اشره على النبراس ولا يهون الجميع

[عباد]

[poem=font="Simplified Arabic,5,darkblue,normal,normal" bkcolor="transparent" bkimage="backgrounds/6.gif" border="double,4,gray" type=0 line=0 align=center use=ex num="1,blue"]
ماحد(ن) نشد عني ولاجاب طاري=ولالفانا مع صدى الناس نشاد
اشره على النبراس لطيب ضاري=المشرف اللي مانشد وين عباد
ياهل الحفر ياطيبين الطواري=ماحد(ن)فقد بالمنتدى صوت قصاد
اكتب وربي بالخفيات داري=احبكم ياهل الحفر حب الاجواد
من حبكم صرت بهواي انتحاري=افجر الدمعه من النون للصاد[/poem]

[السلطة الرابعة]

لاهنت ياعباد
,

,

عزالله كل بيت عن قصيده

هذي والله جزالة الشعر والمعنى الدسم





لن اقرأ بعد ابياتك أي ابيات خلال الـ 24 ساعه القادمة

لقد ارتويت من هذا المدعو بـ عباد

اقتباس: 3 ياهل الحفر ياطيبيـن الطـواري ماحد(ن)فقد بالمنتدى صوت قصاد

من اليوم هذا انا راح افقدك لو غبت
واعذر اخوك السلطة الرابعة لأنه عضو جديد






دمت بخير ياجزل القصيد

[عباد]

اشكرك على مرورك اخي السلطه الرابعه وعلى هذا الاطراء الذي اعتبره تواضع منك
بس بيني وبينك انا مفرك من المنتدى صار لي مده قلت ياولد قابل الصياح بالصياح تسلم
ويعلم الله اني احب هذا المنتدى واهله

[ريم النواااظر]

[frame="10 80"]


شااعرنا الجزل / عبااد

لك كل الحق تشره علي أخوانك بـ/ مشاعر الروح

ورغم أن الأبياات تخص شاعرنا النبرااس

ولكني أبيت الا أن أتواجد هنا ؛؛؛

ومن باب الأخوه أن أقول لك الحمد لله علي رجعوك لنااا

ونور معرفك سمااء عاصمة الربيع

ولتعلم أخي أننا أفتقدنااك 00

وهذا هو الدليل :

http://www.hafralbatin.com/vb/showth...17288&page=108

وتسلم علي هالأبياات الجزله

صح لساانك ملايين


*
*
*
ريم النواااظر
،
[/frame]

[ابن عجلان]

اكتـب وربـي بالخفيـات داري
احبكم ياهل الحفر حب الاجـواد
من حبكم صرت بهواي انتحـاري
افجر الدمعه من النـون للصـاد
رس ياترس وعتدل ياملف صح لساااااااااااااااااااااااااانك مليون
ماودك بطارووووووووووووووووووووق نتعلم منك

[معرّب الجدين]

صح لسانك يالجزل

ويحق لك تشره ما دام لك مغلين كثار

تقبل مروري ياشنب

[النبـــــراس]

صح لسانك
يا عبّاد

الرد /

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
يسعد صباح العز في كل طاري=مع صوت غياب الشعر باسم عباد
أشوف نجمه بآخر الليل ساري =والنور يرسملي مودّين / وبلاد
بإحساس رجالٍ على الجزل ضاري=أشعل فتيل الشعر .. بارود / وزناد
شرهة رفيقي قدرها / باعتباري : =حق ٍ على الوافي نوّفيه وإن زاد
إن كان حقه بالأسف / واعتذاري=وثقت لي من ساعة العذر ميلاد
العذر خافي / لكن الجرح عاري =والصبر واجد / لكن الجمر وقاد
لكن رسالة صاحبي .. بانتظاري=والرد في قولي على رووس الأشهاد :
لو غبت تبقى فالصدارة تماري= أهل المراكز / وأنت للمجد معتاد[/poem]

نبض القلب /
عبّاد وإن غاب يبقى في سماء المبدعين بأجمل حضور
أهلا بهذه الإطلالة وصاحبها .. بقلب ملؤه المودة والتقدير والإعجاب بكل ما تقدمه ..
باسم مشرفي القسم نرحب بعودتك جميعاً ..

كن بخير
حفظك الله

[الفارس]

الاخ العزيز/ عباد

صح لسانك على هذه الابيات المميزه والعودة الفاخره

وطيب الاسلوب

فاهلا وسهلا بعودتك وانت بقلوب محبيك ولله الحمد

وعلى الرحب دومآ

[فوآز آلحربي]

شاعر جزل

وصح الله لسانك يالغلا

تقبل تحياتي

[برنسيسه الحفر]

صح لسانك اخوي عباد