اهداء من الشاعر غازي مطر الى والدين المغدور به في سوريا
حسين العنزي
واتمني ان تصل هذه القصيده الي ابعد مدى ممكن
الله من قلبن يجر المواويل
موال حزنن يودع العدل مايل
من مارأيته مابقى بالجسم حيل
والدمع في عيني ولاهو بسايل
ياناقلن خطي على سبّق الخيل
والا على الاقمار ترسل رسايل
ابيك تنحر دار اهله المشاكيل
وتسلم المرسول والهم زايل
رح قل لبوه ان كان يبغى تباديل
حنا عيالك من صناديد وايل
والثار حناله ونسقيهم الويل
مبطي وحنا بالهوايل هوايل
حنا هلا الفزعات حنا هلا الهيل
حنا هلا الطولات حنا الجمايل
حنا هلا الوقفات حنا كما السيل
حنا هلا الردات حنا الاصايل
حنا كما الديمه وحنا كما الويل
حنا هلا الدسمات محنا هزايل
حنا نجير اللي عثتبه بهاذيل
والمنذريه خير واكبر دلايل
باسبابها كسرى سقط من تهاويل
راحت عليهم بيرق العز طايل
حنا هلا الهقوات مانسمع القيل
حنا هلا العزم القوي والصمايل
ياعيال وايل دم اخونا مسا الليل
تجمعوا والصبح ناخذ بدايل
ماناخذ الا من كبار الرجاجيل
راس الاسد مطلوب مادام عايل
ومني لابو متعب تحيه وتبجيل
راع العقال اللي مع الحق مايل
اللي تحت شوره تصير التساهيل
اللي بعد ربي ننول الجزايل
قله ترى دم عنزه طافح الكيل
نبغاك تسمح والشواهد دلايل
لو تفتح العقمين باللي مقابيل
وتشوف فعل اعيال عمك نفايل
الجيش راسه يفرس بحمص من حيل
والجيش ذيله واصلن لين حايل
اما نعيش احرار ونعانق سهيل
والا نموت وذكرنا غير زايل
قلته وانا من ساس قومي هلا الحيل
من سربة الحبلان اهل الفعايل
وين عنزه لو تجتمع شالت الشيل
وعدوهم شايف نجووم القوايل
وياقلب يكفي لاتجر المواويل
وعيال وايل بالهوايل هوايل
الشاعر غازي مطر العفتان
العرض العادي
