[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
نبشـــت صدري .. واستبحت الميادين =وأخــذت لي في ساحة الشـعر جولة
حـــاولت أجــمع من عناي العناوين=سطرٍ قريب وســــطر ماني بحوله
الشعر يطربني ، وحزني له سنـــين=أروضه ، و أطلق بصــدري خيوله
غرست له في داخــل الروح غاوين=والعـــذق هذا ليـــت يدي / تــطوله
ارقص على جرحي بصوت المغنين=ما دام صـــف الشـــوق يرفع طبوله
أحـــيان نقــطفـــها بكل البـــساتـين=وأحيان وين الغيم ؟ مـَن ّ بهطوله !
يا لهفة أشواق البشر وش تحرين ؟=من نبض قلبي والعذر في خـــموله
أبعدت عن دارك ولا أدري أنا وين ؟=ما أشـــوف غــير إنسان نوّخ ذلوله !
سمعت في صوته قصـــيد / ومحبين=وأنفاس من وقت " الفخر " والبطولة
رفــعت له صوتي / سألته عن اثنين :=الشعر / والثاني : من اللي يقوله ؟!
وشفت في رده لفكـــري .. براهيـن=( مات ) الشعر و اسدل نهاية فصوله
ما عاد له مــــعنى بكل المـــوازين =وما عـــاد محـــاره يفــــاخر بـلوله
من بعدها ضـــــاقت فسيح الميادين=وقفيت عن أرض الشعر دون جولة
لأني قريت بسطر غـــيري عناوين =لا عـــادني قـربه / ولاني بحــــوله
قفيت و إن كان الحزن نبضْ لسنين =حبست في صدري شـــوارد خيوله [/poem]
للشعر / أطلقت من صدري شوارد خيوله .. ارتجال ،،
العرض العادي
