سر يا قلم لا هنت يوم الدهر جار
اكتب ودون من جديد التعابير
نطب باأسواق المعاني ونختار
ذلي مقابيل ٍ وذلي مدابير
سطرعلى بيض الورق جزل الافكار
مالي عن اللي شفت درب ومعاذير
الشعر وضعه تالي الوقت منهار
يبحل به العاقل بكل التفاكير
من يوم دقو به رديين الاسعار
هلاله ولجنتها وشبه الغنادير
أثر الطمع والكذب طاغي وجبار
بين خفا حلوق ٍ سواة المناشير
ياشاطي الراحه يشومون الاحرار
عن مجتمع نشوى ولم الدنانير
كم طوح بركنك منافق وهذار
نفسه يمثلها باابو زيد والزير
وبيت ٍ بليا ساس لا بد ينهار
طال الزمن ولا قصر يا معاثير
لو حط ابن زايد ثمانين مليار
ولو حط له بيرق وناس وجماهير
مااقول شحاذه ولا اقول شعار
وكل ٍ يبرر موقفه خير تبرير
حنا هل الاشعار باالموقف الحار
حنا هله يااهل الطبل والمزامير
قصيد ٍ عليه العلم لاصار ماصار
أشد من ضرب السيوف البواتير
والشعر ماله لا مدينه ولا دار
دياره ديار امزبنين المناعير
دار الوفا والدين والعز والكار
دار السعود اهل الفعول المسافير
زحول الملوك مروضة كل غدار
تشهد لهم سود الليال المعاسير
اقولها ماني براجي ومحتار
من روس حرب مشتتين الطوابير
حربي امثل حرب في كل الاقطار
يا شبل حنا ما نعـد المخاسير
خذها يابن زايد مع الوقت تذكار
المعرفه تصنع رجال ومشاهير
لي هاجس ٍ باالنظم راهي وبيطار
قلت اختصرها لاتطول المشاوير
الشاعر / محمد بن حبيتر
[/color][/size]