي بالعشـب محتـاس
العشب فـي مضـرب وسـادة معنـي
محذا شبـة النـاس ومشتاقـة الـرأس
وثــلاث لايـبـكـن ولاينبـكـنـي
لي بنت عـم ماوطـت درب الادنـاس
ولادنسـت يـوم النـسـاء يدنسـنـي
ضربتها وانا احسب الضـرب نومـاس
طلقتهـا يـوم افخـت العقـل مـنـي
ياناس كيف العين تبكـي علـى نـاس
وكيف العيـون بـلا رمـد يسهرنـي
لو ينشكي حبي علـى ذيـب لاخمـاس
يسـرح مـع الطلـيـان مايجفلـنـي
ولو ينشكي حبي علـى طيـر قرنـاس
اضحى الضحـى بمويكـره مستكنـي
ولو ينشكي حبي على قـب الافـراس
عيـن نـهـار الـكـون لايفزعـنـي
ولو ينشكي حبي على الميـت مانـاس
يثـور مـن بيـن النصايـب يـونـي
ولـو البيـوت مشددينـه بـالامـراس
عيـن مــع الخـفـرات لاينبنـنـي
وحتى النجوم اللي مـع الليـل غـلاس
لـو ينشكـي حبـه لـهـن وقفـنـي
ولو ان غوطة (دم سلمان ) واضـراس
يــدرن بماقلـبـي لقلـبـه يكـنـي
تلقى سهـل جبـة هضـاب ومنحـاس
وحتى الجبـل بالقـاع صـار متثنـي
اشرفت رأس ضراس من فوق الاطعاس
ولالـوم طـراد الهـوى لـو يجـنـي
هليت دمع العيـن واوميـت بالـراس
ورافقت كـور العيـس يامـا ابعدنـي
ورفعت نفسي عن شبا كـل وسـواس
البعـد احلـى مـن حـيـاة التمـنـي
انـا زبـون الحـرد للخيـل مدبـاس
ياكلشـن شهـب الشـوارب نخـنـي
نفسي تشوم عن التدلبـح مـع السـاس
ولاعاش من هـو عـن رفيقـه يكنـي
من شيدوا (زينة ) على غيد واغـراس
ليـا نسـيـت رسومـهـم ذكـرنـي
ياعم انا لـي طلبـة الـراس بالـراس
ياعم شـوف رسومهـم مـا انمحنـي
ولو صرت ان القلاع ماشلت الاضراس
والمـوس مايقـطـع بلـيـا مسـنـى
ياصار ماربعن علـى الـرائ جـلاس
وجنحـان طيـر السـعـد يلفحـنـي
نصـيـر دوم للصقاقـيـر مــدواس
مثـل اللـي يسمـع صفيـر المغنـي
والله يلـولا بـكـرة يـابـو ونــاس
حبه سكن باقصـى الضمايـر محنـي
والله لـو هـي ماتبينـي فـلا بــاس
لاشـك خبثـان النـفـوس طـردنـي
وانا احمد اللـي خالـق كـل الانفـاس
وجعـل وسـاع القـاع مافيـه منـي
دار بـدار ولامنـاخـات الانـجـاس
ياصـار مايمنـاك عيـنـك تـزنـي
في بلدة الغـراف مـن جملـة النـاس
ولا نيب من يرجـي الخلايـق تحنـي
دار به الاكـرام والطيـب بـه سـاس
دايــم تذكـرنـي لـيـال مضـنـي
.
.
[/list][/poem]
وسلامتكم
العرض العادي
