انتهبوا تكفوووووووووون الحذر ثم الحذر

[حفراوي بأمريكا]

انتبهوا من اللي حوايلكم من اصدقائكم واصحابكم حتى لا تنصدمون فيهم اختبروا الرياجيل مره ومرتين وثلاث قبل لا ينصدم الواحد صدمه يندم عليها طول عمره تصير له صفحة سوداء في تاريخه

وهذي قصيدة تقال في كل من تضاهر بالصداقه والمحبه لك ، وهو يخفي مالا يظهر من النوايا السيئه .



يامبيت(ن) سود النوايا مايطيح الا الحريص***والعذر مايرجع ذهين(ن) حاص عن دربك وفاص

من اول(ن) لا جيتني فزيت لك فزت قريص*** أو فزت اللي جاه عفوه عقب برك من القصاص

وارشدني الله لين شفتك زيـــــن بعيون البخيص***وشفت فعلك ياعدو المرجله في ظرف خاص

تقنب قنيب الذيب ياخمل العزايم وانت نيص*** مالك على الجزلات حيل ولا عن الهزله مناص

انا أشهد(ن) بعض المعارف تسنها كدشة غليص*** يقوله اللي جال في بحر التجارب يوم غاص

والا انت فعلك وارد(ن) فكتاب آداب الرخيص *** في باب ماجاء فالخساسه فصل بورات الرخاص

مرد حرفك زلة لسان(ن) حوت بك يارخيص*** واليوم طحت وجلت من حادي معاذيرك خلاص



وسلامتكم ،،،،،،،،،،،،،،،،،،،،

[هنوف نجد]

اشكرك على النصيحه والقصيده

لكن ينبغى على الانسان ان لايتخذ له صديق بمعنى الصداقه الحقه الا

بعد مرور ذلك الشخص بعده تجارب معه ومن خلالها يحكم على علاقته به

اذا كانت مجرد زماله او تتعدى ذلك لتصبح صداقه

يعطيك العافيه

[المغامس]

أستاذتنا الهنوف كفت وفت

شكرا لك

[حفراوي بأمريكا]

شكرا اختي هنوف ونجد والمغامس على المرور ويعطيك العافيه هنوف نجد على هالنصيحه بس اتوقع ان اخوي المغامس ماقرأ الكلام اللي فوق القصيده باللون الأحمر اعتقد انه جاء على طول وشاف رد هنوف نجد فقط .

(انتبهوا من اللي حوايلكم من اصدقائكم واصحابكم حتى لا تنصدمون فيهم اختبروا الرياجيل مره ومرتين وثلاث قبل لا ينصدم الواحد صدمه يندم عليها طول عمره تصير له صفحة سوداء في تاريخه)



ولو رجع ( اخي المغامس ) للكلام اللي فوق القصيده كان ماإكتفى بالنظر الى رد اختي هنوف نجد على القصيده وكتب عبارته ( أستاذتنا الهنوف كفت وفت شكرا لك)

ولاكن المفروض ان اخي ( المغامس) لاحظ الكلام وقال لأختي هنوف نجد ان صاحب الموضوع حفراوي بأمريكا كتب في المقدمة نفس الكلام اللي انتي كتبتيه بالرد ( اختبروا الرياجيل مره ومرتين وثلاث ) وأنتي ياأختي هنوف نجد كتبتي بالرد ( لايتخذ له صديق بمعنى الصداقه الحقه الا بعد مرور ذلك الشخص بعده تجارب معه ) ولا يكتفي بالنظر الى الردود ومن ثم التعليق .


على اية حال شكرا على مرور اختي هنوف نجد وعلى مرور المغامس.

واطلب من المغامس تحري الدقه قبل الإدلاء بأي رد والنظر إلى اصل الموضوع ولايكتفي بالنظر الى الردود ويرد على الموضوع .

[ابومالك]

[align=center]أستاذنا / حفراوي بأمريكا

بجـد عاد ما قصرت وكفيت ووفيت يعني القصيده تكفي عن النصيحه

فديتك من الحفر الي امريكا


تقبل ودي وتقديري ،،[/align]

[حفراوي بأمريكا]

ابو مالك 2004 فداك روحي لبى قلبك ماقصرت على المرور الكريم واسعدتني صراحه بمرورك ولاهنت على الكلام الطيب .
لأن اللي مثلك وشرواك طيب ولا يجي منه الا الكلام الطيب .

[أبـو عـــزوز]

[align=center]حفراوي بأمريكا[/align]


[align=center]

[align=center]تقنب قنيب الذيب ياخمل العزايم وانت نيص*** مالك على الجزلات حيل ولا عن الهزله مناص[/align]

البيت هذا يكفي ويوفي

وصح لسانك

وتـســلـــــم

=========================

تقبل مروري

أخـوك أبـو عــــــــــــزو[/align]

[حفراوي بأمريكا]

ابو عزوز الميموني صح بدنك حبيبي ولاهنت على الرد الجميل واسعدني مرورك الكريم .