عاجل اعداد الناخبين حسب القبائل

[alzaeeem]

السلام عليكم ورحمة الله وبركاته

عملت احصائية حول اعداد الناخبين حسب كل قبيلة من موقع الوزارة وهذا اللي طلع

اولا الاحصائية او البحث حسب اسم القبيلة يعني بالطريقة هذي (العنزي الشمري الظفيري المطيري الحربي)

وتجنبت البحث بأسماء العوائل مثلا الدهمشي الجنيدي الميموني الوسيدي الحبلاني العلجاني يعني بالعربي اي واحد اسمه بالطريقة هذي مهو من ضمن الحسبة


وتضمن البحث القبائل الاكثر عددا كما لا انسى ان بعض القبائل لم اذكرها (وهم عتيبة الخوالد السبعان الرولة) الدواسر وبقية القبائل

وللامانة فان ابناء غانم لهم ثقل واعداد لاباس بها ولكن لصعوبة البحث عن اسم معين للقبيلة هو ما اعاق البحث

وقد اتت الاحصائية حسب الاتي

اعداد الناخبين النهائية بلغت 31944 ناخب

وناتي للتفصيل حسب القبيلة الاكثر اعداد ناخبين

قبيلة شمر اعداد الناخبين= 6622

قبيلة عنزة= 5451

قبيلة الظفير= 4333

قبيلة مطير =3554

قبيلة حرب= 2115

العدد الاجمالي هو =22075 ناخب

اما العدد الباقي =9869 فهو موزع بين القبائل الاخرى

بالتوفيق للجميع ,,,,,,,,,,,,,,,

ملاحظة نسبة الخطا لاتتعدى 1% والله اعلم

[عاشق الهلاليه]

بكل صراحه قبليه صايره الانتخابات اتمناها تكون لمن يخدم الجميع مهو لبن العمومه وغيره لان الصوت اامانه

[alzaeeem]

اقتباس: المشاركة الأصلية كتبت بواسطة عاشق الهلاليه    بكل صراحه قبليه صايره الانتخابات اتمناها تكون لمن يخدم الجميع مهو لبن العمومه وغيره لان الصوت اامانه

كلامك صح بس المشكلة ان حفر الباطن اساسا منطقة قبلية والتغيير يحتاج لاجيال

[عاشق الهلاليه]

اقتباس: المشاركة الأصلية كتبت بواسطة alzaeeem    كلامك صح بس المشكلة ان حفر الباطن اساسا منطقة قبلية والتغيير يحتاج لاجيال

انا عنزي ولا يهمني من يمثل عنزه كثر مايهمني من يفيد المحافظه لانها بحاجه الى انسان كفو يطالب في حقوقنا وبكل شي تحتاجه المحافظه واتمنى كل من يحمل الامانه انه يضعها بالمكان المناسب وشكرا

[الذيب الوايلي]

الله يوفق الجميع ,,,,, ويجيب لنا المخلص فقط

خارج عن التعصب القبلي او غيره اهم شي

لديه القدره ولاستطاعه بالتغيير


شكرا لك على المعلومات

[أبوفيصل]

الأهم من يخدم المحافظة

ومشكور على الإحصائية

[غامض]

الله يجيب الي فيهم خير وكفو ويهمهم مصلحه المحافظه

[ابن رجا]

الله يوفق الجميع واللي فيه مصلحه نتمنى يوصل ويحدث تغيير بالمنطقه لان عن جد المنطقه ناقصها الكثير ولابد من وقفه حقيقيه من الاعضاء ومسانده من المتنفذين بالمنطقه لترتفع المنطقه بخدماتها وبنيتها التحتيه لاننا نسافر لمناطق اقل منها مساحه وكثافه سكانيه ونجدها من اروع المناطق والاهتمام فيها اكبر
والله الموفق ويجيب من له مصلحه للجميع
تقبل مروري

[همس الجنون]

ستتفرق القبائل ايضا حسب كل فخذ يعني صارت عنصرية حتى بين القبيلة نفسها

علما انه جاء كثير من الناس من مناطق اخرى بعيدة تحت اسم الفزعة