عن قولة ما عطيناكم

[مستعد]

استبشر اخواني مربي المواشي بحفر الباطن بدعم الشعير وتحديد سعره
لكن وحط تحت لكن الف خط ... عند وصول تريلات الشعير لموقفة الشعير
اختلط الحابل في النابل انقلبت مكرمة الحكومه السعوديه للشعير الي دعم وتصادم بين المواطنين
كل واحد يقول هذا الشعير لي انا فقط والكميه المحدده لا تكفي ابي زياده
ولكن ..وحط تحتها الف خط بعد ... رجال الامن لهم بالمرصاد وهيهات من تسول له نفسه ياخذ اكثر من 10 اكياس شعير ... فوصل السراء(الطابور) علي تريلات الشعير الي قرابة 3 كيلو ...ولكن... ادري اني كثرت ولكن يقول المثل (نص العطي تصريف ) ... هل من المعقول ان يتساوي ابو خمس نعجات مع ابو 1000 نعجه تقولي لا هذا ضعيف وهذا قوي ايه صح بس هذا نعجه وهذا نعجه ..
وهذا تاكل باليوم كيلو شعير وهذا باليوم كيلو شعير طبعا غير المقبلات من برسيم وتبن (كرمتو في غير وجهكم ) .. المهم نرجع لبو 10 نعاجات هذا الشخص تكفيه ان ياخذ كيس واحد ويشبع غنمه خمس ايام .. لكن انت يا ابو 1000 نعجه ما تكفيك لو توزع حبه حبه علي غنمك يومين ... المهم نرجع الي ولكن لو يوزع الشعير بشكل متساوي نسبه وتناسب علي جميع المربين كان زين .. تقولي وشلون اعلمك ولا يهمك فيه الف طريقه وطريقه
بس بعطيك المختصر ... مثل علي البروه (شهادة الزكاة) ... مثل وضع دفتر وسجلات علشان مهو كل من اخذ شعير رجع ومسك الطابور من جديد ... واجد الحلول بس مثل ما يقول المثل .. (عن قولة ما عطيناكم)

[زبن المرشد]

الله يكون بالعون ويزين الامور.

[هجمة عكسية]

كل شي تخبط بتخبط ما في لا ترتيب ولا شي راح يصيير مثل ما صار بالضمان

[عبدالله الفهد]

هههههههههههههه ذكرتني بزياده الراتب الخمسه بالميه اللي راتبه الفين زيادته 200 والي راتبه 20000 الف زياده الفين الان راتبه 20000 الف وتزيده الفين واللي راتبه 2000 تزيده ميتين الصراحه مافيه عدل زي ماقلت اللي عنده خمسه يكفيه كيس والا عنده 100 تعطيه 10 اكياس وهذا العدل

[كرم 111]

مرور مرضي الناس كايد

[الشمـــالي]

ههههههههههههههههههههههههههههههههه

هالحين يجونك وياخذون الكيس الشعير33 ويبعونة 45 ريال

ضايعة وربي ضايعة تخبط عشوائي ياخي ممنوع صرف اي كيس شعير اللي من معة بروة ويكون مسجل بها عدد المواشي ويصرف لة وانتهي