الحكيم اللي قضى عمره حكيم
دايمن مهموم وجروحه وساع
والبليد اللي قضى عمره يهيم
مانقل من هم دنياه المتاع
انشدوني دامني منها سقيم
وخوذو علومن ثمينه ماتباع
وانشدو عن ضيقة الخلق اليتيم
هو يعلمكم وش اسباب الضياع
والاماني انشدو عنها العقيم
هو يعلمكم معاني للصراع
الصداقه انشدو عنها النديم
لو تلعثم خوذو اعلومه بساع
ولاتهور قبل ماتنشد فهيم
الطبيب يعالج اعراض الصداع
ولاتبين سر لليل البهيم
الدجى مفضوح من صبح وشعاع
واااه ياجرحن صطابي من قديم
اجمل اجروحي ولابس له قناع
كل جرحن طاب لاكنه مقيم
ملتهب باسباب تلويحت وداع
قدرو وضع الشجاع اللي كريم
لو وطى جرحه لانه هو شجاع
ارتفع وأقول من شأن العظيم
يرتفع دايم عن اعلوم الرعاع
وياالحكيم اتموت ذي حكمة حكيم
ويالبليد اتموت ماشلت المتاع
الشاعر غازي مطر العفتان