شباب من يملك ارض لا يبيعها ابداًابداً

[نبـ‘ــع آلـوفآء]

[align=center]آنآ معك آخوي , الآرآضي إذآ مآزدآت مسستحيل تنقص =)

آخوآني ترى الزين من زآنت معآنيه

آحسسنو النيه =)

ولأتزعل من آخوآنك اللي ردوآ , الله يهديهم ويسآمحهم =)

جزآك الله كل خير آخوي وربي يعطيك العافيه

وعسآك دوم على القوهـ ,

وعذرآ على الإزعآج وآتمنى محد يتحسس من كلأمي

دمتم بودآعه الرحمن[/align]

[هجمة عكسية]

بالتوفيق للكل

[العجلاني]

ابشرو بالخير ياأهل حفر الباطن الغلين والله انني متحمس للسكن في الحفر لولا ظروف العمل في الشرقية وانا من أهل الرياض بس انحشت من غلا ء الأراضي في الرياض وشريت في الحفر ولدي معلومات من ناس واصلين في الحفر ان الحفر مقبل على خير عظيم من الجامعة والمستشفيات الى الطوارئ الى كبري جديد من طريق الملك فيصل الى الجامعه على طريق الرياض مرورا بجميع المخططات من شرق . وهذه ليست دعاية يعلم الله العظيم وانما كلام من رجل له وزنه في الحفر وكلكم تعرفونه جيدا......

[هداج13]

اقتباس: المشاركة الأصلية كتبت بواسطة العجلاني    ابشرو بالخير ياأهل حفر الباطن الغلين والله انني متحمس للسكن في الحفر لولا ظروف العمل في الشرقية وانا من أهل الرياض بس انحشت من غلا ء الأراضي في الرياض وشريت في الحفر ولدي معلومات من ناس واصلين في الحفر ان الحفر مقبل على خير عظيم من الجامعة والمستشفيات الى الطوارئ الى كبري جديد من طريق الملك فيصل الى الجامعه على طريق الرياض مرورا بجميع المخططات من شرق . وهذه ليست دعاية يعلم الله العظيم وانما كلام من رجل له وزنه في الحفر وكلكم تعرفونه جيدا......

جاك جاره في المكتب يعدي وشماغه على جنبه يرفعله

اقول يا حليلك بس على مين تلعبها اذا مخططات الدمام طاحت 10%

اذا امانة جده جده مو الحفر حذرت من انخفاض الاراضي المفاجئ في جريدة الاقتصاديه ورئيس بلديه الدمام حذر في جريدة اليوم من انهيار سوق العقار
ونخفاض مخطط نمار وعريض وصرح عنها الامير عبدالعزيز ابن عياف

والدوله متوجه لخفظ العقار 50% في خلال سنتين تجي انت تقولنا كذا

وبعدين اتحدى اي مكتب تاريخ اليوم 11\11\1431يقول ان الطلب عنده اعلى من العرض على مين تلعبها انت

اقسم بالله ان اكثر مكاتب العقار في الحفر شرب شاي وتفرج على الدش طلب مافيه والعروض با الكوم

ترانا اهل السوق ونعرف قال يا شباب لا احد يبيع شريت لك ارض وابلشت العالم

[هايل 1]

اقول الحمد لله ان عندنا صحراء كبيره
بالله فكرو شوي معي لو نحسب كل الاراضي عندنا بالمملكه مسكونه
يعني كل مساحه المملكه ممتله بالسكن والسكان كان كيف يصير الحال
كان انزعجتو كثير وتعبتوا لكن الحمد لله المساحه كبيره كبيره جدا
المهم من الكلام اذا قفلت معكم وانا عارف انها ماقفلت لاحد الان
لان الحمد لله الخير كثير والامور بخير لحد الان وتضل بخير
المهم ماطيل عليكم وزبدة الكلام ان الواحد اذا تضايق بالمره وارتفعت
اسعار الاراضي الى مايطاق نسكن بالبر والحمد لله مساحة الحفر كبيره
وارضها منبسطه ماهي كبقية بعض مناطق المملكه وعره بل تصلح للعيش
السكن والواحد يشري له خيمه او بيت شعر بس انتبهو للنقطه هاذي
التجار لا يشوفون انا نبي بيوت شعر وخيام والله بريفعونها الله يجزاهم خير
وانا مازال عندي امل واذا تضايقت طبعا انا ماعندي لاارض ولا بيت للمعلوميه
اشري خيمه والحمد لله وخل الي يرفع السعر والي ينقصه وين المشكله .

[alfaisal]

الله يرززززززززق الجمييييييع

[طروادا]

اقتباس: المشاركة الأصلية كتبت بواسطة هداج13    جاك جاره في المكتب يعدي وشماغه على جنبه يرفعله اقول يا حليلك بس على مين تلعبها اذا مخططات الدمام طاحت 10% اذا امانة جده جده مو الحفر حذرت من انخفاض الاراضي المفاجئ في جريدة الاقتصاديه ورئيس بلديه الدمام حذر في جريدة اليوم من انهيار سوق العقار ونخفاض مخطط نمار وعريض وصرح عنها الامير عبدالعزيز ابن عياف والدوله متوجه لخفظ العقار 50% في خلال سنتين تجي انت تقولنا كذا وبعدين اتحدى اي مكتب تاريخ اليوم 11\11\1431يقول ان الطلب عنده اعلى من العرض على مين تلعبها انت اقسم بالله ان اكثر مكاتب العقار في الحفر شرب شاي وتفرج على الدش طلب مافيه والعروض با الكوم ترانا اهل السوق ونعرف قال يا شباب لا احد يبيع شريت لك ارض وابلشت العالم

انا اقول لا للبيع ما اقول اشترو واغلو الاراضي اقول من يملك ارض يمسكها بيدينه وسنونه
اذا ما وصل سعر الارض اكثر من 250الف والله ما ني ولداَ لبوي
انا عشت في تبوك وهي كانت مثل الحفر رخيصه بالاراضي الحين تعال شوف والله كانت 20الف الحين 150الف 250الف
نصيحه لا احد يبيع خاصه اللي عنده اراضي بالمحمديه

[هداج13]

هههههههههههههههههههههههه

ضحكتني يوم تقول ونا ولد ابوي ذكرتني يوم نلعب اتيل

وبعدين تجيب تبوووووووووووك لحفر الباطن المساحه الشاسعه الي لو يجون شعب المملكه كله يبنون عماير عندنا كفتنا ارض صحراويه واقنعك زياده انظر الئ خريطة تبوك شوف كم مساحة الاراضي الرمليه

[طروادا]

اقتباس: المشاركة الأصلية كتبت بواسطة هداج13    هههههههههههههههههههههههه ضحكتني يوم تقول ونا ولد ابوي ذكرتني يوم نلعب اتيل وبعدين تجيب تبوووووووووووك لحفر الباطن المساحه الشاسعه الي لو يجون شعب المملكه كله يبنون عماير عندنا كفتنا ارض صحراويه واقنعك زياده انظر الئ خريطة تبوك شوف كم مساحة الاراضي الرمليه

منطقه تبوك ومنطقه حفر الباطن بينهما قاسم مشترك
وهي وجود مدن عسكريه فيها
حفر لباطن مدينه عسكريه وسوف يزداد عدد العساكر فيها الى حد ما تتخيله بسبب التهديدات الصفويه الايرانيه والعراقيه
هي مجرد نظره بعيده المدى
ونت حر في البيع او الشرا
ويسعدلي هذي الضحكة يالغالي

[ام محمد الشمري]

العقار مهو خسارة ... لابد من زيادة بالسعر
الاراضي بمخطط ابن الغيصم كانت علي 2000 ريال والحين اقل شي 25000 الف
علما ان المخطط يبعد عن الحفر 28 كيلو تقريبا ً