[FONT=Arial Black][SIZE=3]اخواني الاعزاء .......... أخواتي العزيزات
حرصاً مني على تفعيل وتنشيط هذا المنتدى الغالي علينا والذي يعيش هذه الايام أول ايام حياته في عالم الانتر نت
فانه يشرفني تقديم قصيدتي الثانيه عل وعسى ان تجد الرضا والقبول في نفوسكم النقيه
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="none,4,gray" type=2 line=1 align=center use=ex num="0,black"]
حبيبي جيت أنادي لك بصوت من الحزن مبحوح=أبيك اتحس بجروحٍ تبي منهو يداويها
أنا لا جيت أسولف لك سواليفي صداها نوح=بقايا ذكرياتٍ جارحه . قلبي امخاويها
أتووه بزحمة اشواقٍ أملها بالالم مذبوح= تغني لي تناهيتٍ تكيّفني غناويها
ألا يا أحلى عذابٍ عشته بعمري بلا مصلوح=حرام ان الزهور المِنوره قسوتك تطويها
شعوري لو يُصوّر لك ويُرسم رسمةٍ في لوح=تشوف الجرح ينزف هم في لوحي ويرويها
مشاوير العمر غربه َقَبلها خاطر المجروح=بها تلقى الليال الكابته عجله خطاويها
حبيبي لا تخليني على جمر الغظا مطروح=يكفّيني شربت ابدنيتي أحلى بلاويها
شربتك يا ظما عمري وجيتك للعطا مشفوح=أبيك تشوف روح ٍ ترتجي شوفتك ترويها
ألا يا بسمة الدنيا وقبلة وجهها المملوح=حرام ان الجروح المبطيه محدٍ يداويها[/poem]