من اللى يعرف : رز ... كانتري ......... الكويتي ؟

[الفارس]

يهنيكم بالإيمان وطآعة الرحمن

( من طاري الرز ... سوف يكون هنا اثنان لا ثالث لهما ... تركى الوايلي وجروح الذاكره ..)

الــــرز لاغنى لنا عنه ونحمدلله على نعمة
دار حديث طويل اليوم مع احد الاصدقاء وذكر لي معلومه بان هناك " رز كانتري" الكويتي ذو الحبة الطويله والطعم النادر من بين كافه الاصناف الاخرى
ويقول : قد .. يباع بحفرالباطن .. فقط كونها قريبه من دولة الكويت ..؟
فهل هناك من يبيعه ؟
وأين يوجد ؟
واخر سؤال ...
اللى يعرف الاجابه يرسل كيس رز " كانتري" للفارس ومعها حبة خشم
>> امزح

مجرد علم وتجربه منكم عن افضل الانواع
كشعب يحب الرز
والله لايغير علينا

[فراج العضيله]

مافيه شي إسمه رز كانتري بالحفر مستحيل ، أفضل رز باب الهند

عمرك جربت الرصيص << شده بالياء مع الفتح

جروح الذاكره مغير متبطح بمطاعم شركة أرامكو ، الوايلي عنده مطعم التيسير إشارة الرياض

تلقاه يدبس بالنعمه لحد ما يقول بس مع كثير من الزبادي واللبن والببسي

[أبو راشد]

في رجال من الزملاء بالكويت له ايام يدور موتر
والبارح كلمني لاني موصيه بعد على موتر ولازال موجود هناك وجاي ان شاء الله هاليومين او متى ماخلص حاجته وحاجتنا
الليله نكلمه وابشر نخليه يفر الكويت كلها يدورهـ
وان لقاه فأبشر فيه .. بس اخاف ارسله لاحد هنا 40 كيلو ويرسله لكـ مجمرك 5 كيلو من مدحك الطيب له
عموما انتظر تعقيب الليله بالعلم الاكيد

[العزيزيه (ب)]

صدقت اخوي الفارس هذى النوع حنى نستخدمه ومدمنين عليه < يساتر ادمان
وممتاز بس تبيله طباخه مثل العجوز الله يخليها اما بنات الحين ما يضبطنه
والي يدور يحصله في القيصريه القديمه يم المواد الغذائيه
وقيمته اضن فوق العشر دنانير د
=== تقبل مروري

[غرور.]

هلابك اخوي الفارس بخصوص الرز مايوجد بالحفر نهائيا وهو رز كويتي ممتاز وافضل انواع الرز من تجيد طباخه وهو موجود بالكويت باي جمعيه وسعره 10دنانير يعني 135 ريال سعودي < خبره
دمت بود.

[جروح الذاكرة]

فتحت المنتدى شميت ريحة رز :)


المهم أرسلت مسج لولد عمي بالكويت وقال لي موجود وبكثره وبعدة أنواع . إذا تبي أبشر من يجيبه من الكويت حتى المعيقلية .

بعدين ترى فيه رز له نكهة حلوة ، إسمه " المها " . قبل أسابيع كان عندي مجموعة من الربع يمدحون فيه ، ما أدري هو زين ولا كانوا يلمحون لي " يا جروح يالله عطنا العشاء " .


وبس

[احمد الغشم]

بلا كانتري بلا رز باب الهند
ابورصيص ونعم الرز امزح احسن رز
بنجابي المها واكثر ناس تشتريه اهل الحسا ومعروفين بالطبخ
ولااشتر رز الحسا

[الفارس]

اقتباس: المشاركة الأصلية كتبت بواسطة Bhar ale3on    مافيه شي إسمه رز كانتري بالحفر مستحيل ، أفضل رز باب الهند عمرك جربت الرصيص << شده بالياء مع الفتح جروح الذاكره مغير متبطح بمطاعم شركة أرامكو ، الوايلي عنده مطعم التيسير إشارة الرياض تلقاه يدبس بالنعمه لحد ما يقول بس مع كثير من الزبادي واللبن والببسي

هلابك
مالك لوا ..
يوجد بالحفر ويباع حسب ما وصلني
وباب الهند معروف كما تفضلت بجودته

ممتن لك..

[الفارس]

اقتباس: المشاركة الأصلية كتبت بواسطة مخاوي الرجال    في رجال من الزملاء بالكويت له ايام يدور موتر والبارح كلمني لاني موصيه بعد على موتر ولازال موجود هناك وجاي ان شاء الله هاليومين او متى ماخلص حاجته وحاجتنا الليله نكلمه وابشر نخليه يفر الكويت كلها يدورهـ وان لقاه فأبشر فيه .. بس اخاف ارسله لاحد هنا 40 كيلو ويرسله لكـ مجمرك 5 كيلو من مدحك الطيب له عموما انتظر تعقيب الليله بالعلم الاكيد

هلابك ..
جعلك ذخر .. ياغالى ..
هو مجرد استفسار من اهل الخبره
وإلا الخير بحمدلله واجد ..
يكفينى انك بقلب الفارس ..

ممتن لك ..

[الفارس]

اقتباس: المشاركة الأصلية كتبت بواسطة العزيزيه (ب)    صدقت اخوي الفارس هذى النوع حنى نستخدمه ومدمنين عليه < يساتر ادمان وممتاز بس تبيله طباخه مثل العجوز الله يخليها اما بنات الحين ما يضبطنه والي يدور يحصله في القيصريه القديمه يم المواد الغذائيه وقيمته اضن فوق العشر دنانير د === تقبل مروري

ايييه .. هذا العلم الوكاد
والله يخلي لكم الوالده .. ولا تقول ثاني مره " عجوز "
فهو تقليل من قدرها الكبير وغير مستحبه هى تاج رؤوسنا
وصدقت تحتاج إلي طبخ خاص واتقان قليل من يجيده وتضيع علوم بعض " النساء " فى عمليه ضبطه و " نفس " فى الطبخ

ممتن لك